Wɔrɔmi ye 4:2 - Cebaara Bible 2010

² Kapye Abirahami maa sínni taa kapyegèle báriga ni, tànʔa mǎà dée pye wi ma bàā wiyɛɛ gbɔ́ʔɔgi. Kàjáa tànʔa da pye wi ma bi wiyɛɛ gbɔ́ʔɔ Kolocɔlɔɔ yɛ́ʔɛ ma í.

Wɔrɔmi ye 4:2 Iomraidhean Croise

Sélimɛ 12:18

A Faraɔnw si Abirami yeri ní baa wi pye: «Nyàʔá mɔ pye mii na gee? Nyàʔá na mɔ da gi joo mii ma níì mii pye mɔ cɔ́ɔ wii í?

Sélimɛ 12:20

A Faraɔnw fala n gi joo n gbàn wi wóbèle ma níì jo pe Abirami tórigo, woro ní wi céw, ní wi kɔlɔ̀ yáriri myɛ ní.

Ezekyɛli 8:9

A wi mii pye: «Jée mi yanɔnʔɔbeeyi wéle, yee be kpéʔele nɛɛ naa lè!»

Wɔrɔmi ye 15:17

Gee bee na mii i nyɔ̌ngbɔɔlɔ táanri Kolocɔlɔɔ fáliw kéele na Kirisi Zyezu bárigaw ni.

1 Korɛnti ye 1:29

koro ga pye syɔɔnwaa faala a kɔ́ wiyɛɛ gbɔ́ʔɔ Kolocɔlɔɔ nyɛ́nɛ na í.

1 Korɛnti ye 1:31

koro na gi yɛlɛ waa gi kpéʔele àmɛɛ gi sɛ́bɛ lè níì jo: «Wàa ga ni wiyɛɛ gbɔ́ʔɔgi, ki n yɛlɛ waa wiyɛɛ gbɔ́ʔɔgi àmɛɛ wi nyɛ lè Kàfɔw ni.»

1 Korɛnti ye 4:7

Wìí wi gi joo mɔ ma níì jo mɔ n pɔ́rɔ n sɔ̀lɔ pèle na? Ba nyàʔá gi nyɛ mɔ ma, gee gi lè Kolocɔlɔɔ ga gi kaan mɔ ma í? Wi si gi kaan mɔ ma lè, nyàʔá na mɔ miyɛɛ gbɔ́ʔɔgi gi kéeli na mɔ a jo wàa ban wi gi kaan mɔ ma í?

1 Korɛnti ye 9:16

Mii ga ni Syɛɛnjóocǎnri nyuu, koro a gbǎn pye mii í da niyɛɛ gbɔ́ʔɔgi ní di jooli ní í, níì cán di jooli i nyɛ mii ma ŋàʔanaga. Mii ga pye mii o Syɛɛnjóocǎnri nyuu í, gee bee a pye wɔʔɔlɔ mii na!

2 Korɛnti ye 11:12

Gee mii da ni kpéʔele lè, mii a sèʔé da gi kpéʔele, koro ga pye bele be kanmaa caa lè bi peyɛɛ gbɔ́ʔɔ si jo poro i nyɛ sèjira ní wolo ní lè, pe a kɔ́ kánmi bee taa í.

2 Korɛnti ye 11:30

Ki ga yére mii í niyɛɛ gbɔ́ʔɔ, mii fànʔa-fǔnmi kéele na mii a niyɛɛ gbɔ́ʔɔ.

2 Korɛnti ye 5:12

Ki o nyɛ mɔ a jo wolo n níì séli ni woyɛɛ mɛ́ɛtaanyi yiri yele ma wii í. Kàjáa kanmaa wolo kaangi yele ma, jàngó yele í da nyɔ̌ngbɔɔlɔ táanri wolo kéeli na, koro ga pye bele be lè pe o peyɛɛ gbɔ́ʔɔgi fúnyi kèlē na í, fwɔɔ céri kèlē na, yele í syɛɛnrɛ taa bi lúrugo bele bee ma.

Galasi ye 3:22

Kàjáa Kolocɔlɔɔ syɛɛnsɛbɛri n syɛ́ɛnbèle myɛ pínɛ n tɛ̀ɛn n jo pe i nyɛ kapeegèle kàso ni, koro ga pye bele be tága Zyezu Kirisi na lè Kolocɔlɔɔ í wi nyɔɔfaligi kaan bele bee ma tágali báriga ni.

Efɛzi ye 2:9

kapyegèle kólogo ban í jàngó syɔɔnwaa faala í kɔ́ wiyɛɛ gbɔ́ʔɔ í.

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.

Zyozuwe 24:2

Lǎli bee ni a Zyozuwe syɛ́ɛnmi myɛ pye: «Yawe wi lè Isirayɛli ye Kolocɔlɔw, wi n jo: ‹Booma ni yele tóolɛɛbèle maa pye wodɛ́ɛnbéle ní cábigi jelige na pe lè Tera kpáagi wòolo wi lè Abirahami ní Nahɔri tóow. Pe maa ni báara kolocɔlɔbèle pèle nikwɔɔlɔ ma.