Wɔrɔmi ye 4:11 - Cebaara Bible 2010

¹¹ Koro kàdoʔo ma a wi náà kɛ́nɛw kpéʔele, a kɛ́nɛw bee pye fɛ̀ɛ bi gi tɛ̀ɛn ncan wi maa sínni taa tágali báriga ni n wi yaʔa sìngɛnɛ ni. Amɛɛ gi pye lè nya, koro na bele be tági lè ní si i nyɛ sìngɛnɛ ni, Abirahami i nyɛ bele bee myɛ tóo, jàngó sínni í wɔ́ɔ córo bele bee ma.

Wɔrɔmi ye 4:11 Iomraidhean Croise

Sélimɛ 17:24

Abirahami maa taa yɛ̀ʔɛlɛ dabata nibin fɔ̀n lǎli ni wi kɛ́nɛw kpéʔele lè,

Ŋúnuyi 47:9

Kolocɔlɔɔ i nyɛ fǎngi na wodɛ́ɛɔn ní syɛɛnfeleyi nyúngo na, Kolocɔlɔɔ n tɛ́ɛn wi fàngoricǎnni na.

Yirile 12:13

Kpáayee ni yele a pye lè, sìsyaanw a pye yele ma fɛ̀ɛ yi na. Mii a sìsyaanw bee wéle si sɔ̀lɔ yele na. Lǎli ni mii ga ni Ezyipiti tári kpúmɔn lè, kálagili wɔʔɔgɔ a tée nan yele na í.

Yirile 31:13

«Ki joo Isirayɛli ye ma mí be pye: ‹Ki n yɛlɛ yele í tɔ̀nɔ́ mii cândɛnɛyi yaʔa. Gee bee a pye fɛ̀ɛ mii ní yele níngi ni yele yìrigèle myɛ syɛ̀ɛnnɛ ma, wee báriga ni pe a gi cán lè bi cán mii wi nyɛ Yawe, wee wi yele sámagi ni yaari wiyɛɛ ma lè.

Yirile 31:17

Gee bee a kòro fɛ̀ɛ mii ní Isirayɛli ye níngi ni bàā syée yaà làla o làla. Níì cán Yawe n nyɛ̀ʔɛgèle ní tári sámaga canya kɔrɔni fúngo ni, a ki ga pye canya kɔrɔsiin wógi na, a wi fáliw yérige níì ŋɔ́n n daa.› »

Ezekyɛli 20:12

Mii n wɔ́ɔ̀ mii cândɛnɛyi kaan be ma, yoro í pye fɛ̀ɛ mii ní be níngi ni, koro ga pye pe gi cán mii wi nyɛ Yawe, mii wee wi poro yaari kɔlɔ̀ na niyɛɛ ma lè.

Ezekyɛli 20:20

Ye mii cândɛnɛyi yaʔa, yi pye fɛ̀ɛ mii ní yele níngi ni, fɛ̀ɛ́wee báriga ni yele a gi cán lè bi cán mii wi nyɛ Yawe wi lè yele Kolocɔlɔw.

Matye 16:16

A Siimɔn Pyɛri wi pye: «Mɔ wi nyɛ Kirisi, Kolocɔlɔɔ woweew Jáa.»

Matye 8:11

Mii a gi joo yele ma si yele pye, syɛ̀ɛnnɛ saʔa a yìri canʔafolomɔ ní canʔajeemɛ ma bi ba tɛ́ɛn Abirahami, ní Izaaki, ní Zyakɔbi taana nyɛ̀ʔɛni fànʔa ni,

Luki 19:9

A Zyezu fala n jo: «Syɔɔli n nan kpáagi naa wòolo na níjanʔa, ncan wee naa wɔ́ɔ i nyɛ Abirahami yòdaʔagaa.

Zyan 3:33

Wee si wi fɔ̀lɔ wi séeraw na lè, wee bee n gi cán Kolocɔlɔɔ wi nyɛ kányɛɛgi fɔ́lɔ.

Zyan 3:36

Syɔ́ɔnwee wi tága lè Jaafɔw na, sìibangwɔɔw i nyɛ wee bee ma. Wee si wi lè wi ga tága wi na í, woro a sìíw bee nyaa í, kàjáa Kolocɔlɔɔ fundanʔari n kòro wi na.»

Zyan 6:35

A Zyezu be pye: «Jo mii si wi nyɛ búruw bee, wee wi sìíw kaangi syɛ́ɛnbèle ma lè. Syɔ́ɔnwee wi ga pan mii ma lè, kateʔe a ní wee bee jáa bi nyaa í. Wee wi ga wɔ́ɔ̀ tága mii na lè, lògbaʔa a ní wee bee jáa bi nyaa nyáana í.

Zyan 6:40

Gee gi nyɛ lè mii Tóow nyɛ́nɛ kéele, koro gi nyɛ syɔ́ɔnwee faala ga Jaafɔw nyaa lè níì tága wi na, wee bee í sìibangwɔɔw taa. Mii si a ba wee bee nyán yirige dulunyanw cângwɔʔɔ canʔa na.»

Zyan 6:47

Mii a tɔ̀nɔ́ gi joo yele ma kányɛʔɛ ni, syɔ́ɔnwee wi tága mii na lè, sìibangwɔɔw i nyɛ wee bee ma.

Zyan 8:33

A be wi yari: «Wolo i nyɛ Abirahami yòdaʔaya, wolo ga kɔ́ɔ̀ pye syɔɔn faala púlobéle nyáana í. Mɛ̀ɛ́ si gi nyɛ á mɔ jo wolo a náa pye wɔ́rɔbéle?»

Wɔrɔmi ye 10:11

àmɛɛ syɛɛnsɛbɛri gi joo lè níì jo: «Syɔɔn o syɔɔn wi tága lè wi na, fɛ̀ɛrɛ a tée wee bee taa bi nyaa í.»

Wɔrɔmi ye 10:4

Níì cán Kirisi n baa pye Mowizi làlwaw kwɔ́ɔfɔlɔ, koro ga pye bele myɛ be tága woro na lè, poro í sínni taa.

Wɔrɔmi ye 10:6

Sínlee si li taagi tágali báriga ni lè, loro syɛ́ɛnri di nyɛ dee naa, ti n jo: «Mɔ a kɔ́ gi joo mɔ fúngi ni si jo, wìí wi a lúgu bi kári nyɛ̀ʔɛni na í?» Syɛ́ɛnri bee kɔ́rɔ wi nyɛ bi sa Kirisi tìrige naa.

Wɔrɔmi ye 3:22

Kolocɔlɔɔ sínni li kaangi syɛ́ɛnbèle ma lè tágali báriga ni, poro bele myɛ be tága Zyezu Kirisi na lè. Níì cán wi o wàa yirigi wàa ni í,

Wɔrɔmi ye 3:26

koro ga pye bi woro sínni tɛ̀ɛn tɔ́ɔliw naa ni àmɛɛ woro tiimaa sín lè ní i sínni kaangi bele ma be tági Zyezu na lè.

Wɔrɔmi ye 3:30

Níì cán Kolocɔlɔɔ i nyɛ nibin, wi i sínni kaangi kɛ́nɛw kpéʔelefɔɔlɔ ma tágali báriga ni, ní wɔ́ɔ i li kaangi kɛ́nɛnaa-sìngbeʔelebèle ma tágali báriga ni.

Wɔrɔmi ye 4:10

Mɛ̀ɛ́ si wi da pye lǎlee ni Kolocɔlɔɔ li córo wi ma lè sínnɛ? A wi da kɛ́nɛw kpéʔele lé n kwɔ́ɔ láà, ba wi da kɔ́ɔ̀ wi kpéʔele í? Eʔe, wi da kɔ́ɔ̀ wi kpéʔele í, wi maa sèʔê pye sìngɛnɛ ni.

Wɔrɔmi ye 9:30

Ki si ga pye nya, nyàʔá wolo a joo? Ncan syɛɛnfeleyee yi lè yi da ni sínni caa í, yi n sínni taa, sínlee li taagi lè tágali báriga ni,

Wɔrɔmi ye 9:33

Amɛɛ gi sɛ́bɛ lè níì jo: «Ye wéle, mii n kàdɛnɛgɛ tɛ́ʔɛ Siyɔn kěgi fúngo ni gee na syɛ́ɛnbèle kpírigi lè, ní fálaga, gee gi syɛ́ɛnbèle cáan lè, syɔ́ɔnwee wi tága wi na lè, fɛ̀ɛrɛ a tée wee bee taa bi nyaa nyáana í.»

Wɔrɔmi ye 9:6

Gee bee ga jo Kolocɔlɔɔ syɛ́ɛnri n sàa wii í. Níì cán Isirayɛli yòdaʔayi myɛ o nyɛ Isirayɛli syɛ̀ɛnnɛ kányɛʔɛ ni í.

2 Korɛnti ye 1:22

Woro wi wɔ́ɔ̀ wi fɛ̀ɛ́w taʔa wolo na, àmɛɛ wi Pìicǎnni kaan wolo ma lè li pye wolo fúnyi ni, loro li nyɛ yaseligi wozanri yɛ́ʔɛ na.

Galasi ye 3:22

Kàjáa Kolocɔlɔɔ syɛɛnsɛbɛri n syɛ́ɛnbèle myɛ pínɛ n tɛ̀ɛn n jo pe i nyɛ kapeegèle kàso ni, koro ga pye bele be tága Zyezu Kirisi na lè Kolocɔlɔɔ í wi nyɔɔfaligi kaan bele bee ma tágali báriga ni.

Galasi ye 3:29

Ki si ga pye yele i nyɛ Kirisi wòolo, yele i nyɛ Abirahami yòdaʔaya, ní wɔ́ɔ i nyɛ kɔriliibéle n yɛlɛ ní nyɔɔfaligi ní.

Galasi ye 3:7

Koro na gi yɛlɛ ye gi cán bi cán bele be nyɛ lè tágafɔbèle, bele bee i nyɛ Abirahami jàala.

Galasi ye 5:5

Wolo si na, tágali ní Pìicǎnni báriga ni wolo sínni sige, sínlee na wolo wo sɔ̀ngumi taʔa lè.

Galasi ye 6:16

Bele myɛ be táanri lè ni yɛlɛgi ní kajooli naa ní, ki n yɛlɛ Kolocɔlɔɔ í yɛɛ̀nyingi, ní nyínimi kaan be ma, n fàra Isirayɛli ye na be nyɛ lè Kolocɔlɔɔ wóbèle.

Efɛzi ye 1:13

Kánmi bee na yele wɔ́ɔ baa yele sɔ̀ngumi taʔa wi na àmɛɛ yele kányɛɛgi syɛ́ɛnrɛ lóʔo lè, ti lè yele syɔɔli syɛɛnjóocànra, lǎli ni yele tága lè wi na, a Kolocɔlɔɔ wi fɛ̀ɛ́w taʔa yele na, fɛ̀ɛ́w bee wi nyɛ Pìicǎnni, lee nyɔɔfaliga Kolocɔlɔɔ da kpéʔele lè níì jo woro a li kaan,

Efɛzi ye 4:30

Ki ga yɛlɛ yele wàa í kɔ́ Kolocɔlɔɔ Pìicǎnni kanibɛɛnnɛ kpéʔele í, níì cán loro li nyɛ Kolocɔlɔɔ fɛ̀ɛ́w, wee wi taʔa yele na lè bi taa syɔɔli canʔa í ba nan.

Làlwaw Kaanziin 30:6

Yawe mɔ Kolocɔlɔw a mɔ ní mɔ yodaʔayi kɛ́nɛ fúnyi ni, koro ga pye Yawe mɔ Kolocɔlɔw kéele í mɔ dɛ́nɛ ní mɔ zɔnw myɛ, ní mɔ fúngi myɛ ní, jàngó mɔ í kòro sìi na.

Filipikaʔa ye 3:9

mii si pye syɛɛnsiɔn wi ni, sínni bee si a kɔ́ pye mii wólo í, lee li taagi Mowizi làlwaw ma lè í, fwɔɔ lee li taagi lè tágali báriga ni Kirisi na, sínni bee i taagi Kolocɔlɔɔ ma tágali kólogo ni.

Heburubèle 11:7

Tágali báriga ni Nowe da kɔ́rɔkpɔɔgi sámaga, àmɛɛ Kolocɔlɔɔ da wi sàmi lè kérigèle na, gele ge lè syɔɔn da kɔ́ɔ̀ ge nyaa í, wi maa ni fɛ̀ɛgí Kolocɔlɔɔ na níì gi sámaga jàngó woro ní wi kpaʔa wóbèle í syɔɔ. Tágali bee báriga ni wi da kútiiw cáan dulunyanw syɛ̀ɛnnɛ na, ní baa pye sínni kɔriliio lee li yìri lè tágali ma.

2 Pyɛri 1:1

Mii Siimɔn Pyɛri wi lè Zyezu Kirisi púlo, ní wɔ́ɔ i nyɛ wi pìituɔn, mii a sɛ́bɛw naa tórigo yele ma, yele bele ye tágali taa Zyezu Kirisi sínni báriga ni lè, wi lè wolo Kolocɔlɔw ní wolo Syɔɔfɔw, tágali bee n nyɔɔ n sɔ̀lɔ yáriri myɛ na, loro wonijanni li wɔ́ɔ̄ nyɛ wolo ma.

Tɛ̀ɛnnɛ 9:4

A gi joo wi ma níì wi pye wi a kɔ́ tári nyàā kálagi í, wi a wɔ́ɔ kɔ́ waraa faala, wàlá tiigaa faala kálagi í, kapye syɛ́ɛnbèle yagana ban í, bele be lè Kolocɔlɔɔ fɛ̀ɛ́w o nyɛ pe gbáagèle na lè í.