Wɔrɔmi ye 4:1 - Cebaara Bible 2010

¹ Nyàʔá si wolo a joo Abirahami kéeli na, wi lè wolo tóolɛɛw céri kàbaan na? Mɛ̀ɛ́ ki baa pye wi ma n sɛ́ɛ?

Wɔrɔmi ye 4:1 Iomraidhean Croise

Ezayi 51:2

Ye yele tóow Abirahami wéle, ní Sara, wee wi yele see lè. Níì cán wi maa pye wi nibin lǎli ni mii wi yeri lè, níì dùbaw kpéʔele wi ma, níì wi yòdaʔayi nɛʔɛ.»

Matye 3:9

Yele a kɔ́ ra gi sɔ̀ngí yele fúnyi ni bi jo, Abirahami wi nyɛ yele tóow í. Níì cán mii a gi joo yele ma, Kolocɔlɔɔ fánʔa i nyɛ bi gbǎn kàdɛnɛri naa kàriga taa pìibēle sii be pye Abirahami wòolo.

Luki 3:8

Koro na kapyegèle ke a gi tɛ̀ɛn yele n kàdoʔo wáa yele kapeegèle ma lè, yaa gele bee kpéʔele. Yele a kɔ ra gi sɔ̀ngí yeyɛɛ fúnyi ni si jo Abirahami wi nyɛ yele tóow í! Níì cán mii a gi joo yele ma, Kolocɔlɔɔ fánʔa i nyɛ bi gbǎn kàdɛnɛri naa kàriga taa pìibēle sii be pye Abirahami wòolo.

Zyan 8:33

A be wi yari: «Wolo i nyɛ Abirahami yòdaʔaya, wolo ga kɔ́ɔ̀ pye syɔɔn faala púlobéle nyáana í. Mɛ̀ɛ́ si gi nyɛ á mɔ jo wolo a náa pye wɔ́rɔbéle?»

Zyan 8:53

A mɔ tɔ̀ʔɔ̂ kpɔ́ʔɔ lé n sɔ̀lɔ wolo tóow Abirahami na? A woro kùu, a kanyaajoobèle wɔ́ɔ̀ kùu. A mɔ félegi si tɔ̀ʔɔ́ i nyɛ mɛ̀ɛ́ n sɛ́ɛ?»

Zyan 8:56

Ki maa tɔ̀nɔ n yele tóow Abirahami dɛ́nɛ bi mii cángi nyaa, a wi ga baa gi nyaa, a gi pye wi ma fundaanra.»

Kapyegèle 13:26

Ni senyɛ̀nnɛ, yele bele ye nyɛ lè Abirahami yòdaʔayi, n fàra yele bele na ye wɔ́ɔ̄ fɛ̀ɛgí lè Kolocɔlɔɔ na, ye gi cán wolo má pe da syɛ́ɛnri naa tórigo di nyɛ lè syɔɔli wóro.

Wɔrɔmi ye 1:3

Syɛɛnjóocǎnri bee i wi Jáaw kéele nyuu, woro wee wi nyɛ lè Zyezu Kirisi, wi lè wolo Kàfɔw, pe n baa wi see Davidi yòdaʔayi ni céri kàbaan na,

Wɔrɔmi ye 3:5

Ki ga pye wolo kakolobyeri i gi tèé n jo Kolocɔlɔɔ n sín, nyàʔá si wolo a ní joo? Amɛɛ Kolocɔlɔɔ a ba wolo dulunyanw syɛ̀ɛnnɛ wɔʔɔ lè, a wolo a jo lé wi n kolo? (Mii i dee naa nyuu syɛ́ɛnbèle jooganma na.)

Wɔrɔmi ye 4:16

Gee bee na nyɔɔfaligi da kpéʔele tágali kéele na, jàngó gi pye yakaandelege, koro ga pye Abirahami yòdaʔayi myɛ í gi taa, ki si a kɔ́ pye Mowizi làlwaw kôdanʔabéle yagwɔɔlɔ wóʔo í, kàjáa bele má Abirahami tágali félege nyɛ lè, wi nyɛ lè wo myɛ tóow, ki wɔ́ɔ pye bele bee wóʔo,

Wɔrɔmi ye 6:1

Ki ga pye nya, nyàʔá si wolo a joo? A gi yɛlɛ lé wolo í kòro kapeebyeri na, koro ga pye Kolocɔlɔɔ kpɔ́ʔɔri sáā nɛʔɛgi?

Wɔrɔmi ye 7:7

Ki ga pye nya, nyàʔá si wolo a joo? A Mowizi làlwaw i nyɛ lé kapeele láà? Eʔe dɛ! Kàjáa kapye làlwaw bee da pye naa í, mii mǎà dée kapeegèle cán nyáana í. Kapye làlwaw bee da gi joo níì jo: «Mɔ a kɔ́ nyabɛɛnnɛ kpéʔele í,» mii mǎà dée nyabɛɛnnɛ kéele cán í.

Wɔrɔmi ye 8:31

Ki si i lè nya, nyàʔá wolo a joo kérigèle bee na? Amɛɛ Kolocɔlɔɔ nyɛ ní wolo ní lè, wìí wi a ní gbǎn yìri wolo kurugo?

2 Korɛnti ye 11:22

A be i nyɛ lé Heburubèle pèle? Mii wɔ́ɔ i nyɛ poro wàa. A be i nyɛ lé Isirayɛli ye wóbèle pèle? Mii wɔ́ɔ i nyɛ poro wàa. A be i nyɛ lé Abirahami yòdaʔaya? Anbée mii wɔ́ɔ̄ nyɛ.

Heburubèle 12:9

Amɛɛ si gi lè bele be nyɛ lè wolo tóobèle dulunyanw naa ni, pe maa ni wolo kpúmɔn, a wolo i lúro be ma, wolo si ga yɛlɛ wolo í da lúro pìígèle Tofɔlɔ ma bi sɔ̀lɔ jàngó wolo í sìi taa ì?