Wɔrɔmi ye 3:9 - Cebaara Bible 2010

⁹ Ki ga pye nya, wolo bele wo nyɛ lè Zyefubèle, a gee bee joo lé wolo n sɔ̀lɔ syɛɛnsanbèle na? Eʔe, wolo ga sɔ̀lɔ be na í. Níì cán wolo n gi fílige n joo n kwɔ́ɔ níì jo Zyefubèle ní syɛɛnfeleyi wozanya myɛ i nyɛ kapeebyeri kɔ́yɔ ni,

Wɔrɔmi ye 3:9 Iomraidhean Croise

Kàseegèle 20:9

Wìí wi a gbǎn gi joo si jo: «Mii n mii fúngi sámaga a gi pye dìgire fun, mii n niyɛɛ jée n mùnu n yirige kapeeli ni?»

Ezayi 65:5

Pe i gi nyuu níì jo: ‹Núngo yaà, mɔ a kɔ́ nùuni mii na í, níì cán mii a kɔ́ mɔ fóro.› Koro myɛ i nyɛ wírige mii fínaakoloyi ni, ní naà, gee gi sóori lè cángi myɛ ni.

Luki 7:39

Farisiwee wi da Zyezu yeri lè, lǎli ni wi gee bee nyaa lè, a wi i gi sɔ̀ngí wiyɛɛ fúngi ni níì jo: «Nǎnw naa ga maa pye kanyaajooo, céw naa wi tángi wi na lè, wi mǎà dée wi kéeli cán si wɔ́ɔ wi kánmi cán bi cán wi i nyɛ kapeebyeo.»

Wɔrɔmi ye 1:18

Kolocɔlɔɔ i wi fundanʔari tèé, dee di yìrigí lè nyɛ̀ʔɛni na n ba ni tuun syɛ́ɛnbèle na, bele be lè pe o fɛ̀ɛgí Kolocɔlɔɔ na í, ní i kakolobyeri féleye myɛ kpéʔele, pe kakolobyeri báriga ni pe kányɛɛgi yéregi, ki o syée yɛʔɛ̀ ma í.

Wɔrɔmi ye 11:32

Níì cán Kolocɔlɔɔ n syɛ́ɛnbèle myɛ pínɛ n córo sìnloʔobéle, koro ga pye woro í nyinimɛ taa pe myɛ na.

Wɔrɔmi ye 11:7

Mɛ̀ɛ́ si gi nyɛ? Gee Isirayɛli ye da ni caa lè, pe ga gi taa í, á Kolocɔlɔɔ wonyɛnɛ-wòlobèle si gi taa, á wozanbèle fúnyo tɔ́n be na.

Wɔrɔmi ye 2:1

Gee bee na mɔ syɔ́ɔnwee faala mi miyɛɛ gbéʔele bele kútiijooo lè, mɔ a kɔ́ joo tànʔa i nyɛ mɔ ma í, níì cán mɔ wee mi miyɛɛ bye lè bele kútiijooo ní wɔ́ɔ i kérigèle bee wonijangéle kpéʔele, mi gi cán mɔ tiimaa wɔ́ɔ i kútiiw cáan miyɛɛ na.

Wɔrɔmi ye 3:1

Ki ga pye nya, nyàʔá gi Zyefuo pɔ́rɔ n sɔ̀lɔ syɛɛnsanbèle na? Ba nyàʔá gi nyɛ kɛ́nɛw kpéʔelele kanyɔɔnɔ?

Wɔrɔmi ye 3:19

Wolo n gi cán gee myɛ gi nyuu lè Mowizi làlwaw sɛ́bɛ ni, ki i nyuu bele ma be nyɛ lè làlwaw bee kólogo ni, koro ga pye Kolocɔlɔɔ í dulunyanw syɛ̀ɛnnɛ myɛ nyɔ́ɔyɔ tɔ́n, si kútiiw cáan pe myɛ na.

Wɔrɔmi ye 3:5

Ki ga pye wolo kakolobyeri i gi tèé n jo Kolocɔlɔɔ n sín, nyàʔá si wolo a ní joo? Amɛɛ Kolocɔlɔɔ a ba wolo dulunyanw syɛ̀ɛnnɛ wɔʔɔ lè, a wolo a jo lé wi n kolo? (Mii i dee naa nyuu syɛ́ɛnbèle jooganma na.)

Wɔrɔmi ye 6:15

Ki ga pye nya, àmɛɛ gi nyɛ lè wolo o nyɛ Mowizi làlwaw fànʔa ni í, fwɔɔ kpɔ́ʔɔri fànʔa ni, a gee bee jo lé ki n yɛlɛ wolo í da kapeegèle kpéʔele? Eʔe dɛ!

Wɔrɔmi ye 7:14

Wolo n gi cán Mowizi làlwaw n nyɔɔ syɔɔn pili ma. A mii céri láanitaʔa kele si mii kíle n pára kapeebyeri ma.

1 Korɛnti ye 10:19

A yele mii syɛ́ɛnri naa tɛɛkáriga cán lé? Yasungo káara i nyɛ lé yarigaa? Ba yasungi tiimaa i nyɛ lé yarigaa? Eʔe.

1 Korɛnti ye 14:15

Nyàʔá si mii yɛlɛ bi kpéʔele? Mii a ra Kolocɔlɔɔ nyɛ́ɛri ní mii pǐli ní, si wɔ́ɔ ra wi nyɛ́ɛri ní mii sɔ̀nguri ní. Mii a ra ŋúu ní mii pǐli ní, si wɔ́ɔ ra ŋúu ní mii sɔ̀nguri ní.

1 Korɛnti ye 4:7

Wìí wi gi joo mɔ ma níì jo mɔ n pɔ́rɔ n sɔ̀lɔ pèle na? Ba nyàʔá gi nyɛ mɔ ma, gee gi lè Kolocɔlɔɔ ga gi kaan mɔ ma í? Wi si gi kaan mɔ ma lè, nyàʔá na mɔ miyɛɛ gbɔ́ʔɔgi gi kéeli na mɔ a jo wàa ban wi gi kaan mɔ ma í?

Galasi ye 3:10

Bele myɛ si be peyɛɛ daʔa lè Mowizi làlwaw kapyegèlē na, dángaw i nyɛ bele bee na, níì cán ki maa sɛ́bɛ níì jo: «Kérigèle ge sɛ́bɛ làlwaw sɛ́bɛ ni lè, syɔɔn o syɔɔn wi lè wi o gele bee myɛ kpéʔele ni forogi í, wee bee n dánga.»

Galasi ye 3:22

Kàjáa Kolocɔlɔɔ syɛɛnsɛbɛri n syɛ́ɛnbèle myɛ pínɛ n tɛ̀ɛn n jo pe i nyɛ kapeegèle kàso ni, koro ga pye bele be tága Zyezu Kirisi na lè Kolocɔlɔɔ í wi nyɔɔfaligi kaan bele bee ma tágali báriga ni.

Filipikaʔa ye 1:18

Gee bee si i nyɛ nyàʔá? Kanma o kanma na pe Kirisi kéeli nyuu lè, àlí ti jooli nyúngo ga pye pèle ma jànvaa yoo, ní si i nyɛ pèle ma kányɛʔɛ yoo, mii i fundaanra kpéʔele gee bee na. Mii si a sèʔé ra di kpéʔele làla o làla.