Wɔrɔmi ye 3:7 - Cebaara Bible 2010

⁷ Ki ga pye mii jànvaaw joolo n gi kaan kàa i taari Kolocɔlɔɔ kányɛɛgi joolo na, koro ga pye gee bee si nìjangbɔɔri taʔa Kolocɔlɔɔ na, nyàʔá na ki níì yɛlɛ wi kútiiw cáan mii na, mɔ a jo mii i nyɛ kapeebyeo?

Wɔrɔmi ye 3:7 Iomraidhean Croise

Sélimɛ 37:20

Yaa maa tɔ́ɔliw ni wo ba wi kpóo wo wáa weegaa ni, wó sa gi joo wó jo yacobeegaa ki baa wi cò n káa. Kánmee na wi ŋúnɔyi a pye lè, wó gee bee kàdoʔo wéle.»

Yirile 14:30

Cángi bee na Yawe Isirayɛli ye yirige Ezyipiti ye kɔ́yi ni. A Isirayɛli ye Ezyipiti ye kúceri nyaa sólomi lɔ̀ʔɔ lógbê na.

Yirile 14:5

A pe gi joo Ezyipiti fànʔafɔw ma níì jo syɛ́ɛnbèle n yiri n fàn. A Faraɔnw sɔ̀ngurɔ, ní wi falipyebèle wóro kàri Isirayɛli ye kàbangi na. A be jo: «Nyàʔá na wolo gee naa kpéʔele níì Isirayɛli ye yaʔa a be kári, pe a ní fali pye wolo ma í?»

Yirile 3:19

Mii n gi cán Ezyipiti fànʔafɔw a yele yaʔa yele í kári í, fwɔɔ séekpɔɔɔ kɔ́lɔ ga baa wi kpɛ̀ɛn.

Matye 26:34

A Zyezu wi yari: «Mii a gi joo mɔ ma kányɛʔɛ ni, àlí yébiligi naa tiimaa ni sáni gòpɔ́w í nyɛni lè, mɔ a mii cée tɔlɔyɔ taanri.»

Kapyegèle 2:23

Pe si maa baa nǎnw bee le yele kɔ́yi ni n yɛlɛ ní Kolocɔlɔɔ fúngi kakɔrirɔlɔ, ní wi cánni ní, a yele wi kpóo kakolobyebèle báriga ni, bele be wi kóri lè.

Wɔrɔmi ye 3:4

Eʔe dɛ! Alí syɛ́ɛnbèle myɛ ga pye jànvaafɔɔlɔ, ki n yɛlɛ pe gi cán Kolocɔlɔɔ a sèʔé pye kányɛɛgi joofɔlɔ làrigèle myɛ ni, àmɛɛ gi sɛ́bɛ lè níì jo: «Mɔ ga ni nyuu lǎlee ni lè, ki n yɛlɛ pe gi cán mɔ tánʔa i nyɛ poro na, ní pe ga ni kútiiw nyuu ní mɔ ní lǎlee ni lè, ki n yɛlɛ mɔ í joo bi be jáa.»