Wɔrɔmi ye 3:5 - Cebaara Bible 2010

⁵ Ki ga pye wolo kakolobyeri i gi tèé n jo Kolocɔlɔɔ n sín, nyàʔá si wolo a ní joo? Amɛɛ Kolocɔlɔɔ a ba wolo dulunyanw syɛ̀ɛnnɛ wɔʔɔ lè, a wolo a jo lé wi n kolo? (Mii i dee naa nyuu syɛ́ɛnbèle jooganma na.)

Wɔrɔmi ye 3:5 Iomraidhean Croise

Sélimɛ 18:25

Bi syɛɛnsinw pínɛ kpóo ní syɛɛnpeew ní, mɔ a kɔ́ gi pye nya í. Bi syɛɛnsinw ní syɛɛnpeew pínɛ sèjira, mɔ a kɔ́ gee bee pye í. Wee wi nyɛ lè tári myɛ kútiijooo, gee gi sín lè, a wi a gbǎn kòro lé gi sìngbeʔele ni?»

Zyɔbi 8:3

A Kolocɔlɔɔ i pùuní lé kútiisinw kàbaan na? Ba Séew Myɛ Kàfɔlɔ i pùuní lé sínni kàbaan na?

Nahumi 1:2

Yawe i nyɛ yejaʔa Kolocɔlɔɔ, wi i kapeegèle gɔ̀lɔ́ wóo. Yawe i kapeegèle gɔ̀lɔ́ wóo, wi n nyìn fundanʔagbɔɔri na. Yawe i wi kàsiitun-nyɛ́nbèle kapeegéle gɔlɔ́ wóo be na, wi n fundanʔara kɔn n yaʔa wi nigoobèle kánma na.

Wɔrɔmi ye 12:19

Mii syɛɛn-nidaanmabèle, ki ga yɛlɛ yele tiimaa í da yele kapeegèle fwɔ́ɔgéle tɔ́ngi í, fwɔɔ ye Kolocɔlɔɔ fundanʔari yaʔa taa ge tɔ́ngi, níì cán ki n sɛ́bɛ níì jo: «Mii má kapeebyeri fwɔ́ɔtɔnrɔ nyɛ, mii a di fwɔ́ɔli tɔ́n,» Kàfɔw wi gi joo nya.

Wɔrɔmi ye 2:5

Kàjáa àmɛɛ mɔ nyúngi tɔ̀nɔ n waʔa lè, ní àmɛɛ mɔ láa o nyɛ bi mɔ fúngi kàriga Kolocɔlɔɔ ma lè í, koro na mɔ tiimaa i kàa taari mɔ wɔʔɔli na bi taa sa nan wɔʔɔgbɔɔgi canʔa na, cángee na Kolocɔlɔɔ a ba gi tɛ̀ɛn lè syɛ́ɛnbèle na pe gi cán woro kútiiw n tɔ̀nɔ n sín.

Wɔrɔmi ye 3:19

Wolo n gi cán gee myɛ gi nyuu lè Mowizi làlwaw sɛ́bɛ ni, ki i nyuu bele ma be nyɛ lè làlwaw bee kólogo ni, koro ga pye Kolocɔlɔɔ í dulunyanw syɛ̀ɛnnɛ myɛ nyɔ́ɔyɔ tɔ́n, si kútiiw cáan pe myɛ na.

Wɔrɔmi ye 3:7

Ki ga pye mii jànvaaw joolo n gi kaan kàa i taari Kolocɔlɔɔ kányɛɛgi joolo na, koro ga pye gee bee si nìjangbɔɔri taʔa Kolocɔlɔɔ na, nyàʔá na ki níì yɛlɛ wi kútiiw cáan mii na, mɔ a jo mii i nyɛ kapeebyeo?

Wɔrɔmi ye 4:1

Nyàʔá si wolo a joo Abirahami kéeli na, wi lè wolo tóolɛɛw céri kàbaan na? Mɛ̀ɛ́ ki baa pye wi ma n sɛ́ɛ?

Wɔrɔmi ye 5:8

Kàjáa Kolocɔlɔɔ n wi tàmagi tɛ̀ɛn wolo na kánmi naa na, koro gi nyɛ lǎli ni wolo da sèʔê pye lè kapeebyebèlē, a Kirisi baa kùu wolo kéeli na.

Wɔrɔmi ye 6:1

Ki ga pye nya, nyàʔá si wolo a joo? A gi yɛlɛ lé wolo í kòro kapeebyeri na, koro ga pye Kolocɔlɔɔ kpɔ́ʔɔri sáā nɛʔɛgi?

Wɔrɔmi ye 6:19

Mii i nyuu yele ma syɛ́ɛnbèle jooganma na yele céri báriga fùnmɔ kéele na. Amɛɛ yele da yele céri tɛ́ɛyɛ kaan lè a yi pye kanɔnʔɔri ní kolomi púloro ni ni kakolobyeri kpéʔele kánmee na lè, kánmi bee na tɔ́ɔliw ni, ye yele céri tɛ́ɛyɛ kaan yi pye sínni púloro ni bàā kasingèle kpéʔele.

Wɔrɔmi ye 7:7

Ki ga pye nya, nyàʔá si wolo a joo? A Mowizi làlwaw i nyɛ lé kapeele láà? Eʔe dɛ! Kàjáa kapye làlwaw bee da pye naa í, mii mǎà dée kapeegèle cán nyáana í. Kapye làlwaw bee da gi joo níì jo: «Mɔ a kɔ́ nyabɛɛnnɛ kpéʔele í,» mii mǎà dée nyabɛɛnnɛ kéele cán í.

Wɔrɔmi ye 8:31

Ki si i lè nya, nyàʔá wolo a joo kérigèle bee na? Amɛɛ Kolocɔlɔɔ nyɛ ní wolo ní lè, wìí wi a ní gbǎn yìri wolo kurugo?

Wɔrɔmi ye 9:30

Ki si ga pye nya, nyàʔá wolo a joo? Ncan syɛɛnfeleyee yi lè yi da ni sínni caa í, yi n sínni taa, sínlee li taagi lè tágali báriga ni,

1 Korɛnti ye 15:32

Amɛɛ mii tún ní sìnbirigi yacobeeye ní Efɛzi ni lè, mii ga maa koro kpéʔele dulunyanw naa tɔ̀nɔ taara kéele na, nyàʔá gee bee a dée nyɔɔ mii na? Kapye kúbèle a nyán í, «ki n yɛlɛ waa líi wáā gbo wó gi cán nyɛ̀ʔɛna wo a kùu.»

1 Korɛnti ye 9:8

A yele jo lé syɛ́ɛnri naa mii joo lè, ti i nyɛ syɛ́ɛnbèle funzɔngumɔ wóro? Mowizi làlwaw sɛ́bɛ wɔ́ɔ o syɛ́ɛnri naa wonijanra nyuu ì?

2 Korɛnti ye 6:4

Kàjáa wolo kérigèle myɛ i gi tèé ncan wolo i nyɛ Kolocɔlɔɔ falipyejànbēle, àmɛɛ wolo wɔʔɔyi, ní fɔ̀rɔyi, ní kagbanyi myɛ kpàracó lè gbanʔama.

2 Korɛnti ye 7:11

Funbɛɛnri naa tiimaa n yɛlɛ ní Kolocɔlɔɔ kínidɛnɛgi ní, ye gi wéle gee funbɛɛnri bee kpéʔele yele ni lè. Yele n ŋàʔana gbanʔama n tànʔa taa! Ki n tɔ̀nɔ n yele fúnyi curugo, a yele fyáa gbanʔama, yele maa tɔ̀nɔ ni caa bi mii nyaa, níì kéeli bee cɔɔnri kányɛʔɛ ni, níì gi gbàn kakolobyew bee na gbanʔama! Yele n gi tɛ̀ɛn kánmi myɛ na ncan yele n fílige kéeli bee ni.

Galasi ye 2:18

Níì cán yáriri mii da kálagi lè, mii ga níì lúru ni dee bee sámagi, mii n niyɛɛ bye Mowizi làlwaw céefɔlɔ.

Galasi ye 3:15

Ni senyɛ̀nnɛ, mii a dee naa joo syɛ́ɛnbèle jooganma na, syɛ́ɛnbèle pèle ga bɛ̀ɛ joogaanna na n kwɔ́ɔ, syɔɔn faala a gbǎn li sàa í, wàlá bi syɛɛnraa fàra li na í.

Tɛ̀ɛnnɛ 15:3

Mowizi wi lè Kolocɔlɔɔ falipyew, a be i wi ŋúnugi ŋúu n fàra Bàpili wóʔo na, níì jo: «Kàfɔw Kolocɔlɔɔ, mɔ wi lè Séew Myɛ Kàfɔlɔ, mɔ kapyegèle n kpólo ní i nyɛ bìngaara woʔolo ní! Mɔ kóloyi n sín ní i nyɛ kányɛʔɛ, mɔ wi lè syɛɛnfeleyi myɛ Fànʔafɔlɔ!

Tɛ̀ɛnnɛ 18:20

Nyɛ̀ʔɛni, ki n yɛlɛ maa fundaanra kpéʔele gi kálagili kéele na! Yele Kolocɔlɔɔ syɛɛncanbèle, ní pìitunbèle, ní kanyaajoobèle, ki n yɛlɛ yaa fundaanra kpéʔele! Níì cán Kolocɔlɔɔ n gi kútiiw joo n ceri n yɛlɛ ní kapeegèle ní gi kpéʔele yele na lè.»