Wɔrɔmi ye 3:4 - Cebaara Bible 2010

⁴ Eʔe dɛ! Alí syɛ́ɛnbèle myɛ ga pye jànvaafɔɔlɔ, ki n yɛlɛ pe gi cán Kolocɔlɔɔ a sèʔé pye kányɛɛgi joofɔlɔ làrigèle myɛ ni, àmɛɛ gi sɛ́bɛ lè níì jo: «Mɔ ga ni nyuu lǎlee ni lè, ki n yɛlɛ pe gi cán mɔ tánʔa i nyɛ poro na, ní pe ga ni kútiiw nyuu ní mɔ ní lǎlee ni lè, ki n yɛlɛ mɔ í joo bi be jáa.»

Wɔrɔmi ye 3:4 Iomraidhean Croise

Zyɔbi 36:3

Mii a mii cánni kíle yirige yaà tɛɛ̀leelige ni, si tànʔa kaan wee má wi mii sámaga lè.

Zyɔbi 40:8

A mɔ i caa lé bi tɔ̀nɔ́ mii kútiiw kéele sàa? Ba mɔ i caa lé bi mii kolo si miyɛɛ zín?

Ŋúnuyi 100:5

níì cán Yawe n nyɔɔ. Wi funjǎngi a tée kwɔ́ɔ nyáana í, wi kányɛɛgi a kòro beè yìrigèle myɛ syɛ̀ɛnnɛ ma.

Ŋúnuyi 116:11

Mii fúngi maa curugo, a mii i gi nyuu níì jo: «Syɛ́ɛnbèle myɛ i nyɛ jànvaafɔɔlɔ.»

Ŋúnuyi 119:160

Ki myɛ nyúngo i nyɛ mɔ syɛ́ɛnri i nyɛ kányɛʔɛ, mɔ sínni làlwa kèlē myɛ si i nyɛ bàngwɔɔ.

Ŋúnuyi 138:2

Mii a tìgí too bi mii yɛ́ɛgi wáa mɔ kpɔʔɔrɔli kpaacanga kabaan na, sáā mɔ mɛ́ɛgi kpɔ̀ʔɔrɔ́ mɔ funjǎngi ní mɔ kányɛɛgi kéele na, níì cán mɔ mɛ́ɛgi n yiri gbanʔama mɔ nyɔɔfaligi forolo báriga ni.

Ŋúnuyi 51:4

Mii wéli mi mii kolomi myɛ láʔa mii na, mii kapeeli jée mi láʔa mii na.

Ŋúnuyi 62:9

Syɛ́ɛnbèle, ye yele sɔ̀ngumi taʔa woro na làrigèle myɛ ni, yaa yele fúnyi kèlē myɛ nyuu yaa láʔala wi yɛʔɛ̀ ma! Kolocɔlɔɔ wi nyɛ wolo tɛɛlaragi. Ŋɔ́ndaala

Misye 7:20

Mɔ a gi tɛ̀ɛn Zyakɔbi na àmɛɛ mɔ nyɛ lè tágala syɔ́ɔn, bi gi tɛ̀ɛn Abirahami na àmɛɛ mɔ nyɛ lè funjàngafɔlɔ, àmɛɛ mɔ da gi joo ní kàliga ní wolo tóolɛɛbèle ma lè booma ni yaà.

Matye 11:19

Syɔɔn-pya si pan lè n ba ni líi ní i gbo, a be jo: ‹Wéle, lìigena-n-ban ní singbaadiɔn wii. Wi i nyɛ wálisyɔɔbèle ní kapeebyebèle tàannyɛnnɛ.› Sícilimi si n tànʔa taa bi kapyegèle báriga ni.»

Luki 20:16

Wi a lúru pan ba ɛrɛzɛn sefalabèle bee kpóo si ségi kàlifáa pèle nikwɔɔlɔ ma.» Lǎli ni syɛ́ɛnbèle syɛ́ɛnri bee lóʔo lè, a be jo: «Gee bee ga yɛlɛ gi kpéʔele nyáana í.»

Zyan 3:33

Wee si wi fɔ̀lɔ wi séeraw na lè, wee bee n gi cán Kolocɔlɔɔ wi nyɛ kányɛɛgi fɔ́lɔ.

Wɔrɔmi ye 11:1

A gee bee jo lé Kolocɔlɔɔ n Isirayɛli ye cée? Eʔe dɛ! Níì cán mii tiimaa i nyɛ Isirayɛli ye wówaa, mii i nyɛ Abirahami yòdaʔagaa, ní wɔ́ɔ i nyɛ Bɛnzyamɛ ye wówaa.

Wɔrɔmi ye 11:11

A gee bee jo lé Isirayɛli ye n kpírige n too bi kálagi wii láà? Eʔe dɛ! Kàjáa pe kapeebyeri di pye sábabu, á syɛɛnfeleyi wozanya baa syɔɔli taa, koro ga pye yi kayaagi í pye Isirayɛli ye na.

Wɔrɔmi ye 3:31

A gee bee jo lé wolo n Mowizi làlwaw sàa tágali báriga ni? Eʔe dɛ! Wolo i wi kpɔ́ʔɔgi wii.

Wɔrɔmi ye 6:15

Ki ga pye nya, àmɛɛ gi nyɛ lè wolo o nyɛ Mowizi làlwaw fànʔa ni í, fwɔɔ kpɔ́ʔɔri fànʔa ni, a gee bee jo lé ki n yɛlɛ wolo í da kapeegèle kpéʔele? Eʔe dɛ!

Wɔrɔmi ye 6:2

Eʔe dɛ! Wolo bele wo kùu lè kapeegèle kàbaan na, mɛ̀ɛ́ wolo a ní kòro bàā ge kpéʔele bi sɛ́ɛ?

Wɔrɔmi ye 7:13

A yacangi bee si baa pye lé mii ma kùúw sábabu? Eʔe dɛ! Kàjáa kapeebyeri ti da yacangi bee pye sábabu níì mii kpóo, a koro gi kaan a mii gi cán ti i nyɛ kapeebyere, gee bee na ti baa pee n sɔ̀lɔ gbanʔama làlwaw bee tundunro báriga ni.

Wɔrɔmi ye 7:7

Ki ga pye nya, nyàʔá si wolo a joo? A Mowizi làlwaw i nyɛ lé kapeele láà? Eʔe dɛ! Kàjáa kapye làlwaw bee da pye naa í, mii mǎà dée kapeegèle cán nyáana í. Kapye làlwaw bee da gi joo níì jo: «Mɔ a kɔ́ nyabɛɛnnɛ kpéʔele í,» mii mǎà dée nyabɛɛnnɛ kéele cán í.

Wɔrɔmi ye 9:14

Ki si i lè nya, nyàʔá wolo a joo? A kolomɔ tɛ́ɛlɛ i nyɛ lé Kolocɔlɔɔ na? Eʔe dɛ!

1 Korɛnti ye 6:15

Yele ga gi cán ncan yele céri i nyɛ Kirisi céri tɛ́ɛyaa ì? A gi si yɛlɛ lé mii í Kirisi céri tɛ́ɛgaa láa bi pínɛ ní nànjaacew wóro ní? Koro ga yɛlɛ gi pye nyáana í.

2 Korɛnti ye 1:18

Amɛɛ gi nyɛ lè kányɛʔɛ ncan Kolocɔlɔɔ i nyɛ tágala syɔ́ɔn, ànbée wi tundunri wɔ́ɔ̄ nyɛ kányɛʔɛ, dee wolo da sáà joo yele ma lè, ti o nyɛ ɛɛn keelaa na, si ní pye kéeli bee wonijanna na eʔe í.

Galasi ye 2:17

Amɛɛ si wolo sínni caa lè Kirisi ni, ní pe ga wɔ́ɔ̀ wolo tiimaa nyaa kapeebyebèlē, a gee bee joo lé Kirisi i nyɛ kapeegèle falipyeo lǎli bee ni? Eʔe dɛ!

Galasi ye 2:21

Mii a fɔ̀lɔ́ Kolocɔlɔɔ kpɔ́ʔɔri yaʔa í. Níì cán sínni ga maa ni taagi Mowizi làlwaw báriga ni, Kirisi kùúw mǎà dée pye nyùngo fun.

Galasi ye 6:14

Mii si na, ki ga yɛlɛ mii í da niyɛɛ gbɔ́ʔɔgi í, kapye ní wolo Kàfɔw Zyezu Kirisi tiiparigi kéele ní ban í, woro bárigaw ni pe dulunyanw kèlē kóri tiiparigi na mii ma, ní wɔ́ɔ̀ mii kóri dulunyanw wòʔolo kabaan na!

Làlwaw Kaanziin 32:4

Woro wi nyɛ Fálagi. Wi fáliw n nyɔɔ n foro, wi kóloyi myɛ n sín. Woro wi nyɛ Kolocɔlɔw wi nyɛ lè tágala syɔ́ɔn, woro wi sín, ní i nyɛ kányɛɛgi fɔ́lɔ.

1 Timɔte 3:16

Kolocɔlɔɔ yɛ́ɛgi fyáara kalarala n kpɔ́ʔɔ gbanʔama, kàkabalaga o nyɛ gi ni í, wi maa wiyɛɛ dɛ̀ɛn syɔɔn, wi maa tànʔa taa Pìicǎnni báriga ni, nyɛ̀ʔɛni tundunbéle maa wi nyaa, syɛ́ɛnbèle pèle maa sa ni wi kéeli nyuu syɛɛnfeleyaa nínge ni, pèle maa tága wi na dulunyanw ni, Kolocɔlɔɔ maa wi yìrige n lúrugo ǹjogi ni nìjangbɔɔri tɛ́ʔɛ ma.

Tiiti 1:2

jàngó sìibangwɔɔw sɔ̀ngurɔ tɛɛtaʔaga í pye be ma, Kolocɔlɔɔ wi lè wi o finɛ nyáana í, wi maa sìíw bee nyɔ́ɔ fàli sáni làrigèle í séli lè.

Heburubèle 6:18

jàngó yi katɛɛyi siin yi lè yi a gbǎn fàli í, Kolocɔlɔɔ si a wɔ́ɔ gbǎn finɛ yi kéeli na í, yee bee kéele í wolo kɛɛlɛ gbanʔama, wolo bele wo fàn n sáà sɔ̀ngumi tɛɛtaʔaga taa n cò níì syɔɔ lè, koro gee Kolocɔlɔɔ tɛ́ʔɛ wolo yɛ́ʔɛ ma lè.

1 Zyan 5:10

Wee wi tága lè Kolocɔlɔɔ Jáaw na, séeraw bee i nyɛ syɔ́ɔnw bee fúngo ni. Wee si wi lè wi ga tága Kolocɔlɔɔ séeraw na í, wee bee n Kolocɔlɔɔ kpéʔele jànvaafɔlɔ, níì cán séerawee wi kpéʔele lè wi Jáaw kéele na, wee bee ga tága séeraw bee na í.

1 Zyan 5:20

Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.

Tɛ̀ɛnnɛ 3:7

«Dee naa sɛ́bɛ mi tórigo Filadelifii Egiliziw tunduɔn ma, mí wi pye: ‹Wee wi sín lè ní i nyɛ kányɛɛgi fɔ́lɔ, ní woro wee má Davidi làkilew nyɛ lè, wi ga kɔ̀rigi múgu wàa faala a gbǎn gi tɔ́n í, wi si ga wɔ́ɔ̀ gi tɔ́n wàa faala a gbǎn gi múgu í, woro wi kérigèle naa joo níì jo: