Wɔrɔmi ye 3:2 - Cebaara Bible 2010

² Gee gi Zyefuo pɔ́rɔ n sɔ̀lɔ syɛɛnsanbèle na lè, ki n kpɔ́ʔɔ kánmi féleye myɛ na. Ki wozeligi gi nyɛ ncan Zyefubèle má Kolocɔlɔɔ da wi nyɔɔsyɛɛnri kàlifáa.

Wɔrɔmi ye 3:2 Iomraidhean Croise

Ŋúnuyi 119:140

Mɔ syɛ́ɛnri myɛ bìnɛw tɔ̀nɔ́ i nyɛ wodelere ní, ti kéeli n mɔ falipyew dɛ́nɛ.

Ezayi 8:20

Làlwaw, ní séeraw má gi yɛlɛ syɔɔn í da lúro. Syɔ́ɔnwee jooganma ga pye lè pi ga yɛlɛ ní dee bee ní í, nyǐnjerigi gbɛ̀ɛnmɛ o nyɛ wi ni í.»

Danyɛli 10:21

Kàjáa, gee gi sɛ́bɛ kányɛɛgi sɛ́bɛ ni lè, mii i caa bi gi joo tɛ̀ɛn mɔ na. Wàa faala o mii dɛ̀ɛmɛ́ kapɛɛnni kpúmɔnnɔ na ní be ní í, kapye yele kùndigiw Misyɛli ban í.

Zyan 5:39

Kolocɔlɔɔ syɛɛnsɛbɛri yele wéle ni nyuu lè ní lòmaana ní, ní i sɔ̀ngí bi sìibangwɔɔw taa di ni, dee bee wɔ́ɔ i nyɛ mii séera.

Kapyegèle 7:38

Mowiziw bee wi da pye syɛɛnkpoʔolomi nínge ni fìími tára ni, ní i nùuní nyɛ̀ʔɛni tunduɔn na, wee wi da ni nyuu lè ní wi ní Sinayii nyanbelegi na, ní wɔ́ɔ i nùuní wolo tóolɛɛbèle na, woro wi sìíw syɛ́ɛnrɛ lóʔo n baa joo wolo ma.

Wɔrɔmi ye 1:2

Syɛɛnjóocǎnri bee di nyɛ dee Kolocɔlɔɔ da joo n kaan lè booma ni wi kanyaajoobèle ma níì jo paa di nyuu syɛ́ɛnbèle ma, àmɛɛ di sɛ́bɛ lè wi syɛɛnsɛbɛcǎnri ni.

Wɔrɔmi ye 2:18

mɔ n jo mɔ n Kolocɔlɔɔ kínidɛnɛgi cán, ní wɔ́ɔ i kacǎngèle sɛʔɛ ni cángi, gele ge yɛlɛ mɔ í da kpéʔele lè, níì cán Mowizi làlwaw wi mɔ tama kérigèle bee na,

Wɔrɔmi ye 3:1

Ki ga pye nya, nyàʔá gi Zyefuo pɔ́rɔ n sɔ̀lɔ syɛɛnsanbèle na? Ba nyàʔá gi nyɛ kɛ́nɛw kpéʔelele kanyɔɔnɔ?

Wɔrɔmi ye 3:3

Ki ga pye poro pèle o nyɛ tágala syɛɛnnɛ í, a gee bee a gbǎn Kolocɔlɔɔ kàriga lé wi a ní pye tágala syɔ́ɔn í?

Wɔrɔmi ye 9:4

Poro be nyɛ Isirayɛli syɛ́ɛnbèle, bele Kolocɔlɔɔ kpéʔele lè woro pìibēle, níì wi nìjangbɔɔri, ní wi joogaangèle* kaan be ma, n fàra wi làlwaw, ní wi kpɔ̀ʔɔrɔli, ní wi nyɔɔfaliyi na.

1 Korɛnti ye 9:17

Kapye mii tiimaa wi da fáliw bee nyɛ́nɛ n wòlo bàā wi kpéʔele, mii mǎà dée ra sɔ̀ngí sàra na. Kàjáa kapye ki o nyɛ mii nyɛ́nɛ kéele í á mii si i di kpéʔele, lǎli bee ni ŋàʔanaga tundunro Kàfɔw kàlifáa mii ma.

2 Korɛnti ye 5:19

Níì cán Kolocɔlɔɔ maa pye Kirisi ni, ní i dulunyanw syɛ̀ɛnnɛ bɛ̀ɛgí ní wiyɛɛ ní, wi da ní ni be kapeegèle córo be kurugo í, wi si n bɛ̀ɛ́li bee tundunro kaan wolo ma.

Galasi ye 2:7

Kàjáa pe maa gi nyaa Kolocɔlɔɔ wi Syɛɛnjóocǎnri kàlifáa mii ma mii í da di nyuu kɛ́nɛnaa-sìngbeʔelebèle ma, àmɛɛ Pyɛri yɛlɛ lè waa di nyuu kɛ́nɛw kpéʔelefɔɔlɔ ma.

1 Timɔte 6:20

Ee Timɔte, kàlifawee wi nyɛ mɔ ma lè, maa wi kɔ̀rɔsíi, kàjáa Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ, ní kàkabalayi yi taagi lè sícili-váanami ni, mi toro yaʔa,

Heburubèle 5:12

Níì cán nlaa yaà làridɔɔnnɔ ni yele maa yɛlɛ bi dée pye tamafɔɔlɔ bi kwɔ́ɔ, kàjáa a yele náà séli n pye wàa í da yele tama Kolocɔlɔɔ syɛ́ɛnri tamazelile na, yele láa sèʔé i nyɛ yiremɛ na, yaliinirire na ban í.

1 Pyɛri 4:11

Wàa ga ni nyuu, ki n yɛlɛ waa nyuu Kolocɔlɔɔ syɛ́ɛnrɛ jooganma na. Wàa ga ni pèle dɛ̀ɛmɛ́, ki n yɛlɛ waa gi kpéʔele ní bárigaw ní Kolocɔlɔɔ kaangi wi ma lè, koro ga pye nìjangbɔɔri í da taari Kolocɔlɔɔ na kérigèle myɛ ni, Zyezu Kirisi bárigaw ni, woro wee má nìjangbɔɔri, ní séekpɔɔw nyɛ lè làla o làla kwɔ́ɔmɔ fun. Amiina!

Tɛ̀ɛnnɛ 19:10

A mii fala n too wi taana jàngó bi wi kpɔ̀ʔɔrɔ, a wi mii pye: «Tíi, mɔ a kɔ́ koro kpéʔele í! Níì cán mii i nyɛ mɔ ní mɔ senyɛnbèle púlonyɛnwaa, poro bele má Zyezu séeraw nyɛ lè. Da Kolocɔlɔɔ kpɔ̀ʔɔrɔ́! Zyezu séeraw wi nyɛ kanyaajoori joolo nyúngo.»

Tɛ̀ɛnnɛ 22:6

A nyɛ̀ʔɛni tunduɔn gi joo mii ma níì jo: «Syɛ́ɛnri naa i nyɛ kányɛʔɛ, syɔɔn n yɛlɛ wi tága di na. Kàfɔw Kolocɔlɔɔ wi kanyaajoobèle pìigēle kàragí lè, woro wi wi tundunw tun wi ba kérigèle naa tɛ̀ɛn woro púlobèle na, gele ge lè ke a ní mɔn si kpéʔele í.»