Wɔrɔmi ye 3:11 - Cebaara Bible 2010

¹¹ Syɔɔn faala o beè, wee wi keele kɔ́rɔ cán lè í, wàlá wee wi Kolocɔlɔɔ caa lè í.

Wɔrɔmi ye 3:11 Iomraidhean Croise

Ŋúnuyi 53:2

Nilabalaga ki gi nyuu kiyɛɛ fúngi ni níì jo: «Kolocɔlɔɔ o yaà í!» Pe n peyɛɛ gálagi, pe n kapeekpoloyo kpéʔele. Gee be kpéʔele lè, ki n kolo níì nɔ́nʔɔ. Syɔɔn faala o beè, wee wi kacàngēle kpéʔele lè í.

Ŋúnuyi 53:4

Pe myɛ n wàli n léeli, pe n pínɛ n kálagi. Syɔɔn faala o beè, wee wi kacàngēle kpéʔele lè í, àlí syɔɔn nibin.

Ŋúnuyi 94:8

Ki n yɛlɛ yaa kɔ̀rɔsíi, yele bele ye labala n sɔ̀lɔ syɛɛnsanbèle myɛ na lè. Yele yákiri-fùnvɔbèle, làlìí ni yele a yákirii taa?

Kàseegèle 1:22

«Yele nidoliyi, làla jòorí yele caa bi kwɔ́ɔ nidolimi ni? Làlìí ni nɛ̀ɛnyɛnɛgi fɔ̀ɔlɔ a láʔa nɛ̀ɛnyɛnɛgi na, nilabalabèle si láʔa cánni faʔala na?

Kàseegèle 1:7

Yawe yɛ́ɛgi fyáara di nyɛ cánni sélimɛ. Nilabalabèle i sícilimi ní tamani faari.

Ezayi 27:11

Káganbiiri ga waʔa lǎli ni lè, pe n di kabagi. Càbala n baa naà le di na. Sícilimɛ fun syɛ̀ɛnnɛ bɛɛ, koro na wee wi be faan lè, wi ga nyinimɛ taa be na í, wee wi be sámaga lè, wi ga nyɔɔ be na í.

Ezayi 31:1

Wɔʔɔli a pye bele na be tíri Ezyipiti ma n sa ni dɛ̀ɛmɛnɛ caa lè, poro bele be peyɛɛ zígi syɔ́ɔnyi na lè, níì peyɛɛ daʔa kapɛɛnkpumɔn-wòtorobèle na pe nɛʔɛni báriga ni lè, ní wɔ́ɔ̀ peyɛɛ daʔa syɔ́ɔnyi fɔ̀ɔlɔ na, níì cán be fǎngi n nɛʔɛ, kàjáa pe o wéle Isirayɛli Wojanw ma í, pe ga lúru ni Yawe caa í,

Ezayi 55:6

Yaa Yawe caa wi làrinyaani ni, yaa wi mɛ́ɛgi yeri lǎli ni wi nyɛ lè tɔ́ɔnrɔ.

Ezayi 65:1

«Bele be lè pe da ni mii yíbe í, mii n be yaʔa a be nùuni mii na, bele be lè pe da ni mii caa í, mii n gi yaʔa a be mii nyaa. Mii n gi joo syɛɛnfelegaa má, gee gi lè mii mɛ́ɛgi da ni yiri gi na í níì jo: ‹Mii wi wee, mii wi wee!›

Ezayi 9:13

Yawe a wɔ́ɔ nyǔngi, ní nángi, ní sɛʔɛwari, ní nyɛ́nɛri ceri bi yirige yaà cannijanga na.

Zyeremii 4:22

«Kányɛʔɛ na mii syɛ́ɛnbèle n dóli, pe ga mii cán í. Jaafɔ-labalaya yii, pe n fɔ̀n cánna ni. Kapeʔe pyele sícilimɛ yagana bi nyɛ be ma, kàjáa pe ga kacànna pyeganma cán í.»

Oze sɛ́bɛw 4:6

Mii syɛ́ɛnbèle i kúu cánni fɔ̀ngɔ kéele na. Níì cán mɔ n cánni cée, mii a wɔ́ɔ mɔ cée, si mɔ yirige sáriga-wòlori fáli ni. Amɛɛ mɔ fɛ̀ʔɛ mɔ Kolocɔlɔw làlwa na lè, mii a wɔ́ɔ fɛ̀ʔɛ mɔ piibèle na.

Oze sɛ́bɛw 7:10

Isirayɛli ye nɛ̀ɛnyɛnɛgi i séeraw kpéʔele be kánmi na. Pe o lúrugu ni maa Yawe be Kolocɔlɔw ma í, àlí koro ní ki myɛ ní, pe o wi caa í.

Matye 13:19

Dee di too lè kólogi nyɔ́ɔ na, toro di nyɛ syɔɔn o syɔɔn wi Kolocɔlɔɔ fǎngi syɛ́ɛnrɛ lóʔo lè, wi si ga di kɔ́rɔw cán í, Wobeew n pan n baa di yirige wi fúngi ni.

Wɔrɔmi ye 1:22

Pe maa ni peyɛɛ yiri kacanbèlē, kàjáa pe n baa pye nilabalabéle.

Wɔrɔmi ye 1:28

Pe ga fɔ̀lɔ n Kolocɔlɔɔ kéeli yaʔa peyɛɛ fúnyi ni í, gee bee na Kolocɔlɔɔ be yaʔa be fɛ̀ɛfɔnmi sɔ̀ngurɔ kɔ́yɔ ni, koro ga pye paa kanaa-sìnbyeri kpéʔele.

Wɔrɔmi ye 3:10

àmɛɛ gi nyuu lè Kolocɔlɔɔ syɛɛnsɛbɛri ni níì jo: «Syɔɔn nibin tɔ̀nɔ́ o beè, wee wi síngi lè í.

Wɔrɔmi ye 3:12

Syɛ́ɛnbèle myɛ n pùuni n kólogi wáa, níì pínɛ n pye kanyɔɔnɔ fun syɛɛnnɛ. Syɔɔn faala o beè, wee wi kacàngēle kpéʔele lè í, àlí syɔɔn nibin.

Wɔrɔmi ye 8:7

Bele ni céri kèlē sɔngurɔ nyɛ lè, bele bee i nyɛ Kolocɔlɔɔ nígoobéle, níì cán sɔ̀nguri bee n be kaan pe o lúro Kolocɔlɔɔ ma í, àlí fànʔa o wɔ́ɔ̄ nyɛ be ni bi gbǎn gi kpéʔele í.

Tiiti 3:3

Níì cán wolo maa wɔ́ɔ̀ pye kanaa-sìnjánbéle ní sìnloʔobéle, ní wɔ́ɔ̀ pùuni, wolo maa pye céri ki laànitaʔa púloro ni, ni di kínidɛnɛgi kèlē féleye myɛ kpéʔele, wolo maa kòro kakolobyeri ní nyabɛɛnni na ni kpéʔele, wolo maa ni woyɛɛ kanibɛɛngèle kpéʔele níì woyɛɛ bara.

1 Zyan 5:20

Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.