Wɔrɔmi ye 3:10 - Cebaara Bible 2010

¹⁰ àmɛɛ gi nyuu lè Kolocɔlɔɔ syɛɛnsɛbɛri ni níì jo: «Syɔɔn nibin tɔ̀nɔ́ o beè, wee wi síngi lè í.

Wɔrɔmi ye 3:10 Iomraidhean Croise

Zyɔbi 14:4

Wìí wi a gbǎn yamunugo yirige yanɔnʔɔgɔ ni? Syɔɔn faala.

Zyɔbi 15:14

Syɔɔn wi nyɛ nyàʔá, wí gbǎn pye fɔɔnrɔ fun? Ní wee cɔlɔɔ see lè, wí gbǎn pye lé woziɔn ní?

Zyɔbi 15:16

syɔɔn wi pee lè nya níì kálagi, woro wógi gi tóro, syɔɔn wi sìnzinmi gbo àmɛɛ lɔ̀ʔɔ nyɛ lè.

Zyɔbi 25:4

Mɛ̀ɛ́ syɔɔn a gbǎn córo woziɔn Kolocɔlɔɔ yɛ́ʔɛ ma? Syɔ́ɔnwee cɔlɔɔ see lè, mɛ̀ɛ́ wi a gbǎn pye womunuo ní bi sɛɛ?

Ŋúnuyi 143:2

Mɔ a kɔ́ pye kútii na ní mɔ falipyew ní í, níì cán niweeo faala ga sín mɔ yɛ́ʔɛ ma í!

Ezayi 8:20

Làlwaw, ní séeraw má gi yɛlɛ syɔɔn í da lúro. Syɔ́ɔnwee jooganma ga pye lè pi ga yɛlɛ ní dee bee ní í, nyǐnjerigi gbɛ̀ɛnmɛ o nyɛ wi ni í.»

Zyeremii 17:9

Syɔɔn fúngi n kolo n sɔ̀lɔ yáriri myɛ na, sámagajànma o gi na í, wìí wi a gbǎn gi cán?

Matye 15:19

Níì cán dee di yìrigí lè syɔɔn fúngi ma, toro di nyɛ sɔ̀ngubeeri, ní syɛɛnkpoori, ní ceyuugi, ní nànyuugi, ní kanɔnʔɔbyeri, ní kàyuugi, ní jànvaaw séera, ní Kolocɔlɔɔ mɛ́ɛkalagiri ní,

Mariki 10:18

A Zyezu wi pye: «Nyàʔá na mɔ mii yeri wojaɔn? Wàa o beè wojaɔn ní í, kapye Kolocɔlɔɔ nibin ban í.

Wɔrɔmi ye 11:8

Amɛɛ gi sɛ́bɛ lè níì jo: «Kolocɔlɔɔ n be fúnyi tɔ́n, ní wɔ́ɔ̀ nyapiigèlē kaan be ma, gele ge lè pe o nyaagi ge ni í, níì líiweegéle kaan be ma, gele ge lè pe o lúro ge ni í, fwɔɔ n baa nan níjanʔa na.»

Wɔrɔmi ye 3:11

Syɔɔn faala o beè, wee wi keele kɔ́rɔ cán lè í, wàlá wee wi Kolocɔlɔɔ caa lè í.

Wɔrɔmi ye 3:23

syɛ́ɛnbèle myɛ n kapeegèle kpéʔele níì kólogo Kolocɔlɔɔ nìjangbɔɔri kurugo.

Wɔrɔmi ye 3:4

Eʔe dɛ! Alí syɛ́ɛnbèle myɛ ga pye jànvaafɔɔlɔ, ki n yɛlɛ pe gi cán Kolocɔlɔɔ a sèʔé pye kányɛɛgi joofɔlɔ làrigèle myɛ ni, àmɛɛ gi sɛ́bɛ lè níì jo: «Mɔ ga ni nyuu lǎlee ni lè, ki n yɛlɛ pe gi cán mɔ tánʔa i nyɛ poro na, ní pe ga ni kútiiw nyuu ní mɔ ní lǎlee ni lè, ki n yɛlɛ mɔ í joo bi be jáa.»

Tiiti 3:3

Níì cán wolo maa wɔ́ɔ̀ pye kanaa-sìnjánbéle ní sìnloʔobéle, ní wɔ́ɔ̀ pùuni, wolo maa pye céri ki laànitaʔa púloro ni, ni di kínidɛnɛgi kèlē féleye myɛ kpéʔele, wolo maa kòro kakolobyeri ní nyabɛɛnni na ni kpéʔele, wolo maa ni woyɛɛ kanibɛɛngèle kpéʔele níì woyɛɛ bara.

1 Pyɛri 1:16

níì cán ti n sɛ́bɛ níì jo: «Ki n yɛlɛ yele í pye wojanbéle ní, níì cán mii i nyɛ wojaɔn ní.»

Tɛ̀ɛnnɛ 21:8

Kàjáa fyáari fɔ̀ɔlɔ, ní sìndagabèle, ní syɛɛn-nɔ́nʔɔbèle, ní syɛɛnkpoobèle, ní kanɔnʔɔbyebèle, ní dɛ̀ɛ́bèle, ní yasunzunbèle, ní jànvaafɔbèle myɛ tɛɛkòrogo a pye naakpɔɔgi ni, gee ni dìrigíw sóori lè, gee bee gi nyɛ kùu siin wów.»

Tɛ̀ɛnnɛ 22:15

Bele si be kòro lè kàfugi na, poro be nyɛ pɔ́nbèle, ní dɛ̀ɛ́bèle, ní kanɔnʔɔbyebèle, ní syɛɛnkpoobèle, ní yasunzunbèle ní, n fàra bele myɛ na jànvaaw dɛ́nɛ lè, a be i finɛ.