Wɔrɔmi ye 2:9 - Cebaara Bible 2010

⁹ Bele myɛ be nyɛ lè kakolobyebèle, wɔʔɔgɔ ní funjurugoro a ba too bele bee na, ki si a séli Zyefubèle na gbɛnʔɛnɛ, si náa nan syɛɛnfeleyi wozanya na.

Wɔrɔmi ye 2:9 Iomraidhean Croise

2 Cányi kèlē 6:23

bi mɔ yaʔa nyɛ̀ʔɛni na, ki n yɛlɛ mɔ í gi lóʔo, mí kéeli bee cɔɔnri bi mɔ falipyebèle kútii ceri, mí kolomi fɔ́lɔ wɔʔɔ bi wi tánʔaganmi yaʔa bi lúru kòro wi nyúngi ni, mí sínni fɔ́lɔ tɛ̀ɛn, mí wi cò mi yɛlɛ ní wi sínni ni.

Ŋúnuyi 32:10

Wɔʔɔyɔ saʔa a syɛɛnpeew taa, wee si wi wiyɛɛ kàlifáa Yawe ma lè, wi funjǎngi n wee bee màʔa.

Kàseegèle 11:23

Gee syɛɛnsinbèle caa lè koro gi nyɛ kacǎnni yagana, gee si syɛɛnpeew sigi lè, koro gi nyɛ fundanʔagbɔɔri.

Ezekyɛli 18:4

Wéle, pìígèle myɛ i nyɛ mii wòʔolo. Tofɔw pìle ní jaafɔw pìle i nyɛ mii woʔolo, ke myɛ i nyɛ mii wòʔolo. Wee wi ga kapeeli pye lè, woro wi a kùu.

Ezekyɛli 22:31

Mii n mii fundanʔagbɔɔri yàli be na, mii n be kálagi n kwɔ́ɔ ní mii fundanʔagbɔɔri náa ní. Mii n be kapyegèle yaʔa a ge lúru n kòro be nyúnyi ni, Kàfɔw Yawe wi jo nya.»

Amɔsi 3:2

«Yele yagana mii nyɛ́nɛ n wòlo tári narigbaaya myɛ ni. Koro na mii a ba yele yíbe yele kérigèle na ke lè yele kolomi kèlē myɛ.»

Matye 16:26

Syɔɔn ga dulunyanw yárira myɛ taa, á wi sìíw baa pùuni, nyàʔá gee bee a nyɔɔ wi na? A yarigaa i yaà lé gee syɔɔn a sa kaan lè sìíw lɔ́rɔ, sìíw si taa?

Luki 24:47

Ní níì jo, pe a sa ra nyuu syɛɛnfeleyi myɛ ma woro mɛ́ɛgi na àmɛɛ gi yɛlɛ be kàdoʔo wáa pe kapeegèle ma lè, ge kùsulugi si syɔɔ, pe si a gi séli Zyerusalɛmi na.

Kapyegèle 11:18

Lǎli ni pe syɛ́ɛnri bee lóʔo lè, a be fúnyi nyíngi be na, a be i Kolocɔlɔɔ kpɔ̀ʔɔrɔ́ níì jo: «Jàʔá Kolocɔlɔɔ n gi yaʔa syɛɛnfeleyi í wɔ́ɔ ra kàdoʔo wáa yi kapeegèle ma koro ga pye yi sìíw taa.»

Kapyegèle 13:26

Ni senyɛ̀nnɛ, yele bele ye nyɛ lè Abirahami yòdaʔayi, n fàra yele bele na ye wɔ́ɔ̄ fɛ̀ɛgí lè Kolocɔlɔɔ na, ye gi cán wolo má pe da syɛ́ɛnri naa tórigo di nyɛ lè syɔɔli wóro.

Kapyegèle 20:21

Mii maa tɔ̀nɔ ni séeraw kpéʔele Zyefubèle ní Girɛkibèle ma níì jo pe be fúnyi kàriga Kolocɔlɔɔ ma, pé tága wolo Kàfɔw Zyezu na.

Kapyegèle 26:20

Koro na mii da kári Damasi ma gbɛnʔɛnɛ ní Zyerusalɛmi ní, n fàra Zyude tári myɛ na, ní wɔ́ɔ̀ kári syɛɛnfeleyi ma n sa ni syɛ́ɛnri nyuu be ma níì be pye be kàdoʔo wáa be kapeegèle ma, pé kàri Kolocɔlɔɔ ma, páā kérigèle kpéʔele gele ge yɛlɛ ní kàdowaari ní kapeegèle ma lè.

Kapyegèle 28:17

A canya taanri ga kwɔ́ɔ, a Pɔli Zyefubèle syɛɛnkpolobéle yeri n kpóʔoro. Amɛɛ be peyɛɛ gbóʔoro lè, a wi gi joo be ma níì jo: «Ni senyɛ̀nnɛ, mii ga kapeele faala kpéʔele wolo felegefɔ-nyɛ́nwaa na í, mii ga wɔ́ɔ̀ wolo tóolɛɛbèle kalɛɛlaa kálagi í, a be si mii cò Zyerusalɛmi ni n kaan Wɔrɔmi ye ma.

Kapyegèle 28:28

Koro na gi yɛlɛ ye gi cán bi cán Kolocɔlɔɔ n wi syɔɔli naa tórigo syɛɛnfeleyi ma, yi si a ba li syɛ́ɛnri lóʔo.» [

Kapyegèle 3:26

Yele má Kolocɔlɔɔ da sélì wi falipyew tun, wee wi da nyɛ́nɛ n wòlo lè, koro ga pye wi ba dùbaw kpéʔele yele ma, si yele myɛ nibin nibin kàriga bi yirige yele kakolobyeri ni.»

Wɔrɔmi ye 1:16

Níì cán Syɛɛnjóocǎnri mii nyuu lè, fɛ̀ɛrɛ o mii taagi di kéeli na í, ti i nyɛ Kolocɔlɔɔ fǎngi bàā syɛ́ɛnbèle syoo, bele myɛ be tági lè di na, wozelibèle be nyɛ Zyefubèle n náà fàra syɛɛnfeleyi wozanya na.

Wɔrɔmi ye 10:12

Wàlima o nyɛ Zyefubèle ní syɛɛnfeleyi wozanya nínge ni í, níì cán Kàfɔlɔ nibin wi nyɛ pe myɛ nyúngo na, bele be wi mɛ́ɛgi yiri lè, wi i nyɛ yarigaa fɔ́lɔ bele bee myɛ kàbaan na.

Wɔrɔmi ye 2:10

Kàjáa bele myɛ be nyɛ lè kasinbyebèle, nìjanri, ní sòololi, ní yɛɛ̀nyingi a ba pye bele bee ma, ki si a séli Zyefubèle na gbɛnʔɛnɛ, si naa nan syɛɛnfeleyi wozanya na.

Wɔrɔmi ye 8:35

Nyàʔá ki a gbǎn wolo láʔa Kirisi tàmagi na? Wɔʔɔgi láà, koro ga jáa funjurugori, wàlá kagbanyi, wàlá kateekpɔɔgi, wàlá fóomi, wàlá fyáari kèlē, wàlá ŋɔséew?

Wɔrɔmi ye 9:24

Poro si be nyɛ wolo, wolo bele wi yeri lè, Zyefubèle yagana nínge si ni ban wi wolo nyɛ́nɛ n wòlo í, kàjáa wi n wɔ́ɔ̀ wolo pèle nyɛ́nɛ n wòlo syɛɛnfeleyaa nínge ni.

Galasi ye 3:28

Wàa ní o nyɛ Zyefuo, wàa si i nyɛ syɛɛnfelegaa í, wàlá puloo, wàa si i nyɛ wɔ́rɔɔ í, wàlá nàɔn, wàa si i nyɛ cɔlɔɔ í, níì cán yele myɛ i nyɛ nibin Kirisi Zyezu ni.

Kɔlɔsi ye 3:11

Koro na láʔala o nyɛ Girɛkibèle ní Zyefubèle nínge ni í, láʔala o wɔ́ɔ̄ nyɛ kɛ́nɛkpeʔelebèle ní sìngɛnɛbèle nínge ni í, wàlá Girɛkinaa-sìnjánbèle, ní Sitii ye, ní púlobèle, ní wɔ́rɔbèle nínge ni í. Kirisi wi nyɛ pe myɛ nyúngo na, ní wɔ́ɔ i nyɛ pe myɛ ni.

2 Tesaloniki ye 1:6

Níì cán ki n sín Kolocɔlɔɔ yɛ́ʔɛ ma bi wɔ́ɔ ba yele wɔʔɔli sìndɛʔɛ lúrugo yele wɔʔɔfɔbèle ma,

1 Pyɛri 4:17

Níì cán lǎli n nan, lee ni kútiiw a séli lè Kolocɔlɔɔ kpáagi* wòolo na. Wi si ga séli wolo na, mɛ̀ɛ́ si Kolocɔlɔɔ Syɛɛnjóocǎnri céefɔɔlɔ kwɔ́ɔganma a ba pye bi sɛ́ɛ?