Wɔrɔmi ye 2:8 - Cebaara Bible 2010

⁸ Kàjáa bele fundaaya yi be kíle ni syée pe nyɛnɛ kérigèle kurugo lè, pe si tée o yèré kányɛɛgi ni lè í, níì kòro pe kakolobyeri na ni kpéʔele lè, Kolocɔlɔɔ fundanʔari ní wi kayaagi a ba too bele bee na.

Wɔrɔmi ye 2:8 Iomraidhean Croise

2 Cányi kèlē 6:23

bi mɔ yaʔa nyɛ̀ʔɛni na, ki n yɛlɛ mɔ í gi lóʔo, mí kéeli bee cɔɔnri bi mɔ falipyebèle kútii ceri, mí kolomi fɔ́lɔ wɔʔɔ bi wi tánʔaganmi yaʔa bi lúru kòro wi nyúngi ni, mí sínni fɔ́lɔ tɛ̀ɛn, mí wi cò mi yɛlɛ ní wi sínni ni.

Zyɔbi 24:13

Pèle n peyɛɛ lége bele ni be peyɛɛ bye lè gbɛ̀ɛ́nmi nigoolo, pe o bi kóloyi cángi ni láʔala í, pe o kòró bi kobiigèle ni í.

Ŋúnuyi 90:11

Wìí syɔ́ɔn wi mɔ fundanʔari fànʔa cán? Ba wìí wi mɔ fundanʔagbɔɔri cán n yɛlɛ ní mɔ yɛ́ɛgi fyáara ní?

Kàseegèle 11:23

Gee syɛɛnsinbèle caa lè koro gi nyɛ kacǎnni yagana, gee si syɛɛnpeew sigi lè, koro gi nyɛ fundanʔagbɔɔri.

Kàseegèle 13:10

Nɛ̀ɛgbɔʔɔgi yagana gi kàfulogi yìrigí, sícilimɛ si i nyɛ bele má be láliiw lúro lè.

Ezayi 50:10

Wìí syɔ́ɔn wi fɛ̀ɛgí yele ni Yawe na, ní i lúro wi falipyew ma? Wee wi táanri yébilimi ni lè, gbɛ̀ɛnmɛ si o nyɛ wi ma í, ki n yɛlɛ wi wiyɛɛ daʔa Yawe mɛ́ɛgi na, wi wiyɛɛ zígi wi Kolocɔlɔw na.

Zyeremii 34:18

Nǎnbèle bele be mii joogaanni kálagi lè, pe si ga joogaanni kèlē foro í, loro lee pe da kpéʔele mii yɛ́ʔɛ ma lè, níì náapiige ceri siin níì foro gi ceriyi nínge ni lè, mii a be le kɔyɔ ni.

Ezekyɛli 22:31

Mii n mii fundanʔagbɔɔri yàli be na, mii n be kálagi n kwɔ́ɔ ní mii fundanʔagbɔɔri náa ní. Mii n be kapyegèle yaʔa a ge lúru n kòro be nyúnyi ni, Kàfɔw Yawe wi jo nya.»

Nahumi 1:6

Wìí wi a gbǎn soro yére bi wi fundanʔagbɔɔri sige? Wìí wi a gbǎn yére bi wi fundanʔari naagbanga sige? Wi fundanʔari i caragi àmɛɛ naà nyɛ lè, wi i fálayi jabagi.

Wɔrɔmi ye 1:18

Kolocɔlɔɔ i wi fundanʔari tèé, dee di yìrigí lè nyɛ̀ʔɛni na n ba ni tuun syɛ́ɛnbèle na, bele be lè pe o fɛ̀ɛgí Kolocɔlɔɔ na í, ní i kakolobyeri féleye myɛ kpéʔele, pe kakolobyeri báriga ni pe kányɛɛgi yéregi, ki o syée yɛʔɛ̀ ma í.

Wɔrɔmi ye 10:16

Kàjáa syɛ́ɛnbèle myɛ ga fɔ̀lɔ Syɛɛnjóocǎnri na í. Gee bee na Ezayi da gi sɛ́bɛ níì jo: «Kàfɔw, dee wolo joo lè, wìí wi di lóʔo wolo ma níì tága di na?»

Wɔrɔmi ye 15:18

Ye gi cán mii a tée mii nyúngi waʔa si keelaa joo í, kapye Kirisi ga li kpéʔele mii kɔ́yi ni syɛɛnjóori, ní kapyegèle báriga ni í, jàngó syɛɛnfeleyi í da lúro Kolocɔlɔɔ ma.

Wɔrɔmi ye 6:17

Ki n yɛlɛ waa bariga kaangi Kolocɔlɔɔ ma, níì cán yele maa pye kapeebyeri púloro ni, kàjáa tamalee na pe yele tama lè, a yele lee bee cò ní yele fúnyi myɛ ní.

Wɔrɔmi ye 9:22

Anbée ban Kolocɔlɔɔ wɔ́ɔ̀ gi kpéʔele ì? Alí n gi yaʔa wi maa ni caa bi wi fundanʔari tɛ̀ɛn ní wi séekpɔɔw myɛ ní, bele na wi fundanʔari nyɛ lè, a wi be sámaga n yaʔa kálagili kánma na, koro ní ki myɛ ní a wi sèʔê be kpàraco.

1 Korɛnti ye 11:16

Wàa si ga ni caa bi gi kábala, ki n yɛlɛ wi gi cán kalɛɛlaa nikwɔɔ ní o nyɛ wolo ma í, wàlá Kolocɔlɔɔ egilizibèle ma í.

2 Korɛnti ye 12:20

Mii i fɛ̀ɛgí níì jo kánmee na mii caa bi sa yele nyaa lè, dɔ̀ʔɔ́ mii a sa yele nyaa ànbée í, ní kánmee na yele caa bi sa mii nyaa lè, dɔ̀ʔɔ́ yele a wɔ́ɔ sa mii nyaa kánmi bee na í. Mii i fɛ̀ɛgí níì jo dɔ̀ʔɔ́ mii a sa kàsiiw, ní nyabɛɛnni, ní fundanʔari, ní fungboloyi, ní mɛ́ɛkalagiri, ní syɛɛnsanʔari, ní nɛ̀ɛnyɛnɛgi, ní kanyaʔamiri nyaa yaà yele níngi ni.

Galasi ye 5:20

ní yasunzunri, ní nìnyɔʔɔnɔgi, ní nigoori, ní kàsiiw, ní nyabɛɛnni, ní fundanʔari, ní fungboloyi, ní kàkabalayi, ní funwaliyi,

Filipikaʔa ye 1:17

bele si be Kirisi kéeli nyuu lè kàsiiw kánma na, bele bee o di nyuu ní funviire ní í. Pe i sɔ̀ngí bi wɔʔɔlaa fàra mii kàsoleri na.

Filipikaʔa ye 2:3

Ki ga yɛlɛ yele í da yarigaa faala kpéʔele ní funwaliya ní í, koro ga jáa ní gbanzan kpɔ́ɔmɔ ní í, fwɔɔ yele myɛ nibin nibin í da màama kpéʔele yeyɛɛ ma, sáā gi córo yele syɛɛnnyɛnbèle n sɔ̀lɔ yele tiimaw na.

2 Tesaloniki ye 1:8

pe a tìgi ní naanyìnge ní bi ba Kolocɔlɔɔ téefɔbèle ní wo Kàfɔw Zyezu Syɛɛnjóocǎnri céefɔɔlɔ wɔʔɔ.

Tiiti 3:9

Ki si n yɛlɛ mɔ í da miyɛɛ kɔ̀rɔsíi nyùngo fun kàkabalayi na, ní narigbaayi sélimɛ kele na n fàra kàsiiw ní kàkabalayi na be kpéʔele lè Mowizi làlwaw kéele na, níì cán tɔ̀nɔ o nyɛ dee bee ni í, ti i nyɛ gbanzan.

Heburubèle 10:27

Kàjáa kútiiw sigele ní naakpɔɔgi sórigolo fyáakpɔɔrɔ di kòro, náagi bee ki a ba Kolocɔlɔɔ nigoobèle kálagi!

Heburubèle 11:8

Tágali báriga ni Abirahami da Kolocɔlɔɔ kayeli lóʔo níì kári tɛɛgaa ma, gee wi a kɔ́ ba taa lè gi pye wi kɔ́rigi. Wi maa yiri ni syée bi gi taa wi da wi kàbangárigi cán í.

Heburubèle 5:9

Amɛɛ si Kolocɔlɔɔ wi sámaga n foro lè, a wi baa pye bàngwɔɔ syɔɔlɔ sábabu bele myɛ ma be lúro wi ma lè.

Zyaki 3:14

Kàjáa yele fúnyi ga nyìn nyabɛɛnni ní fungbɔɔgi na, ki ga yɛlɛ yaa yeyɛɛ nyɛ́nɛ ní yele sícilimi bee ní í, yele ga ni koro kpéʔele, ye gi cán yele n kányɛɛgi cée.

Zyaki 3:16

Níì cán beè nyabɛɛnni ní fungbɔɔgi nyɛ lè, funwaliyi ní kanaa-sìnbyeri féleye myɛ wɔ́ɔ i nyɛ nɛɛ bee.

1 Pyɛri 3:1

Kánmi bee na, yele cébèle, ki n yɛlɛ yaa lúro yele nǎnbèle ma, jàngó yele wàa nàɔn ga pye wi ga fɔ̀lɔ bi yére Kolocɔlɔɔ syɛ́ɛnri ni í, wi céw nàʔama í pye sábabu wí taa syɔɔ, àlí syɛɛnrɛ sinjoo ni wi ma,

1 Pyɛri 4:17

Níì cán lǎli n nan, lee ni kútiiw a séli lè Kolocɔlɔɔ kpáagi* wòolo na. Wi si ga séli wolo na, mɛ̀ɛ́ si Kolocɔlɔɔ Syɛɛnjóocǎnri céefɔɔlɔ kwɔ́ɔganma a ba pye bi sɛ́ɛ?

Tɛ̀ɛnnɛ 14:10

wee bee a wɔ́ɔ Kolocɔlɔɔ fundanʔari dùvɛɛn gbaa, wee wi sòʔo lè sìnnyaʔami ni wi fundanʔari yagbaala ni, wi a ra wɔʔɔ náagi ní dìrigíw ni, nyɛ̀ʔɛni tundunjanbéle ní Bàpili yɛ́ʔɛ ma.

Tɛ̀ɛnnɛ 16:19

A kèkpɔɔgi fala n jaa tɛɛyɛ taanri, á syɛɛnfeleyi wozanya kèkpoloyo too. A Kolocɔlɔɔ sɔ̀ngi n taa kèkpɔɔgi kéele na, gi lè Babilɔni, níì wi fundanʔagbɔɔri dùvɛɛn kaan gi ma yagbaali ni ki gbaa.