Wɔrɔmi ye 2:7 - Cebaara Bible 2010

⁷ Bele si be kòro ni kasingèle kpéʔele lè ní lòmaana ní, ní i nìjanri caa, n fàra sòololi, ní cénaa-sìnvɔnʔɔri na, bele bee má wi a sìibangwɔɔw kaan.

Wɔrɔmi ye 2:7 Iomraidhean Croise

Zyɔbi 17:9

Syɛɛnsinw si n sámaga n kòro wi kólogi ni. Wee kɔ́yɔ yi nyɛ lè fɔɔnrɔ fun, wi i kàa fàrá wiyɛɛ fǎngi na ni syée.

Ŋúnuyi 27:14

Da wéle Yawe ma! Nìrimɛ le, mí zɔ̀nnirio taa! Da wéle Yawe ma!

Ŋúnuyi 37:3

Mɔ sɔngumi taʔa Yawe na, máā kacàngēle kpéʔele. Tɛ́ɛn tári ni, máā líi kányɛɛgi na.

Ŋúnuyi 37:34

Ki n yɛlɛ maa Yawe sige, mí wi kólogi sámaga mi cò. Wi a mɔ kpɔ́ʔɔ si mɔ yaʔa mɔ í tári fáliga taa, mɔ si a syɛɛnpeebèle kálagitɔɔ nyaa.

Ezekyɛli 18:17

wi si o fungbanga kpéʔele ní foomɔfɔw ní í, wi si o tɔ̀nɔ syoo wàlá tɔ̀nɔpeeo í, ní si i mii kajoodɛɛngèle, ní mii làlwaw kèlē có, wee bee a kùu wi tóow kolomɔ kéele na í, wi a tɔ̀nɔ́ kòro sìi na.

Matye 25:46

Bele bee myɛ a sa jée wɔʔɔli ni, lee li lè, li a kwɔ́ɔ bi nyaa í, syɛɛnsinbèle si sa jée sìibangwɔɔw ni.»

Luki 21:19

Yele a ba yele sìíw taa yele fɔ̀rɔyi kpàracogo báriga ni.

Luki 8:15

Dee si di too lè tácǎnri tɛ́ʔɛ ni, koro gi nyɛ bele be syɛ́ɛnri lóʔo lè níì di cò ní funviire, ní zɔ̀njàɔn ní, ní i sangi ní kpàracogo ní.

Zyan 4:36

Wee wi yaliiri lée lè, wee bee i wi sàraw taagi, ní i yaliiri lée ni kpóʔoro sìibangwɔɔw yɛ́ʔɛ na, koro ga pye yaliilùguw ní yaliilaaw, pe myɛ siinw í pye fundaanra na.

Zyan 5:44

Yele bele ye fɔ̀lɔ lè yeyɛɛ kpɔ́ɔmi na, bi gi taa wee nibin wi nyɛ lè Kolocɔlɔɔ, kpɔ́ɔmee wi kaangi lè, yele o bee bee caa í, mɛ̀ɛ́ yele a gbǎn tága bi sɛ́ɛ?

Wɔrɔmi ye 2:10

Kàjáa bele myɛ be nyɛ lè kasinbyebèle, nìjanri, ní sòololi, ní yɛɛ̀nyingi a ba pye bele bee ma, ki si a séli Zyefubèle na gbɛnʔɛnɛ, si naa nan syɛɛnfeleyi wozanya na.

Wɔrɔmi ye 6:23

Níì cán kapeebyeri sàra wi nyɛ kùúw, kàjáa kpɔ́ʔɔri Kolocɔlɔɔ kaan wolo ma lè, toro di nyɛ sìibangwɔɔw wolo Kàfɔw Zyezu Kirisi bárigaw ni.

Wɔrɔmi ye 8:18

Mii i gi tímana n jo wɔʔɔgee ni wolo nyɛ lè tɔ́ɔliw naa ni, ki o nyɛ bi gbǎn tímana ní nìjanri ní í, dee wolo a ba nyaa lè nyɛ̀ʔɛna.

Wɔrɔmi ye 9:23

Bele na wi da nyinimɛ taa lè níì be sámaga n yaʔa nìjangbɔɔri kánma na, wi maa wɔ́ɔ ni caa bi gi tɛ̀ɛn àmɛɛ woro nìjangbɔɔri lɔ́rɔ nɛʔɛ be ma lè.

1 Korɛnti ye 15:42

Anbée kúbèle nyán-yirile a ba pye. Dee be lùgu lè wovɔnʔɔrɔ ní, ti a kɔ́ ba yiri si pye yanaa-sìnvɔnʔɔrɔ.

1 Korɛnti ye 15:50

Ni senyɛ̀nnɛ, mii syɛ́ɛnri naa kɔ́rɔ wi nyɛ céri ní sìsyaanw a gbǎn Kolocɔlɔɔ fǎngi kɔ́rigɔ lìi í, fɔ́nʔɔmi a gbǎn sìnvɔnʔɔmi kɔ́rigɔ lìi í.

1 Korɛnti ye 15:58

Gee bee na, mii senyɛn-nidaanmabèle, ki n yɛlɛ ye nìrimɛ le, ye a kɔ́ ra yeyɛɛ gábala í, yaa syée yɛʔɛ ma làla o làla Kàfɔw fáli ni, ye gi cán fáliwee yele kpéʔele lè Kàfɔw báriga ni, wi a gbǎn yiri gbanzan í.

Galasi ye 6:9

Wolo si ga yɛlɛ wolo í fɔ̀rɔ kacànbyeri na í. Níì cán wolo ga pye wolo ga fɔ̀rɔ í, cɛɛri ga pye wolo a di tɔ̀nɔw taa àmɛɛ yaliilaara nyɛ lè.

Efɛzi ye 6:24

Bele be bàngwɔɔ tàmagi le ní wolo Kàfɔw Zyezu Kirisi ní lè, ki n yɛlɛ Kolocɔlɔɔ í kpɔ́ʔɔri kaan bele bee myɛ ma!

Kɔlɔsi ye 1:27

bele na wi da ni caa lè bi kalarali bee nìjanra kpɔ́ʔɔrɔ tɛ̀ɛn lè syɛɛnfeleyi nínge ni, kalarali bee li nyɛ àmɛɛ Kirisi nyɛ lè yele fúnyi ni, koro gi nyɛ nìjangbɔɔri sɔ̀ngumɔ tɛɛtaʔaga.

1 Timɔte 1:17

Bàngwɔɔ Fànʔafɔw, woro wee wi nyɛ lè wi a kùu bi nyaa í, syɔɔn si o wi nyaagi í, woro nibin wi lè Kolocɔlɔɔ, woro na kpɔ̀ʔɔrɔli ní nìjangbɔɔri yɛlɛ làla o làla! Amiina!

2 Timɔte 1:10

Syɛ́ɛnbèle n baa kpɔ́ʔɔri bee nyaa tɔ́ɔliw ni àmɛɛ wolo Syɔɔfɔw Kirisi Zyezu baa wiyɛɛ dɛ̀ɛn lè, woro wee wi kùúw kwɔ́ɔ lè, níì sìíw, ní sìnvɔnʔɔmi yirige gbɛ̀ɛ́nmi na Syɛɛnjóocǎnri báriga ni.

Heburubèle 2:7

Mɔ maa wi cɛ́rɛ n sɔ̀lɔ nyɛ̀ʔɛni tundunbéle na n làla cɛɛri kwɔ́ɔ, koro kàdoʔo ma a mɔ nijanri ní kpɔ́ɔmi pye wi fànʔafɔ-nyùndɔnni.

Heburubèle 6:12

Wolo o caa yele í pye sàlagafɔɔlɔ í, bele be Kolocɔlɔɔ nyɔɔfaliyi kɔ́rigɔ lìi lè be tágali ní be kpàracogi báriga ni fwɔɔ yele í da bele bee tɛ́ɛlɛ.

Heburubèle 6:15

A nyɔɔfaligi wɔ́ɔ baa foro Abirahami ma àmɛɛ wi da kpàracogo kpéʔele lè.

1 Zyan 2:25

Yárigee nyɔ́ɔ Kirisi fàli wolo ma lè, koro gi nyɛ sìibangwɔɔw.