Wɔrɔmi ye 2:6 - Cebaara Bible 2010

⁶ Cángi bee na wi a ba syɛ́ɛnbèle myɛ nibin nibin sàra bi yɛlɛ ní be kapyegèle ní.

Wɔrɔmi ye 2:6 Iomraidhean Croise

Zyɔbi 34:11

Wi i syɔɔn kapyegèle sìndɛʔɛ lúrugu wi ma, wi i syɛ́ɛnbèle myɛ nibin nibin sàrá ni yɛlɛgi ní be tánʔaganmi ní.

Ŋúnuyi 62:12

Kolocɔlɔɔ n joo tɔlɔgɔ nibin, a mii dee naa lóʔo tɔlɔyɔ siin a di jo: «Kolocɔlɔɔ má fǎngi nyɛ.

Yirile 32:34

Da syée tɔ́ɔliw ni mi sa syɛ́ɛnbèle kɔ́ri maa syée tɛ́ɛgee ma mii tɛ̀ɛn mɔ na lè. Wéle, mii nyɛ̀ʔɛni tunduɔn a ra táanri mɔ yɛ́ɛgi na. Gee si mii a ba kpéʔele lè, koro gi nyɛ cangaa mii a keele tɛ́ʔɛ be na be kapeeli kéele na.»

Kàseegèle 24:12

Mɔ ga gi joo níì jo: «Kányɛʔɛ na, wolo da gi cán í!» Wee wi fúnyi cáan cúlo na lè, wi a kòro lé ki sìnján ni? Wee wi mɔ siiw kɔ̀rɔsíi lè, woro ga gi cán ì, ní wɔ́ɔ i syɔɔn o syɔɔn sàrá ni yɛlɛgi ní wi kapyegèle ní ì?

Kàseegèle 24:2

Níì cán gàlagíw be tímana be fúnyi ni, kagbanyi be nyɔɔwari nyuu.

Kàseegèle 26:10

Wee wi nilabalaga, ní wozeli-nanbèle lée fali na lè, wi i nyɛ mɔ a jo sedeŋɔɔɔ wii, wee wi syɛ́ɛnbèle myɛ kpèé lè.

Syɛɛnjóow 3:17

A mii gi joo niyɛɛ fúngi ni níì jo: Kolocɔlɔɔ a kútiiw kúun syɛɛnsinw ní syɛɛnpeew na, níì cán làla i nyɛ keele o keele, ní kapyele o kapyele na.

Zyeremii 17:10

«Mii Yawe, mii i kasɔ̀ngugèle ní fúngi kèlē sɛʔɛ ni cángi, jàngó bàā syɛ́ɛnbèle myɛ nibin nibin sàrá da yɛlɛgi ní be kóloyi ní, bàā yɛlɛgi ní be kapyegèle yasanra ní.»

Zyeremii 32:19

Mɔ n kpɔ́ʔɔ láliiw pyele ni, a mɔ séew kpɔ́ʔɔ kérigèle kpéʔelele ni, mɔ wee nyapiigéle ge nyɛ lè womúgugéle ní, ni syɔɔn ye kóloyi myɛ nyaagi jàngó bi syɔɔn o syɔɔn sàra bi yɛlɛ ní wi tánʔaganmi ní, bi yɛlɛ ní wi kapyegèle tɔ̀nɔ ní.

Ezekyɛli 18:20

Wee wi ga kapeeli pye lè, woro wi a kùu. Jaafɔlɔ a wi toò kapeele túgoro tugo í, tofɔlɔ a wɔ́ɔ wi jaà kapeele túgoro tugo í. Syɛɛnsinw sínnɛ a kòro wi tiimaw na, syɛɛnpeew péemɛ í kòro wi tiimaw na.

Ezekyɛli 18:30

Koro na mii a kútiiw kúun yele myɛ nibin nibin na bi yɛlɛ ní yele kóloyi ní, Isirayɛli kpáagi wòolo, Kàfɔw Yawe wi jo nya. Ye lúru ye pan, ye láʔa yele kapeeyi na, koro ga pye yele kolomi a kɔ́ pye kàdɛnɛ-gbírigege í.

Ezekyɛli 36:19

Mii n be cariga n lége syɛɛnfeleyi nínge ni, pe n cariga n tórigo tátɛɛyɛ saʔa ma, mii n kútiiw kúun be na n yɛlɛ ní be tánʔaganmi, ní be kapyegèle ní.

Matye 16:27

Níì cán Syɔɔn-pya a kɔ́ pan wi Tóow nìjangbɔɔrɔ ni ní wi tundunbèle ní. Lǎli bee ni wi a ba syɔɔn o syɔɔn sàra bi yɛlɛ ní wi kapyegèle ní.

Wɔrɔmi ye 14:22

Tágalee li nyɛ mɔ ma lè kéeli bee na, lee bee yaʔa li kòro mɔ ní Kolocɔlɔɔ níngi ni. Syɔɔn ga keelaa córo kacànna níì li kpéʔele, wi fúngi si o wi kábala kéeli bee na níì jo li n pee í, syɔ́ɔnw bee i nyɛ dùba pyà!

1 Korɛnti ye 3:8

Wee wi di lúru lè ní wee wi di fɔɔnri lè, pe myɛ i nyɛ nibin. Pe myɛ a be sàraw taa nibin nibin bi yɛlɛ ní be tiimaa fáliw ní.

1 Korɛnti ye 4:5

Koro na yele a kɔ́ kútii kúun wàa na sáni lǎli í nan lè í, gee bee n jo sáni Kàfɔw í pan lè í, woro wi a ba yébilimi yárira myɛ yirige gbɛ̀ɛ́nmi na, si syɛ́ɛnbèle fúnyo sɔngurɔ tɛ̀ɛn kàfugi na. Lǎli bee ni syɛ́ɛnbèle myɛ nibin nibin a pe kpɔ́ʔɔri taa Kolocɔlɔɔ ma.

2 Korɛnti ye 11:15

Koro na wi falipyebèle ga peyɛɛ gàriga n pye mɔ a jo sínni falipyebèlē bɛɛ, gee bee o wɔ́ɔ̄ nyɛ funwɔɔ-keele í. Pe kwɔ́ɔmi a ba pye bi yɛlɛ ní be kapyegèle ní.

2 Korɛnti ye 5:10

Níì cán ŋàʔanaga gii fwɔɔ wolo myɛ í woyɛɛ dɛ̀ɛn Kirisi kútiiceri-tɛ́ɛgi ni, jàngó gee syɔɔn o syɔɔn kpéʔele lè n wi yaʔa wi céri ni, kapeele yoo, kacànna yoo, wi gi tɔ̀nɔw taa bi yɛlɛ ní wi kapyegèle ní.

2 Timɔte 4:14

Alɛkisandiri wi lè kanyɛɛnfaanw, wi n kapeegèlē saʔa kpéʔele mii na. Kàfɔw si a wi sàra bi yɛlɛ ní wi kapyegèle ní.

Tɛ̀ɛnnɛ 2:23

Mii a tɔ̀nɔ́ wi pìíbèle kpóo. Egilizibèle myɛ a gi cán bi cán mii wi syɛ́ɛnbèle zɔ̀nbēle ní be fúnyi sɔ̀ngurɔ sɛʔɛ ni wéle, mii a yele myɛ nibin nibin sàra bi yɛlɛ ní yele kapyegèle ní.

Tɛ̀ɛnnɛ 20:12

Kúbèle be nyɛ lè wogbolobèle n fàra woyilibèle na, a mii bele bee nyaa woyérebéle ní fàngoli yɛ́ʔɛ ma. A fàngoli tɛ́ɛnfɔlɔ fala n sɛ́bɛbéle múgu, a wi níì sɛ́bɛwaa nikwɔɔ múgu, wee wi nyɛ lè sìíw sɛ́bɛ. A wi kúbèle kútii joo n yɛlɛ ní be kapyegèle ní, gele ge sɛ́bɛ lè sɛ́bɛbèle bee ni.

Tɛ̀ɛnnɛ 22:12

Wéle, cɛɛri ga pye mii a pan, mii si a pan ní sàraw ní wi nyɛ mii ma lè, bi ba syɛ́ɛnbèle myɛ nibin nibin sàra bi yɛlɛ ní be fáliw ní.