Wɔrɔmi ye 2:5 - Cebaara Bible 2010

⁵ Kàjáa àmɛɛ mɔ nyúngi tɔ̀nɔ n waʔa lè, ní àmɛɛ mɔ láa o nyɛ bi mɔ fúngi kàriga Kolocɔlɔɔ ma lè í, koro na mɔ tiimaa i kàa taari mɔ wɔʔɔli na bi taa sa nan wɔʔɔgbɔɔgi canʔa na, cángee na Kolocɔlɔɔ a ba gi tɛ̀ɛn lè syɛ́ɛnbèle na pe gi cán woro kútiiw n tɔ̀nɔ n sín.

Wɔrɔmi ye 2:5 Iomraidhean Croise

2 Cányi kèlē 30:8

Koro na lǎli naa ni, yele a kɔ́ pye líiweepɛɛnnɛ syɛɛnnɛ àmɛɛ yele tóolɛɛbèle da pye lè í. Ye kɔ́yi kaan Yawe ma. Yáā maa wi tɛɛcǎngi ma wi sámaga n yaʔa lè gi kòro beè làla o làla, ye ba ra jǐn gi ni yaa báara Yawe yele Kolocɔlɔw ma, koro ga pye wi fundanʔari káfugbanga í kàri bi láʔa yele na.

2 Cányi kèlē 36:13

Alí wi maa caà fànʔafɔw Nebukadinezari cée, woro wee wi da wi kɔ́ri a wi kàli Kolocɔlɔɔ na lè. A wi wi líiweeli pɛɛn níì wi zɔ̌nw gbàn, wi ga fɔ̀lɔ n lúru n pan Yawe Isirayɛli Kolocɔlɔw ma í.

Zyɔbi 21:30

Pe i kakolobyeo yaari bɔ̀nɔw canʔa na ní fundanʔagbɔɔri canʔa na.

Ŋúnuyi 110:5

Kàfɔw i nyɛ mɔ kaliige ma, wi a fànʔafɔɔlɔ tɔ́nʔɔnɔ wi fundanʔari canʔa na.

Ŋúnuyi 95:8

yele a kɔ́ yele fúnyi gbàn àmɛɛ ki da kpéʔele Meriba ma lè í, àmɛɛ ki da pye lè Masa cángi na, fìími tára ni lè í,

Yirile 14:17

Mii si na, mii a Ezyipiti ye fúnyi gbàn jàngó pe jée be kurugo. Mii si a kpɔʔɔrɔ taa Faraɔnw ní wi kapɛɛnkpumɔnbèle myɛ, ní wi kapɛɛnkpumɔn-wòtorobèle, ní wi syɔɔnfǎnbèle kéele na.

Yirile 32:34

Da syée tɔ́ɔliw ni mi sa syɛ́ɛnbèle kɔ́ri maa syée tɛ́ɛgee ma mii tɛ̀ɛn mɔ na lè. Wéle, mii nyɛ̀ʔɛni tunduɔn a ra táanri mɔ yɛ́ɛgi na. Gee si mii a ba kpéʔele lè, koro gi nyɛ cangaa mii a keele tɛ́ʔɛ be na be kapeeli kéele na.»

Yirile 8:15

Lǎli bee ni a nìnyɔʔɔnɔgi fɔ̀ɔlɔ gi joo Faraɔnw ma níì jo: «Kolocɔlɔɔ kɔ́gi kapyele lii.» Koro ní ki myɛ ní, a Faraɔnw fúngo sèʔê gbàn n yɛlɛ ní gi ní àmɛɛ Yawe da gi joo lè. Wi ga lóʔo Mowizi ní Aarɔn ma í.

Kàseegèle 1:18

Pe tiimaa sìsyaanw pe làra ni sige bi wo. Pe sìíw na be karinyanya nii.

Kàseegèle 11:4

Lɔ́ri a gbǎn ba yarigaa nyɔɔ fundanʔagbɔɔri canʔa na í, kàjáa sínni i syɔɔn syoo kùúw ma.

Kàseegèle 28:14

Syɔ́ɔnwee ni fyáara nyɛ lè làla o làla, wi i nyɛ dùba pyà! Kàjáa wee wi wi fúngi gbàn lè, wi i tuun wɔʔɔgi ni.

Kàseegèle 29:1

Syɔɔnwee na be fúlo lè, á wi wi nyúngi waʔa, wi a ba pàlá tɔ́nʔɔnɔ tiinmɛ o gi na í.

Syɛɛnjóow 12:14

Níì cán Kolocɔlɔɔ a ba kútiiw kúun kapyegèle myɛ na, àlí gele myɛ ge làra lè, wojanna yoo, wobeele yoo.

Ezayi 48:4

Mii maa gi cán mɔ n gbàn n sɔ̀lɔ, mɔ yátiigi i nyɛ tunmɔganaga, mɔ gbáali si i nyɛ kanyɛɛnrɛ.

Zyeremii 40:3

Yawe n gi yaʔa a gi baa pye. Wi n gi kpéʔele n foro, gee wi da joo lè, níì cán yele n kapeele pye Yawe na. Yele ga wi jóomi lóʔo í, koro na gee wi da joo lè, ki n nan yele na.

Ezekyɛli 11:19

Mii a fungo nibin kaan be ma, mii a pìifɔnnɔ le yele ni, mii a kàdɛnɛgi fúngo yirige be céri ni, si cere fúngo kaan be ma.

Ezekyɛli 3:7

Kàjáa Isirayɛli kpáagi wòolo a ra caa bi lóʔo mɔ ma í, ncan pe o caa bi lóʔo mii ma í. Níì cán Isirayɛli kpáagi wòolo myɛ nyúnyo n waʔa, a be zɔ̌nbèle gbàn.

Danyɛli 5:20

Kàjáa lǎli ni wi baa wiyɛɛ gbɔ́ʔɔ wi fúngi ni lè, níì wi zɔ̌nw gbàn fwɔɔ n nan nɛ̀ɛgbɔʔɔgi na, lǎli bee ni, a wi nɛnɛ n yìrige wi fàngoli na, a wi nìjanri wòlo wi na.

Oze sɛ́bɛw 13:12

Efirayimi kolomi n kɔn n yaʔa, wi kapeeli n tɛ́ʔɛ tɛɛkɔngɔ ni.

Amɔsi 3:10

Pe ga kasinnɛ kpéʔeleganma cán í. Pe i fànʔa-na-yasyɔɔri ní kàyuugi yárira kpoʔolo be kpaakpoloyi ni,» Yawe wi jo nya.

Wɔrɔmi ye 1:18

Kolocɔlɔɔ i wi fundanʔari tèé, dee di yìrigí lè nyɛ̀ʔɛni na n ba ni tuun syɛ́ɛnbèle na, bele be lè pe o fɛ̀ɛgí Kolocɔlɔɔ na í, ní i kakolobyeri féleye myɛ kpéʔele, pe kakolobyeri báriga ni pe kányɛɛgi yéregi, ki o syée yɛʔɛ̀ ma í.

Wɔrɔmi ye 11:25

Ni senyɛ̀nnɛ, mii o caa yele í kòro kalarali naa sìnján ni í, kapye koro ban í, yele a kɔ́ ra yeyɛɛ jóro sícilibēle, kalarali bee li nyɛ ncan Kolocɔlɔɔ n Isirayɛli syɛ́ɛnbèle pèle fúnyo tɔ́n bi taa syɛɛnfeleyi wozanya nyɔ́ɔ í ba foro yee yi yɛlɛ bi syɔɔ lè.

Wɔrɔmi ye 9:22

Anbée ban Kolocɔlɔɔ wɔ́ɔ̀ gi kpéʔele ì? Alí n gi yaʔa wi maa ni caa bi wi fundanʔari tɛ̀ɛn ní wi séekpɔɔw myɛ ní, bele na wi fundanʔari nyɛ lè, a wi be sámaga n yaʔa kálagili kánma na, koro ní ki myɛ ní a wi sèʔê be kpàraco.

2 Korɛnti ye 5:10

Níì cán ŋàʔanaga gii fwɔɔ wolo myɛ í woyɛɛ dɛ̀ɛn Kirisi kútiiceri-tɛ́ɛgi ni, jàngó gee syɔɔn o syɔɔn kpéʔele lè n wi yaʔa wi céri ni, kapeele yoo, kacànna yoo, wi gi tɔ̀nɔw taa bi yɛlɛ ní wi kapyegèle ní.

Làlwaw Kaanziin 2:30

Kàjáa Sihɔn wi lè Hɛsyibɔn fànʔafɔw, wi ga fɔ̀lɔ wolo í sɔ̀lɔ woro ma í. Níì cán Yawe mɔ Kolocɔlɔw maa wi fúngi gbàn, ní wɔ́ɔ̀ wi líiweeli pɛɛn, koro ga pye woro í wi le mɔ kɔ́yi ni, àmɛɛ mɔ gi nyaa lè níjanʔa.

Làlwaw Kaanziin 32:34

Gee bee o nyɛ wolarigaga ní mii taana ì, á fɛ̀ɛ́w taʔa gi na mii lɔ́ri tɛɛkɔnyɔ ni ì?

2 Tesaloniki ye 1:5

Gee bee i nyɛ fɛ̀ɛ kányɛʔɛ ni n gi tɛ̀ɛn Kolocɔlɔɔ kútiiw ceriganma n sín, koro na Kolocɔlɔɔ a ba yele córo yele n nyɔɔ n yɛlɛ bi jée woro fǎngi ni, gee kéele na yele wɔʔɔ lè.

Heburubèle 3:13

Kàjáa ki n yɛlɛ yele í da yeyɛɛ kɛɛlɛ canʔa o canʔa àmɛɛ Kolocɔlɔɔ lǎli naa yiri lè Níjanʔa, koro ga pye yele wàa faala a kɔ́ gi yaʔa kapeelaa í wi fáana pùuni wi zɔ̌nw í nìri kapeeli bee báriga ni í.

Heburubèle 3:15

àmɛɛ gi joo lè níì jo: «Yele ga Kolocɔlɔɔ yákpoli lóʔo níjanʔa, ki ga yɛlɛ yele í kɔ́ yele zɔ̌nbèle nìri àmɛɛ pe da gi kpéʔele céemi làla ni lè í.»

Heburubèle 4:7

koro na Kolocɔlɔɔ cangaa nikwɔɔ tɛ́ʔɛ, gee be yiri lè «Níjanʔa.» Làla saʔa maa sɔ̀lɔ n taʔa céemi làla na, á Kolocɔlɔɔ náà gi le Davidi nyɔ́ɔgi ni, a wi gi joo àmɛɛ Kolocɔlɔɔ da sélì gi joo lè níì jo: «Yele ga Kolocɔlɔɔ yákpoli lóʔo níjanʔa, ki ga yɛlɛ yele í yele fúnyi gbàn í.»

Zyaki 5:3

Tátɔɔnw n yele tɛ́ɛw ní yele wálifiiw cò. Tátɔɔnw bee a pye séera yele kánmi na, si wɔ́ɔ yele céri kálagi àmɛɛ naà gáà yarigaa sórigo n kálagi lè. Yele n lɔ́ri fàari n kɔn yeyɛɛ ma cányi naa ni yi nyɛ lè canzanyi!

Zyozuwe 11:20

Níì cán Yawe má be fúnyi gbànna da yìri jàngó paa kapɛɛnni kpúmɔn ní Isirayɛli ye ní, koro ga pye pe be kálagi kwɔ́ɔ péw. Nyinimɛ a kɔ́ taa be na í, fwɔɔ pe be myɛ kálagi bi kwɔ́ɔ bi yɛlɛ ní syɛ́ɛnri ní Yawe da joo n gbàn Mowizi ma lè.

2 Pyɛri 2:9

Kánmi bee na Kàfɔw gi cán àmɛɛ wi a gbǎn wi yɛ́ɛgi fyáafɔɔlɔ yirige be kagbanyi ni lè, si syɛɛnnaa-sìnzinbèle kɔn wɔʔɔgi kánma na kútiiw canjerige yɛ́ʔɛ na,

2 Pyɛri 3:7

Kàjáa syɛ́ɛnri bee wonijanra báriga ni nyɛ̀ʔɛgèle ní tári di nyɛ lè tɔ́ɔliw ni, ti i nyɛ wogɔnrɔ ní náagi kánma na, Kolocɔlɔɔ n di yaʔa yaà bi taa cángi bee í ba nan, gee ni wi a kútiiw ceri woro yɛ́ʔɛnaa-sìnvyaabèle na si be kálagi lè.

Zyudi 1:6

Nyɛ̀ʔɛni tundunbéle be pye lè pe da kòro pe fǎngi ni í, níì pe tiimaa tɛɛkòrogi cée, a Kolocɔlɔɔ bànzánʔa yapwɔɔrɔ tɛ́ʔɛ n bele bee pwɔɔ n kɔn táàma yébiliwɔɔlɔ tɛ́ʔɛ ni cângbɔɔgi kútii kánma na.

Tɛ̀ɛnnɛ 2:21

A mii làla yaʔa wi ma jàngó wi láʔa wi kanɔnʔɔri na, wi si ga fɔ̀lɔ bi láʔa di na í.

Tɛ̀ɛnnɛ 6:17

níì cán pe fundanʔagbɔɔri canʔa n nan, wìí si wi a gbǎn yére di sige?»

1 Samyɛli 6:6

Nyàʔá na yele a yele fúnyi gbàn àmɛɛ Ezyipiti ye ní Faraɔnw da be fúnyi gbàn lè? Lǎli ni Kolocɔlɔɔ tiimaa da keele tɛ́ʔɛ be na lè, pe da Isirayɛli ye yaʔa a be kári ì?