Wɔrɔmi ye 2:4 - Cebaara Bible 2010

⁴ Wàlá àmɛɛ Kolocɔlɔɔ fúngi tɔ̀nɔ n nyɔɔ lè gbanʔama, á wi nyínimi ní wi kpàracogi wɔ́ɔ̀ nɛʔɛ lè, a koro jo lé mɔ o gee bee córo wii í láà? Mɔ ga gi cán ncan wi funjǎngi a gbǎn mɔ kàriga mɔ í kàdoʔo wáa mɔ kapeegèle ma ì?

Wɔrɔmi ye 2:4 Iomraidhean Croise

Ŋúnuyi 10:11

Wi i gi nyuu wiyɛɛ fúngi ni níì jo: «Kolocɔlɔɔ o sɔ̀ngí ni taagi gi na í! Wi i wi yɛ́ɛgi làragí, wi o yafyɛn wéle í!»

Ŋúnuyi 104:24

Ee Yawe, mɔ kakpéʔelegèle n tɔ̀nɔ n nɛʔɛ! Mɔ n gele bee myɛ kpéʔele ní sícilimɛ ní. Tári n nyìn mɔ yakpéʔeleri na.

Ŋúnuyi 31:19

Jànvaafɔbèle nyɔ́ɔyɔ í tɔ́n, poro bele be nɛ̀ɛnyɛnɛgi syɛ́ɛnrɛ nyuu lè syɛɛnsinw kánma na ní kpɔɔmɔ, ní faʔara ní!

Ŋúnuyi 78:38

Kàjáa woro wee wi lè nyinidaaw, wi maa ni be kùsulugi syoo, wi ga be kálagi í. Wi fúngi ga yìri, wi i gi tìrigí tɔlɔyɔ saʔa, wi da ni wi fundanʔari myɛ yìrigí í.

Ŋúnuyi 86:15

Kàjáa Kàfɔw, mɔ wi nyɛ fûnnyingi ní nyinidaari Kolocɔlɔɔ, mɔ fúngi o taanri kelekele í, mɔ nyínimi n nɛʔɛ, mɔ si wɔ́ɔ i nyɛ tágala syɔ́ɔn.

Ŋúnuyi 86:5

Níì cán Kàfɔw mɔ fúngi n nyɔɔ, mɔ i kùsulugi syoo, mɔ nyínimi n tɔ̀nɔ n nɛʔɛ bele myɛ kàbaan na pe mɔ mɛ́ɛgi yiri lè.

Yirile 34:6

A Yawe sɔ̀lɔ wi yɛʔɛ̀ ma níì jo: «Mii Yawe, mii Yawe wi nyɛ nyinidaari Kolocɔlɔɔ, wee wi nyɔɔgi syɔɔn na lè, mii fúngi o wári taanri í. Mii i nyɛ funjàngafɔlɔ ní tágala syɔ́ɔn, dee bee i nyɛ mii ma saʔa,

Syɛɛnjóow 8:11

Kútiiw wi yɛlɛ wi kúun peemɛ kapyele na lè, wi o forogi terire í, koro gi syɔɔn ye fúnyi kaan a yi nyìn kapeeyi kpéʔelele sɔngurɔ na.

Ezayi 30:18

Koro ní ki myɛ ní, Yawe i sigi koro ga pye bi kacànna pye yele na, kánmi bee na wi a yìri koro ga pye bi nyinimɛ taa yele na. Níì cán Yawe i nyɛ Kolocɔlɔɔ, wee wi sín lè, bele myɛ be peyɛɛ daʔa wi na lè, pe i nyɛ dùba pìibēle!

Zyeremii 7:10

Koro kàdoʔo ma ní i maa n ba ni yèré mii yɛ́ʔɛ ma kpáagi naa ni, gee na mii mɛ́ɛgi nyɛ lè, ní i gi nyuu níì jo: Wolo n syɔɔ. Koro nyúngi gi nyɛ jàngó yele í da yanɔnʔɔyi bee myɛ kpéʔele!

Ezekyɛli 11:19

Mii a fungo nibin kaan be ma, mii a pìifɔnnɔ le yele ni, mii a kàdɛnɛgi fúngo yirige be céri ni, si cere fúngo kaan be ma.

Ezekyɛli 16:63

koro ga pye mɔ í sɔ̀ngí taa gee na gi sɔ̀lɔ lè, fɛ̀ɛrɛ si mɔ taa. Koro ga pye mɔ a ní kɔ́ nyɔɔ múgu í, mɔ fɛɛri kéele na, lǎli ni mii ga mɔ kapeegèle kùsulugo fáli kpéʔele lè kérigèle myɛ kéele na mɔ kpéʔele lè,› » Kàfɔw Yawe wi jo nya.

Oze sɛ́bɛw 3:5

Koro kàdoʔo ma Isirayɛli ye a lúru pan, pe a ba ra Yawe be Kolocɔlɔw, ní be fànʔafɔw Davidi caa. Pe a ra cɛ̀lɛ́ bàā maa Yawe ní wi funjǎngi ma làrigèle kwɔ́ɔmɔ na.

Zyonasi 4:2

A wi Yawe nyɛ́ɛri níì jo: «Ee Yawe, koro ban mii da ni nyuu lǎli ni mii sèʔê pye yaà lè mii tári ni ì? Koro yɛ́ʔɛ mii da ni ceri, koro na mii da ni fé ni syée Tarisiisi ma. Níì cán mii maa gi cán mɔ i nyɛ Kolocɔlɔwaa, wee wi nyɔɔgi syɔɔn na lè, ní wɔ́ɔ i nyinimɛ taagi, mɔ fúngi o taanri kelekele í, mɔ nyínimi n nɛʔɛ, mɔ i mɔ sɔngumi láari kapeʔe pyele na.

Córolo 14:18

‹Yawe fúngi o taanri kelekele í, wi n nyìn funjǎngi na, wi i kolomi ní kapeegèle kùsulugo syoo. Wi o tànʔa kaangi kolomɔ fɔ́lɔ ma í. Wi i tofɔbèle kolomɔ gɔlɔ́ wóo be pìíbèle na fwɔɔ bi taa sa nan be yòdaʔayi yìrigēle taanri ní sicɛrɛ wóbèle na.›

Wɔrɔmi ye 10:12

Wàlima o nyɛ Zyefubèle ní syɛɛnfeleyi wozanya nínge ni í, níì cán Kàfɔlɔ nibin wi nyɛ pe myɛ nyúngo na, bele be wi mɛ́ɛgi yiri lè, wi i nyɛ yarigaa fɔ́lɔ bele bee myɛ kàbaan na.

Wɔrɔmi ye 11:22

Gee bee na mi gi wéle àmɛɛ Kolocɔlɔɔ funjǎngi ní wi fundanʔari nyɛ lè, bele be láʔa n too lè, wi fundanʔari i nyɛ bele bee na, wi si i funjànga kpéʔele mɔ ma, kàjáa ki n yɛlɛ mɔ í kòro wi funjǎngi ni. Kapye koro ban í, wi a wɔ́ɔ mɔ ceri bi láʔa.

Wɔrɔmi ye 11:33

Ee, Kolocɔlɔɔ lɔ́ri, ní wi sícilimi n tɔ̀nɔ n nɛʔɛ gbanʔama, gee wi cán lè, láʔala o nyɛ gi na í! Syɔɔn sícilimi a gbǎn wi kérigèle cɔɔnriganma ní wi kakɔrirɔgèle cán í.

Wɔrɔmi ye 3:25

Woro Kolocɔlɔɔ yirige n wòlo sáriga, koro ga pye bele pe ga tága wi na lè, bele bee kapeegéle kusulugo í gbǎn taa syɔɔ wi sìsyaanw wolo báriga ni, Kolocɔlɔɔ n gee bee kpéʔele bi woro sínni tɛ̀ɛn. Níì cán booma ni wi maa ni kpàracogo kpéʔele syɛ́ɛnbèle kapeegéle kéele na,

Wɔrɔmi ye 6:1

Ki ga pye nya, nyàʔá si wolo a joo? A gi yɛlɛ lé wolo í kòro kapeebyeri na, koro ga pye Kolocɔlɔɔ kpɔ́ʔɔri sáā nɛʔɛgi?

Wɔrɔmi ye 6:15

Ki ga pye nya, àmɛɛ gi nyɛ lè wolo o nyɛ Mowizi làlwaw fànʔa ni í, fwɔɔ kpɔ́ʔɔri fànʔa ni, a gee bee jo lé ki n yɛlɛ wolo í da kapeegèle kpéʔele? Eʔe dɛ!

2 Korɛnti ye 8:2

Wɔʔɔyi yi too be na lè, Kolocɔlɔɔ n be sɛʔɛ n wéle gbanʔama yee bee báriga ni, kàjáa pe fundaangbɔɔri n be kaan a pe be kɔ́yi sánʔa ni kaangi saʔa, àlí bi gi taa fóomi i nyɛ be na gbanʔama.

Efɛzi ye 1:18

Wi wɔ́ɔ yele yaʔa yele í da nyaagi yele fúnyi ni, koro ga pye sɔ̀ngumi tɛɛtaʔaga kéele na wi yele yeri lè, yele í gee bee cán bi fàra wi kɔ́rigi nìjangbɔɔrɔ lɔnɛʔɛrɛ na, gi nyɛ lè wi syɛɛncanbèle,

Efɛzi ye 1:7

Woro ni wolo nyùnzyɔɔri taa wi sìsyaanw wolo báriga ni ti lè wolo kapeegèle kùsulugo syɔɔlɔ n yɛlɛ ní wi kpɔʔɔnɛʔɛri ní.

Efɛzi ye 2:4

Kàjáa àmɛɛ Kolocɔlɔɔ nyínimi tɔ̀nɔ n nɛʔɛ lè, a wi tàmaga le ní wolo ní, tàmagi bee n tɔ̀nɔ n kpɔ́ʔɔ.

Efɛzi ye 2:7

wi n wolo kpɔ́ʔɔ wi funjǎngi báriga ni, koro ga pye bi gi tɛ̀ɛn làrigèle gele ni ge maa lè, àmɛɛ woro kpɔ́ʔɔri nyɛ lè lɔnɛʔɛrɛ wóro Kirisi Zyezu ni.

Efɛzi ye 3:16

Mii i wi nyɛ́ɛri jàngó wi Pǐli í fànʔa kaan yele ma yele í nìri yele fúnyi ni bi yɛlɛ ní wi nìjangbɔɔri lɔnɛʔɛrɛ ní,

Efɛzi ye 3:8

Wi n kpɔ́ʔɔri bee kaan mii ma, mii wi lè Kolocɔlɔɔ syɛɛncanbèle myɛ wobile, koro ga pye mii í da Kirisi córomɔ fun lɔnɛʔɛri syɛɛnjóocànra nyuu syɛɛnfeleyi wozanya ma,

Filipikaʔa ye 4:19

Mii Kolocɔlɔw si a ra yele màkow myɛ nyɔɔgi bi yɛlɛ ní wi nìjangbɔɔri lɔnɛʔɛrɛ ní ti nyɛ lè Kirisi Zyezu ni.

Kɔlɔsi ye 1:27

bele na wi da ni caa lè bi kalarali bee nìjanra kpɔ́ʔɔrɔ tɛ̀ɛn lè syɛɛnfeleyi nínge ni, kalarali bee li nyɛ àmɛɛ Kirisi nyɛ lè yele fúnyi ni, koro gi nyɛ nìjangbɔɔri sɔ̀ngumɔ tɛɛtaʔaga.

Kɔlɔsi ye 2:2

koro ga pye bi be kɛɛlɛ, pé tan peyɛɛ na tàmagi ni, pé Kolocɔlɔɔ kéeli cán bi fílige si tága li na, koro si pye be ma àmɛɛ lɔnɛʔɛrɛ nyɛ lè, pé wɔ́ɔ Kolocɔlɔɔ kalarali cán bi fílige, li lè Kirisi,

1 Timɔte 1:16

Kàjáa wi n nyinimɛ taa mii na, koro ga pye mii wee wi nyɛ lè pe myɛ yɛ́ʔɛ na kapeebyeri ni, mii kéeli í pye fɛ̀ɛ jàngó bele pe a tága lè Zyezu Kirisi na bi sìibangwɔɔw taa lè, bele bee í gi cán wi kpàracogi n nɛʔɛ.

1 Timɔte 6:17

Ki joo mi gbàn dulunyanw naa lɔrɔfɔɔlɔ ma mí be pye, pe a kɔ́ ra peyɛɛ gbɔ́ʔɔgi í, mí wɔ́ɔ gi joo be ma pe a kɔ́ be sɔ̀ngumi taʔa lɔ́ri na í, níì cán ti i nyɛ yakwɔʔɔ, fwɔɔ pe be sɔ̀ngumi taʔa Kolocɔlɔɔ na, woro wee wi yáriri myɛ kaangi wolo ma lè wonɛʔɛrɛ ní, koro ga pye wolo í da fundaanra kpéʔele.

1 Pyɛri 3:20

Gee bee n jo booma nicéebèle pìigēle, bele be lè pe da ni lúro Kolocɔlɔɔ ma í, lǎli ni wi da ni be sige lè ní kpàracogo ní Nowe cányi ni, cányee ni wi da ni kɔ́rɔkpɔɔgi sámagi lè, syɛ̀ɛnnɛ cɛɛri pe da jée kɔ́rɔkpɔɔgi bee ni n syɔɔ lǒgi báriga ni, gee bee n jo syɛ̀ɛnnɛ kɔrɔtaanri.

2 Pyɛri 1:11

Kánmi bee na Kolocɔlɔɔ a kólogi sámaga múgu yele ma yele í jée Zyezu Kirisi kwɔ́ɔmɔ fun fangi ni, wi lè wolo Kàfɔw ní wolo Syɔɔfɔw.

2 Pyɛri 3:15

Ki n yɛlɛ yaa wolo Kàfɔw kpàracogo córo syɔɔli sábabu, àmɛɛ wolo senyɛn-nidaanmaw Pɔli da wɔ́ɔ̀ gi joo yele ma lè wi sɛ́bɛw ni n yɛlɛ ní sícilimi ní, bee Kolocɔlɔɔ kaan wi ma lè.

2 Pyɛri 3:3

Ki n yɛlɛ yele í gi cán gbɛnʔɛnɛ bi cán kakpanami fɔ̀ɔlɔ a ba yìri canzanyi ni, poro bele pe a ra táanri da yɛlɛgi ní be céri ki laànitaʔa kele ní lè, pe a ra gi tɛ́ʔɛ

2 Pyɛri 3:9

Kàfɔw o mɔngi wi nyɔɔfaligi forolo na àmɛɛ pèle gi sɔ̀ngí lè í, kàjáa wi i kpàracogo kpéʔele yele kéeli na. Wi o caa wàa faala í kálagi í, níì cán wi i caa pe myɛ í ba kàdoʔo wáa be kapeegèle ma.

Tɛ̀ɛnnɛ 2:21

A mii làla yaʔa wi ma jàngó wi láʔa wi kanɔnʔɔri na, wi si ga fɔ̀lɔ bi láʔa di na í.

Tɛ̀ɛnnɛ 3:20

Wéle, mii n yére kpaaweeli taana ní i li kólo. Wee wi ga mii yákpoli lóʔo lè níì kpaaweeli múgu, mii a jée woro ma sa lìi ní wi ní, woro si wɔ́ɔ lìi ní mii ní.