Wɔrɔmi ye 2:3 - Cebaara Bible 2010

³ Bele be kérigèle bee kpéʔele lè, mɔ syɔ́ɔnwee mi miyɛɛ bye lè bele bee kútiijooo, bi gi taa mɔ wɔ́ɔ i kérigèle bee wonijangéle kpéʔele, a mɔ i sɔ̀ngí lé mɔ a syɔɔ Kolocɔlɔɔ kútiiw ma?

Wɔrɔmi ye 2:3 Iomraidhean Croise

2 Samyɛli 10:3

A Amɔn ye syɛɛnkpolobèle be kàfɔw Hanun pye: «A mɔ i sɔ̀ngí lé Davidi mɔ tóow kpɔ́ʔɔ wii, koro na wi kpɛʔɛlɛfɔɔlɔ tun naa mɔ ma? Wi ga wi syɛɛnkpolobèle tun naa mɔ ma pe ba kěgi saanri wéle làrama ni bi gi kánmi cán jàngó si ba gi kálagi wii ì?»

Zyɔbi 35:2

«A mɔ tága lé miyɛɛ na n jo mɔ i nyɛ mɔ sínni ni? Mɔ a gbǎn jo lé mɔ n sín Kolocɔlɔɔ yɛ́ʔɛ ma?

Ŋúnuyi 50:21

Wéle, mɔ n kérigèle bee myɛ kpéʔele, mii ga joo í. Ki maa pye mɔ nyɛ́nɛ na mii i nyɛ mɔ félege, kàjáa mii si a fúlo mɔ na, si mɔ kolomi kèlē taʔala keyɛɛ na mɔ í ge nyaa.

Ŋúnuyi 56:7

Pe i nyɔɔkuunro kpéʔele, níì peyɛɛ làriga, pe i mii túluyi tɔ́rɔ àmɛɛ pe mii caa lè kpóomɔ.

Kàseegèle 11:21

Kanma o kanma na syɛɛnpeeo a gbǎn kòro wɔʔɔlɔ sìndaa í, kàjáa syɛɛnsinbèle yòdaʔaya si a syɔɔ.

Kàseegèle 16:5

Nɛ̀ɛnyɛnɛgi fúnyo myɛ i nyɛ yanɔnʔɔyɔ Yawe ma. Ki n fílige ncan yi a tɔ̀nɔ́ kòro sìnwɔʔɔ ni í.

Ezekyɛli 17:15

Kàjáa a wi wi cée, níì tundunbéle tun Ezyipiti ma, jàngó wi syɔɔnyɔ ní sùlasiinɛʔɛmɛ kaan woro ma. Wee wi koro pye lè, a wi a báriga lé, a wi a syɔɔ lé? Wi n joogaanni kálagi, si gbǎn syɔɔ lé?

Ezekyɛli 17:18

Wi n kàligi faʔa, níì joogaanni kálagi, wi maa wi kɔ́gi kaan níì koro myɛ kpéʔele. Wi a tée syɔɔ í!

Danyɛli 10:19

Koro kàdoʔo ma a wi mii pye: «Mɔ a kɔ́ fyáa í, mɔ wee wi lè nànnidaanmaɔ, fûnnyingi í pye mɔ ma. Nìrimɛ le! Nìrimɛ le!» Lǎli ni wi da ni nyuu ní mii ní lè, a fànʔa níì jée mii ni, a mii jo: «Ni kàfɔlɔ, ki n yɛlɛ maa nyuu, níì cán mɔ n fànʔa le mii ni.»

Matye 23:33

Yele wàbiyi, màátɔnw jàala, mɛ̀ɛ́ yele a gbǎn syɔɔ tɛɛwɔʔɔgi kútii ma bi sɛ́ɛ?

Matye 26:53

A mɔ tɔ̀ʔɔ́ sɔ̀ngí lé mii a gbǎn mii Tóow nyɛ́ɛri jàngó wi nyɛ̀ʔɛni tundunbéle kaan mii ma pe nɛʔɛ sɔ̀lɔ lezyɔnbéle kɛɛ ní siin na í láà?

Luki 12:14

A Zyezu wi pye: «Ni tàannyɛnnɛ, wìí wi mii télege mii í pye yele kútiijoow, wàlá yele kɔ́rigi lɛɛfɔlɔ?»

Luki 22:58

A cɛɛri ga pye, a syɔɔnwaa nikwɔɔ wi nyaa, a woro wi pye: «Dé bele bee wàa mɔ nyɛ.» A Pyɛri níì jo: «Nàɔn mɔ, poro wàa ban wi nyɛ mii í.»

Luki 22:60

A Pyɛri níì jo: «Nàɔn mɔ, dee mɔ nyuu lè, mii ga di cán í.» N wi yaʔa syɛ́ɛnri bee joolo na, a gòpɔ́w fala n nyɛni.

Wɔrɔmi ye 1:32

Bi gi taa gee Kolocɔlɔɔ joo lè kérigèle bee na wi nyɔɔsyɛɛnri ni, pe n gee bee fílige n cán, níì cán wi n jo: Bele be kérigèle bee félege kpéʔele lè, pe n yɛlɛ ní kùu ní, a be sèʔê fala kérigèle bee kurugo ni kpéʔele, àlí bele be kérigèle bee wonijangéle kpéʔele lè, pe i bele bee sòoló ke kpéʔeleli na.

Wɔrɔmi ye 2:1

Gee bee na mɔ syɔ́ɔnwee faala mi miyɛɛ gbéʔele bele kútiijooo lè, mɔ a kɔ́ joo tànʔa i nyɛ mɔ ma í, níì cán mɔ wee mi miyɛɛ bye lè bele kútiijooo ní wɔ́ɔ i kérigèle bee wonijangéle kpéʔele, mi gi cán mɔ tiimaa wɔ́ɔ i kútiiw cáan miyɛɛ na.

Wɔrɔmi ye 2:2

Wolo n gi cán bele be kérigèle bee félege kpéʔele lè, kútiiwee Kolocɔlɔɔ nyuu bele bee kéele na lè, wi i nyɛ kányɛʔɛ be na.

Wɔrɔmi ye 9:20

Ee syɔɔn, mɔ wi nyɛ wìí ní si i Kolocɔlɔɔ kábala nya? A yafanʔa a gbǎn gi faanfɔlɔ yíbe lé si jo: «Nyàʔá na mɔ mii faan kánmi naa na?»

1 Tesaloniki ye 5:3

Lǎli ni syɛ́ɛnbèle ga kɔ́ ba ni gi nyuu lè níì jo: «Dulunyanw n nyíngi níì nyɔɔ!» Lǎli bee ni kálagili a ba be pàla àmɛɛ fícɛnnɛ gáà fícɛnnɛfɔlɔ yìrige lè, pe a syɔɔ li ma nyáana í.

Heburubèle 12:25

Ki n yɛlɛ yaa kɔ̀rɔsíi koro ga pye wee wi nyuu yele ma lè, yele a kɔ́ wi cée í. Níì cán wee wi da ni syɛ́ɛnbèle sàmí lè tári na, bele pe da wi syɛ́ɛnri cée lè, kapye bele bee ga syɔɔ wɔʔɔli ma í, wee wi nyɛ lè nyɛ̀ʔɛni ni, ní i wolo sàmí lè, wolo ga kàdoʔo wáa wee bee ma, mɛ̀ɛ́ wolo a gbǎn syɔɔ bi sɛ́ɛ?

Heburubèle 2:3

koro na wolo ga syɔɔli faʔa li lè wodeeli, mɛ̀ɛ́ wolo a syɔɔ wɔʔɔli ma bi sɛ́ɛ? Kàfɔw wi sélì syɔɔli bee kéele joo, á wi syɛɛnloʔobèle náà gi tɛ̀ɛn wolo na níì jo li i nyɛ kányɛʔɛ.