Wɔrɔmi ye 2:21 - Cebaara Bible 2010

²¹ Ki si ga pye nya, mɔ wee wi pèle tama lè, nyàʔá na mɔ tiimaa o miyɛɛ dama í? Mɔ wee wi gi nyuu lè níì jo: Ki ga yɛlɛ syɔɔn í da yúu í, nyàʔá na mɔ yúu?

Wɔrɔmi ye 2:21 Iomraidhean Croise

Ezayi 42:20

Mɔ n yanɛʔɛrɛ nyaa, kàjáa mɔ ga kɔ̀rɔsíi di na í. Mɔ líiweegèle n múgu, kàjáa mɔ o lúro í.»

Ezayi 56:11

Pe i nyɛ laaweeye pɔɔnnɔ, bele be lè pe o tíngi ni nyaagi í. Bànaʔabēle bɛɛ, bele be lè pe o yafyɛn cángi í, pe myɛ i pe nyɛnɛ kóloyi lée, pe myɛ nibin nibin i peyɛɛ tɔ̀nɔw caa yagana.

Ezekyɛli 22:27

Wi kùndigibèle i nyɛ wi níngi ni àmɛɛ solomikaara nyɛ, dee ti di kaacǒri sulugu lè. Pe i sìsyaanw ŋuu, pe i syɛ́ɛnbèle kúu jàngó bàā be nɔ̀ʔɔrɔgi kèlē forogi.

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Matye 21:13

A wi be pye: «Ki maa sɛ́bɛ níì jo: ‹Pe a ra mii kpáagi yiri Kolocɔlɔɔ nyɛ́ɛrigi kpaʔa,› kàjáa yele n baa gi kàriga kàyuubēle tɛɛkòrogo.»

Luki 11:46

A Zyezu wi yari: «Wɔʔɔli a pye yele na, yele làlwaw sɛ́bɛwelebéle! Níì cán yele i tugoliberi tugu syɛ́ɛnbèle na, yele wàa tiimaa si a fɔ̀lɔ bi kabɛɛlɛ nibin tánga di na í.

Luki 12:47

Falipyewee wi wi kàfɔw nyɛ́nɛ kèlē cán lè, wi si ga wiyɛɛ zámaga n yaʔa ní i ge kpéʔele í, pe a tɔ̀nɔ́ wee bee kpúmɔn gbanʔama.

Luki 19:22

A fànʔafɔw wi pye: ‹Mɔ i nyɛ falipyepeeo, mii a kútiiw kúun mɔ na mɔ tiimaa nyɔ́ɔgi syɛ́ɛnrɛ báriga ni. Mɔ da gi cán lè ncan mii n tanʔa n caanri, yárigee gi nyɛ lè mii ga gi tɛ́ʔɛ í, mii i gee bee lée, ní yaliiree di nyɛ lè mii ga di lùgu í, mii i dee bee lée,

Luki 4:23

A Zyezu be pye: «Kányɛʔɛ na yele a ba kàseeli naa wáa mii ma si jo: ‹Nìgbumɔɔn, mi miyɛɛ bɔʔɔ,› si wɔ́ɔ jo: ‹Kérigèle gele mɔ kpéʔele lè Kapɛrinayumi ni á wolo ge kéeli lóʔo, mi wɔ́ɔ mi gele bee félege kpéʔele nɛɛ naa mɔ tiimaa kěgi ni.› »

1 Korɛnti ye 9:27

A mii mii céri wɔʔɔ wii gbanʔama níì di pye mii púlo, koro ga pye mii ga joo n kwɔ́ɔ wozanbèle ma, mii tiimaa a kɔ́ fɔ̀n í.

Galasi ye 6:13

Níì cán bele be kɛ́nɛw kpéʔele lè, pe tiimaa o Mowizi làlwaw forogi í. Pe i caa yele í kɛ́nɛw kpéʔele jàngó poro í da peyɛɛ gbɔ́ʔɔgi ní yele kɛ́nɛw kéele ní.