Wɔrɔmi ye 2:2 - Cebaara Bible 2010

² Wolo n gi cán bele be kérigèle bee félege kpéʔele lè, kútiiwee Kolocɔlɔɔ nyuu bele bee kéele na lè, wi i nyɛ kányɛʔɛ be na.

Wɔrɔmi ye 2:2 Iomraidhean Croise

Sélimɛ 18:25

Bi syɛɛnsinw pínɛ kpóo ní syɛɛnpeew ní, mɔ a kɔ́ gi pye nya í. Bi syɛɛnsinw ní syɛɛnpeew pínɛ sèjira, mɔ a kɔ́ gee bee pye í. Wee wi nyɛ lè tári myɛ kútiijooo, gee gi sín lè, a wi a gbǎn kòro lé gi sìngbeʔele ni?»

Zyɔbi 34:23

Níì cán Kolocɔlɔɔ màko o nyɛ bi náa syɔɔn wéle bi mɔn koro ga pye woro í náa gbǎn kútiiw ceri wi na í.

Ŋúnuyi 145:17

Yawe n sín wi kóloyi myɛ ni, wi i nyɛ funjànga fɔ́lɔ wi kapyegèle myɛ ni.

Ŋúnuyi 9:4

Mii nigoobèle i kologi ni lúrugu, pe i kpírigi ni tuun, pe i kúu mɔ yɛ́ʔɛ ma.

Ŋúnuyi 96:13

Yawe yɛ́ʔɛ ma! Níì cán wi i maa, níì cán wi i maa ba kútiiw kúun tári na. Wi a ba kútiiw kúun dulunyanw na ní sínnɛ ní, ní syɛɛnfeleyi na bi yɛlɛ ní wi kányɛɛgi ní.

Ŋúnuyi 98:9

Yawe yɛ́ʔɛ ma! Níì cán wi i maa bi ba kútiiw ceri tári na. Wi a ba kútiiw ceri dulunyanw na ní sínnɛ ní bi syɛɛnfeleyi kútii ceri ní kányɛɛgi ní.

Ezayi 45:19

Mii ga joo làrama ni tári yébilimɛ tɛ́ɛlaa ni í. Mii ga gi joo Zyakɔbi yòdaʔayi ma níì jo: ‹Yaa mii caa gbanzan› í! Mii Yawe, mii i kasingèle nyuu. Gee gi nyɛ lè kányɛɛgi, koro mii nyuu.

Ezayi 45:21

Ye yele wóri joo, yé kérigèle tɛ̀ɛn gele ge nyɛ yele ma lè! Alí ye caa pínɛ ye yeyɛɛ nyaa ye joo. Wìí wi da téè gee bee joo yaà gbɛnʔɛnɛ? Wìí wi ge tɛ̀ɛn yaà làridɔɔnnɔ ni? Mii Yawe ban ì? Kolocɔlɔwaa ní o yaà n fàra mii na í, Kolocɔlɔwee wi sín lè, ní i syɔɔn syoo, wi wàa ní o yaà kapye mii ban í.

Zyeremii 12:1

Mɔ n sín n caanri, Yawe, mii í kɔ́ pye kàkabaga na ní mɔ ní. Koro ní ki myɛ ní mii i caa bi joo ní mɔ ní mɔ kútiiw kèlē cɔɔnriganma na: Nyàʔá na syɛɛnpeebèle kèlē nyɔɔgi? Nyàʔá na námarafɔbèle myɛ nyɛ yɛɛ̀nyinge na sági, poro bele be syɔɔn jànváa lè?

Ezekyɛli 18:25

Yele wɔ́ɔ i gi nyuu níì jo: ‹Kàfɔw kólogo ga nyɔɔ í.› Koro na ye lóʔo Isirayɛli kpáagi wòolo. Mii kólogi lé gi nyɛ ki ga nyɔɔ í? Yele kóloyi ban yi nyɛ yi ga nyɔɔ í ì?

Ezekyɛli 18:29

Bi si gi taa Isirayɛli kpáagi wòolo i gi nyuu níì jo: ‹Kàfɔw kólogo ga nyɔɔ í.› Mii kóloyi lé yi nyɛ yi ga nyɔɔ í, Isirayɛli kpáagi wòolo? Yele kóloyi ban yi nyɛ yi ga nyɔɔ í ì?

Sofonii 3:5

Yawe n sín ki níngi ni, wi o kakologo kpéʔele í. Nyɛ̀ʔɛ nyɔ́ɔ o nyɛ̀ʔɛ nyɔ́ɔ, wi i wi sínni yirigi gbɛ̀ɛ́nmi na, wi o láari gee bee pyele na í. Kàjáa syɛɛnnaa-sìnzinw ga fɛ̀ɛrɛ cán í.

Kapyegèle 17:31

Níì cán wi n cangaa tɛ́ʔɛ gee ni wi a ba kútiisinw kúun lè dulunyanw syɛ̀ɛnnɛ na woro syɛɛntelegew báriga ni, wi n gi fɛ̀ɛ́w fílige n tɛ̀ɛn syɛ́ɛnbèle myɛ na àmɛɛ wi wi nyán n yirige lè kúbèle nínge ni.»

Wɔrɔmi ye 2:1

Gee bee na mɔ syɔ́ɔnwee faala mi miyɛɛ gbéʔele bele kútiijooo lè, mɔ a kɔ́ joo tànʔa i nyɛ mɔ ma í, níì cán mɔ wee mi miyɛɛ bye lè bele kútiijooo ní wɔ́ɔ i kérigèle bee wonijangéle kpéʔele, mi gi cán mɔ tiimaa wɔ́ɔ i kútiiw cáan miyɛɛ na.

Wɔrɔmi ye 2:3

Bele be kérigèle bee kpéʔele lè, mɔ syɔ́ɔnwee mi miyɛɛ bye lè bele bee kútiijooo, bi gi taa mɔ wɔ́ɔ i kérigèle bee wonijangéle kpéʔele, a mɔ i sɔ̀ngí lé mɔ a syɔɔ Kolocɔlɔɔ kútiiw ma?

Wɔrɔmi ye 2:5

Kàjáa àmɛɛ mɔ nyúngi tɔ̀nɔ n waʔa lè, ní àmɛɛ mɔ láa o nyɛ bi mɔ fúngi kàriga Kolocɔlɔɔ ma lè í, koro na mɔ tiimaa i kàa taari mɔ wɔʔɔli na bi taa sa nan wɔʔɔgbɔɔgi canʔa na, cángee na Kolocɔlɔɔ a ba gi tɛ̀ɛn lè syɛ́ɛnbèle na pe gi cán woro kútiiw n tɔ̀nɔ n sín.

Wɔrɔmi ye 9:14

Ki si i lè nya, nyàʔá wolo a joo? A kolomɔ tɛ́ɛlɛ i nyɛ lé Kolocɔlɔɔ na? Eʔe dɛ!

Tɛ̀ɛnnɛ 16:5

A mii gi lóʔo nyɛ̀ʔɛni tunduɔn ma, woro wee wi nyɛ lè lǒyi nyúngo na, a wi jo: «Mɔ n sín, mɔ wee wi nyɛ lè ní mɔ wee wi téè pye yaà lè, mɔ wi nyɛ Wojanw àmɛɛ mɔ kérigèle naa tímana lè.

Tɛ̀ɛnnɛ 19:2

níì cán wi kútiijoori di nyɛ kányɛɛgi wóro, níì sín. Wi n nànjaa-cepeew kútii ceri, woro wee wi da tári myɛ nyìn ní wi kanɔnʔɔri ní lè, níì wi púlobèle sìsyaan wolo gɔlɔ́ wòlo ní wi kɔ́gi ní.»