Wɔrɔmi ye 2:16 - Cebaara Bible 2010

¹⁶ Gee bee si a ba yiri gbɛ̀ɛ́nmi na cángi bee na, gee ni Kolocɔlɔɔ a ba kútiiw joo lè kalaragèle myɛ kéele na ge nyɛ lè syɛ́ɛnbèle fúnyo ni, ki si a kpéʔele Zyezu Kirisi bárigaw ni bi yɛlɛ ní Syɛɛnjóocǎnri ní mii nyuu lè.

Wɔrɔmi ye 2:16 Iomraidhean Croise

Sélimɛ 18:25

Bi syɛɛnsinw pínɛ kpóo ní syɛɛnpeew ní, mɔ a kɔ́ gi pye nya í. Bi syɛɛnsinw ní syɛɛnpeew pínɛ sèjira, mɔ a kɔ́ gee bee pye í. Wee wi nyɛ lè tári myɛ kútiijooo, gee gi sín lè, a wi a gbǎn kòro lé gi sìngbeʔele ni?»

Ŋúnuyi 50:6

Nyɛ̀ʔɛgèle i wi sínni kéele jáari níì cán Kolocɔlɔɔ tiimaa wi nyɛ kútiiceriw. Ŋɔ́ndaala

Ŋúnuyi 96:13

Yawe yɛ́ʔɛ ma! Níì cán wi i maa, níì cán wi i maa ba kútiiw kúun tári na. Wi a ba kútiiw kúun dulunyanw na ní sínnɛ ní, ní syɛɛnfeleyi na bi yɛlɛ ní wi kányɛɛgi ní.

Ŋúnuyi 98:9

Yawe yɛ́ʔɛ ma! Níì cán wi i maa bi ba kútiiw ceri tári na. Wi a ba kútiiw ceri dulunyanw na ní sínnɛ ní bi syɛɛnfeleyi kútii ceri ní kányɛɛgi ní.

Syɛɛnjóow 11:9

Nìgɔcariɔ, da muguri mɔ cárimi làla ni, ki n yɛlɛ maa fundaanra kpéʔele mɔ cárimi canya ni, kóloyee mɔ fúngi tèé mɔ na lè, da yi táanri maa yɛlɛgi ní mɔ nyapiigèle kanyaagéle ní. Kàjáa ki n yɛlɛ mi gi cán Kolocɔlɔɔ a ba mɔ yérige kútiijoo-tɛ́ɛgi ni gee bee myɛ kéele na.

Syɛɛnjóow 12:14

Níì cán Kolocɔlɔɔ a ba kútiiw kúun kapyegèle myɛ na, àlí gele myɛ ge làra lè, wojanna yoo, wobeele yoo.

Syɛɛnjóow 3:17

A mii gi joo niyɛɛ fúngi ni níì jo: Kolocɔlɔɔ a kútiiw kúun syɛɛnsinw ní syɛɛnpeew na, níì cán làla i nyɛ keele o keele, ní kapyele o kapyele na.

Matye 16:27

Níì cán Syɔɔn-pya a kɔ́ pan wi Tóow nìjangbɔɔrɔ ni ní wi tundunbèle ní. Lǎli bee ni wi a ba syɔɔn o syɔɔn sàra bi yɛlɛ ní wi kapyegèle ní.

Luki 8:17

Níì cán yarigaa faala o yaà gee syɔɔn làriga lè ki ba kòro sìn-yiri ni kàfugo na í, keelaa faala wɔ́ɔ o yaà lee syɔɔn a làriga lè, li ba kòro sìnján ni í, wàlá sìnnyaa í.

Zyan 12:48

Syɔ́ɔnwee wi mii cée lè, wi ga wɔ́ɔ̀ fɔ̀lɔ syɛ́ɛnri na mii joo lè í, kútiiw joofɔlɔ i yaà ni wee bee sige, syɛ́ɛnree mii joo lè, toro ti a ba pye wi kútiijoow dulunyanw cângwɔʔɔ canʔa na.

Kapyegèle 10:42

Zyezu maa tundunri joo wolo ma níì jo, wolo í da di fíligi da nyuu syɛ́ɛnbèle ma si jo, wee Kolocɔlɔɔ télege lè wi pye niweebèle ní kúbèle kútiicerio, woro wi nyɛ wee bee.

Kapyegèle 17:31

Níì cán wi n cangaa tɛ́ʔɛ gee ni wi a ba kútiisinw kúun lè dulunyanw syɛ̀ɛnnɛ na woro syɛɛntelegew báriga ni, wi n gi fɛ̀ɛ́w fílige n tɛ̀ɛn syɛ́ɛnbèle myɛ na àmɛɛ wi wi nyán n yirige lè kúbèle nínge ni.»

Wɔrɔmi ye 16:25

Wee má séew nyɛ lè bi gbǎn yele kpéʔele yele í nìri lè bi yɛlɛ ní Syɛɛnjóocǎnri ní mii nyuu lè ni Zyezu Kirisi kéeli tèé, si wɔ́ɔ gbǎn yele kpéʔele yele í nìri bi yɛlɛ ní wi kalarali yirigele ní, lee wi da yaʔa làrama ni lè sáni dulunyanw í séli lè,

Wɔrɔmi ye 2:5

Kàjáa àmɛɛ mɔ nyúngi tɔ̀nɔ n waʔa lè, ní àmɛɛ mɔ láa o nyɛ bi mɔ fúngi kàriga Kolocɔlɔɔ ma lè í, koro na mɔ tiimaa i kàa taari mɔ wɔʔɔli na bi taa sa nan wɔʔɔgbɔɔgi canʔa na, cángee na Kolocɔlɔɔ a ba gi tɛ̀ɛn lè syɛ́ɛnbèle na pe gi cán woro kútiiw n tɔ̀nɔ n sín.

Wɔrɔmi ye 3:6

Eʔe dɛ! Níì cán Kolocɔlɔɔ ga maa kolo, mɛ̀ɛ́ wi a dée gbǎn kútiiw cáan dulunyanw syɛ̀ɛnnɛ na bi sɛ́ɛ?

1 Korɛnti ye 15:1

Ni senyɛ̀nnɛ, mii a yele sɔ̀ngumi tìrige Syɛɛnjóocǎnri na, dee mii da sélì joo yele ma lè, á yele yére di ni níì di cò lè,

1 Korɛnti ye 4:5

Koro na yele a kɔ́ kútii kúun wàa na sáni lǎli í nan lè í, gee bee n jo sáni Kàfɔw í pan lè í, woro wi a ba yébilimi yárira myɛ yirige gbɛ̀ɛ́nmi na, si syɛ́ɛnbèle fúnyo sɔngurɔ tɛ̀ɛn kàfugi na. Lǎli bee ni syɛ́ɛnbèle myɛ nibin nibin a pe kpɔ́ʔɔri taa Kolocɔlɔɔ ma.

2 Korɛnti ye 5:10

Níì cán ŋàʔanaga gii fwɔɔ wolo myɛ í woyɛɛ dɛ̀ɛn Kirisi kútiiceri-tɛ́ɛgi ni, jàngó gee syɔɔn o syɔɔn kpéʔele lè n wi yaʔa wi céri ni, kapeele yoo, kacànna yoo, wi gi tɔ̀nɔw taa bi yɛlɛ ní wi kapyegèle ní.

Galasi ye 1:11

Ni senyɛ̀nnɛ, mii a gi joo yele ma, Syɛɛnjóocǎnri mii joo yele ma lè, syɔɔn wóro ban í,

1 Timɔte 1:11

Tamajanni bee n yɛlɛ ní nìjanri syɛɛnjóocànra ní, ti nyɛ lè dùbaw Kolocɔlɔɔ wóri, dee wi kàlifáa mii ma lè.

2 Timɔte 2:8

Sɔ̀ngi mi taa Zyezu Kirisi na wi lè Davidi yòdaʔagi, wi n nyán n yiri kúbèle nínge ni n yɛlɛ ní Syɛɛnjóocǎnri ní mii nyuu lè,

2 Timɔte 4:1

Kirisi Zyezu wi a ba kútiiw kúun niweebèle ní kúbèle na lè wi làribanni ni, àmɛɛ wi a ba wiyɛɛ dɛ̀ɛn si wi fǎngi télege lè, mii a gi joo gbàn mɔ ma woro ní Kolocɔlɔɔ nyɛ́nɛ na si jo,

2 Timɔte 4:8

Nlaʔa tɔ́ɔliw naa na, Kàfɔw wi lè kútiisinw kúunfɔlɔ, wi n kpɔ́ʔɔri nyùndɔnnɔ tɛ́ʔɛ yaà mii yɛ́ʔɛ na, sínni wólo, lee wi a ba kaan mii ma lè cángi bee na. Mii nibin si má ban wi a li kaan í, bele myɛ be wi làridɛ̀ɛ́nni sige lè ní fundaanra ní, wi a wɔ́ɔ kèle kaan bele bee ma.

Heburubèle 9:27

Amɛɛ gi kɔ̀rirɔ n tímana lè syɔɔn o syɔɔn ma wi kùu tɔlɔgɔ nibin, kútiiw si náa ba joo,

1 Pyɛri 4:5

Wee wi wiyɛɛ zámaga n kwɔ́ɔ bi ba kútiiw kúun niweebèle ní kúbèle na lè, woro wi a ba be yíbe kérigèle bee na.

2 Pyɛri 2:9

Kánmi bee na Kàfɔw gi cán àmɛɛ wi a gbǎn wi yɛ́ɛgi fyáafɔɔlɔ yirige be kagbanyi ni lè, si syɛɛnnaa-sìnzinbèle kɔn wɔʔɔgi kánma na kútiiw canjerige yɛ́ʔɛ na,