Wɔrɔmi ye 2:11 - Cebaara Bible 2010

¹¹ Níì cán Kolocɔlɔɔ o syɔɔnwaa yirigi wàa ni í.

Wɔrɔmi ye 2:11 Iomraidhean Croise

2 Cányi kèlē 19:7

Tɔ́ɔliw ni ki n yɛlɛ Yawe fyáari i pye yele na. Gee yele ga ni kpéʔele lè ki n yɛlɛ yaa kɔ̀rɔsíi. Níì cán peemɛ o nyɛ Yawe wolo Kolocɔlɔw na í, wi o syɔɔnwaa yirigi wàa ni í. Wi o fɔ̀lɔ́ námara kpɔ́ʔɔrɔ na í.»

Zyɔbi 34:19

wi o fànʔafɔbiigèle kpɔ́ʔɔgi ni sɔ̀lɔ́ wozanbèle na í, wi o lɔrɔfɔlɔ córo n sɔ̀lɔ foomɔfɔlɔ na í, níì cán pe myɛ i nyɛ wi kɔ́yi yakpéʔelere.

Matye 22:16

A be fala n be pìitamabèle tun wi ma ní Herodi taʔafɔbèle ní, a be sáà wi pye: «Tamafɔw, wolo n gi cán mɔ i kányɛɛgi nyuu ní i Kolocɔlɔɔ kólogi tèé syɛ́ɛnbèle na kányɛʔɛ ni, mɔ o fɛ̀ɛgí syɔɔn faala na í. Níì cán mɔ o syɔɔnwaa yirigi wàa ni í.

Luki 20:21

A be sáà wi yíbe níì jo: «Tamafɔw, wolo n gi cán mɔ syɛ́ɛnri ní mɔ tamani n sín, mɔ o syɔɔnwaa yirigi wàa ni í, kàjáa mɔ tɔ́ɔ i be tama kányɛɛgi na Kolocɔlɔɔ kôdanʔari ni.

Kapyegèle 10:34

Lǎli bee ni a Pyɛri fala n séli ni nyuu be ma níì jo: «Kányɛʔɛ na mii n náà gi cán ncan Kolocɔlɔɔ o syɔɔnwaa yirigi wàa ni í.

Wɔrɔmi ye 9:14

Ki si i lè nya, nyàʔá wolo a joo? A kolomɔ tɛ́ɛlɛ i nyɛ lé Kolocɔlɔɔ na? Eʔe dɛ!

Galasi ye 2:6

Bele si pe da pye lè mɔ a jo mɛ́ɛkpoloyi fɔ̀ɔlɔ, pe da yafyɛn fàra mii cánni na í, kánmee na pe mɛ́ɛyi kpólo lè, gee bee o mii nyɛ́nɛ na yarigaa í! Níì cán Kolocɔlɔɔ o syɔɔnwaa yirigi wàa ni í.

Efɛzi ye 6:9

Yele bele si ye nyɛ lè púlobèle kàfɔɔlɔ, ki n yɛlɛ yaa kérigèle bee wonijangéle kpéʔele yele púlobèle ma syɛɛngbanra sinjoo ni be ma. Ye gi cán poro ní yele Kàfɔw i yaà nyɛ̀ʔɛni na, wi si o syɔɔnwaa yirigi wàa ni í.

Làlwaw Kaanziin 10:17

Níì cán Yawe yele Kolocɔlɔw i nyɛ kolocɔlɔbèle myɛ Kolocɔlɔɔ, ní kàfɔbèle myɛ Kàfɔlɔ. Woro wi nyɛ Kolocɔlɔɔ wi lè wogbɔɔw, wee wi nìri lè ní i nyɛ fyáara yáriga, wi o syɔɔnwaa yirigi wàa ni í, wi o námara kpɔ́ʔɔrɔ syoo í.

Làlwaw Kaanziin 16:19

Mɔ a kɔ́ kútiiw kálagi í, mɔ a kɔ́ syɔɔnwaa yirige wàa ni í. Mɔ a kɔ́ ra námara kpɔ́ʔɔrɔ syoo í, níì cán námara kpɔ́ʔɔri syɔɔlɔ i sícilibèle kàragí fúunbéle, ti i syɛɛnsinbèle syɛ́ɛnrɛ fɛ̀ɛ́.

Kɔlɔsi ye 3:25

Wee si ga pye lè wi o síngi í, wee bee a ba wi sìnzinmi tɔ̀nɔ taa, níì cán Kolocɔlɔɔ o syɔɔnwaa yirigi wàa ni í.

1 Pyɛri 1:17

Kolocɔlɔɔ wi kútiiw kúunri lè syɔɔn o syɔɔn na ni yɛlɛgi ní syɔɔn fáliw ní, wi si o syɔɔnwaa yirigi wàa ni í, kapye yele i woro yiri yele Tóow yele nyɛ́ɛriyi ni, ki n yɛlɛ yele í da táanri wi yɛ́ɛgi fyáara na làrigèle myɛ ni, gele yele a kwɔ́ɔ lè dulunyanw naa ni.