Wɔrɔmi ye 2:10 - Cebaara Bible 2010

¹⁰ Kàjáa bele myɛ be nyɛ lè kasinbyebèle, nìjanri, ní sòololi, ní yɛɛ̀nyingi a ba pye bele bee ma, ki si a séli Zyefubèle na gbɛnʔɛnɛ, si naa nan syɛɛnfeleyi wozanya na.

Wɔrɔmi ye 2:10 Iomraidhean Croise

Zyɔbi 22:21

Ki n yɛlɛ mi bɛ̀ɛ ní Kolocɔlɔɔ ní, mɔ a yɛɛ̀nyinge taa. Kánmi bee na mɔ lɛɛli a pye wojanna ní.

Ŋúnuyi 15:2

Syɔ́ɔnwee tánʔaganma bi sín lè, wee wi sínnɛ kele kpéʔele lè, ní i kányɛɛgi nyuu n yɛlɛ ní wi fúngi kánma ní.

Ŋúnuyi 29:11

Yawe a sée kaan wi syɛ́ɛnbèle ma. Yawe a dùba kpéʔele wi syɛ́ɛnbèle ma, si yɛɛ̀nyinge kaan be ma.

Ŋúnuyi 37:37

Da kolomɔ fun syɔ́ɔnw kɔ̀rɔsíi, da syɛɛnsinw wéle. Bɛ̀ɛlɛ légefɔlɔ nyɛ̀ʔɛnaw i nyɔɔgi.

Kàseegèle 11:18

Syɛɛnpeew tɔ̀nɔtaaɔ i wi jànváa, wee si wi sínni lùguro lúru lè, wi i kányɛʔɛ sàra taagi.

Kàseegèle 8:18

Lɔ́ri, ní nìjanri i nyɛ mii ma, ní kɔlɔ̀ yáriri di mɔngi lè, n fàra sínni na.

Ezayi 26:12

Yawe, mɔ i yɛɛ̀nyinge kaangi wolo ma, níì cán gee myɛ wolo kpéʔele lè, mɔ wi gi forogi wolo ma.

Ezayi 32:17

Sínni kapyele li a pye yɛɛ̀nyingi, sínni fáli wi a pye ŋɔ́ndaali, ní sɔ̀ngumi tɛɛtaʔala làla o làla.

Ezayi 48:18

Ee, mɔ ga maa yákirii yaʔa mii tundunri na, mɔ yɛɛ̀nyingi a dée pye àmɛɛ cábiga nyɛ lè, mɔ sínni a dée pye àmɛɛ sólomi lɔ̀ʔɔ kùnguruyo nyɛ lè.

Ezayi 48:22

Yawe n jo: «Yɛɛ̀nyinge faala o nyɛ syɛɛnpeebèle ma í.»

Ezayi 55:12

Ɛɛn, yele a yiri yaà ní fundaanra ní, pe a yele lúrugo tórigo naa yɛɛ̀nyinge na. Nyanbeleyi ní dǎndamayi a ra fundaanra yákpogéle wáa yele yɛ́ʔɛ ma, sìnbirigi tíire myɛ sáā kadafori kóri.

Ezayi 57:19

Mii a sòololi taʔa pe nyɔɔwari na. Yɛɛ̀nyinge, yɛɛ̀nyinge í pye wee má wi léeli lè, ní wee má wi nùuni lè!» Yawe wi jo nya. «Ɛɛn mii a be pɔʔɔ.»

Zyeremii 33:6

Wéle, mii a gi yaʔa gi cólogo foro, mii a gi pɔʔɔ, mii a yɛɛ̀nyinge, ní ŋɔ́ndaala saʔa kaan gi ma.

Córolo 6:26

Ki n yɛlɛ Yawe í wi yɛ́ɛgi yìrige bi mɔ wéle, si yɛɛ̀nyinge kaan mɔ ma.›

Matye 10:13

Kpáagi bee syɛ̀ɛnnɛ ga pye báriga syɛ̀ɛnnɛ, yele yɛɛ̀nyingi a kòro yaà. Kàjáa pe ga pye báriga fun syɛ̀ɛnnɛ, yele yɛɛ̀nyingi a lúru pan yele ma.

Luki 1:79

Bele be nyɛ lè wodɛ́ɛnbéle ní yébilimi ni, ní kùúw nyínmɛ láara ni, wi a gbɛ̀ɛ́nmi yirige bele bee ma, si wolo tɔ́lɔyi le yɛɛ̀nyingi kólogo ni.»

Luki 12:37

Falipyebèle bele kàfɔlɔ ga pan ní baa be nyaa nyɛ̀nɛ na lè, bele bee i nyɛ dùba pìibēle. Mii a gi joo yele ma kányɛʔɛ ni wi a wiyɛɛ bwɔɔ ní wi sɛntiiriw ní, si be télege, sáā lìíli kaangi be ma.

Luki 19:42

níì jo: «Kérigèle gele ke a dée mɔ lége lè yɛɛ̀nyingi ni, mɔ tiimaa ga maa gele bee cán níjanʔa, koro mǎà dée pɔ́rɔ gbanʔama! Kàjáa tɔ́ɔliw ni ke n làra mɔ na.

Luki 22:14

Lǎli ni làriliili nan lè, a Zyezu tɛ́ɛn lìíli taana ní pìitunbèle ní

Luki 9:48

níì be pye: «Wee wi ga pìíw naa láa lè mii mɛ́ɛgi na, mii wi sèʔê láa. Wee si wi ga mii láa lè, mii Tunvɔw wi wɔ́ɔ̀ láa. Níì cán wee wi ga wiyɛɛ jɛ́rɛ lè yele níngi ni, wee bee wi nyɛ wogbɔɔw.»

Zyan 12:26

Syɔ́ɔnwee faala ga ni caa lè bàā mii fáliw kpéʔele, ki n yɛlɛ wi taʔa mii na, tɛ́ɛgee ni mii ga pye lè, mii falipyew a wɔ́ɔ pye nɛɛ bee. Syɔ́ɔnwee wi mii fáliw kpéʔele lè, mii Tóow a ra wee bee wɔ̀ʔɔrɔ́.»

Zyan 14:27

Mii a fûnnyingi kaan yele ma, mii tiimaa fûnnyingi si mii a kaan yele ma. Mii si a gi kaan yele ma dulunyanw syɛ̀ɛnnɛ wóʔo kaanganma na í. Ki ga yɛlɛ yele í yele fúnyi yaʔa yaa curugu yele na í, ki ga wɔ́ɔ̀ yɛlɛ yele í da fɛ̀ɛgí í.

Zyan 16:33

A mii kérigèle naa joo yele ma wii, koro ga pye yele í fûnnyingi taa mii ni. Yele a wɔʔɔli taa dulunyanw ni. Kàjáa ki n yɛlɛ ye soro, níì cán mii n dulunyanw jáa.»

Kapyegèle 10:35

Níì cán syɛɛnfelege o syɛɛnfelege ni, syɔ́ɔnwee wi ga ni fɛ̀ɛgí lè Kolocɔlɔɔ na ní i táanri ni síngi, wee bee kéele n wi dɛ́nɛ.

Wɔrɔmi ye 14:17

Níì cán Kolocɔlɔɔ fǎngi o nyɛ lìile ní gbaala kéele í, fwɔɔ sínni, ní fûnnyingi, ní fundaanri, dee wolo taagi lè Pìicǎnni báriga ni.

Wɔrɔmi ye 15:13

Kolocɔlɔwee wi nyɛ lè sɔ̀ngumi tɛɛtaʔaga kaanfɔlɔ, ki n yɛlɛ woro í yele fúnyi nyìn fundaanri myɛ ní fûnnyingi myɛ na tágali kólogo ni, koro ga pye kàa í da taari yele sɔ̀ngumi taʔala na Pìicǎnni fànʔa báriga ni.

Wɔrɔmi ye 2:7

Bele si be kòro ni kasingèle kpéʔele lè ní lòmaana ní, ní i nìjanri caa, n fàra sòololi, ní cénaa-sìnvɔnʔɔri na, bele bee má wi a sìibangwɔɔw kaan.

Wɔrɔmi ye 2:9

Bele myɛ be nyɛ lè kakolobyebèle, wɔʔɔgɔ ní funjurugoro a ba too bele bee na, ki si a séli Zyefubèle na gbɛnʔɛnɛ, si náa nan syɛɛnfeleyi wozanya na.

Wɔrɔmi ye 5:1

Amɛɛ wolo sínni taa lè tágali báriga ni, gee bee na wolo nyɛ bɛ̀ɛlɛ na ní Kolocɔlɔɔ ní wolo Kàfɔw Zyezu Kirisi bárigaw ni.

Wɔrɔmi ye 8:6

Níì cán céri kèlē sɔngurɔ i syɔɔn tórogi kùúw ma, Pìicǎnni kèlē sɔngurɔ si i syɔɔn tórogi sìíw ní yɛɛ̀nyingi ma.

Wɔrɔmi ye 9:21

Cóofaanw ban wi nyɛ cóori nyúngo na ì? Yele ga gi cán wi a gbǎn cóoro láa bi lɔgbanra kodɔɔlɔ faan si ní tàa láa bi lɔdaanra wólo faan ì, kòdogèle bee myɛ siin si yiri cóonyín-níjanni ni ì?

Wɔrɔmi ye 9:23

Bele na wi da nyinimɛ taa lè níì be sámaga n yaʔa nìjangbɔɔri kánma na, wi maa wɔ́ɔ ni caa bi gi tɛ̀ɛn àmɛɛ woro nìjangbɔɔri lɔ́rɔ nɛʔɛ be ma lè.

Galasi ye 5:22

Kàjáa gee Pìicǎnni sangi lè, koro gi nyɛ: tàmagi, ní fundaanri, ní bɛ̀ɛ́li, ní kpàracogi, ní tánʔaganjǎnmi, ní funjǎngi, ní mɔ í pye tágala syɔ́ɔn,

Galasi ye 5:6

Níì cán syɔɔnwaa ga pye Kirisi Zyezu ni, kɛ́nɛkpeʔeleri yoo, kɛ́nɛnaa-sìngbeʔeleri yoo, tàa faala o nyɛ ní tɔ̀nɔ ní í, fwɔɔ tágali li báara lè tàmagi báriga ni.

Filipikaʔa ye 4:7

koro ga pye fûnnyingee Kolocɔlɔɔ kaangi lè, gee gi sɔ̀lɔ syɛ́ɛnbèle myɛ sɔ̀ngurɔ na lè, koro a yele fúnyi ní yele sɔ̀nguri yaʔa di kòro Kirisi Zyezu na.

1 Timɔte 1:17

Bàngwɔɔ Fànʔafɔw, woro wee wi nyɛ lè wi a kùu bi nyaa í, syɔɔn si o wi nyaagi í, woro nibin wi lè Kolocɔlɔɔ, woro na kpɔ̀ʔɔrɔli ní nìjangbɔɔri yɛlɛ làla o làla! Amiina!

Heburubèle 2:7

Mɔ maa wi cɛ́rɛ n sɔ̀lɔ nyɛ̀ʔɛni tundunbéle na n làla cɛɛri kwɔ́ɔ, koro kàdoʔo ma a mɔ nijanri ní kpɔ́ɔmi pye wi fànʔafɔ-nyùndɔnni.

Zyaki 2:22

Mɔ n gi nyaa àmɛɛ wi tágali ní wi kapyegèle da pínɛ ni báara lè, a wi kapyegèle wi tágali kaan a li foro.

Zyaki 3:13

A wàa i yaà lé yele níngi ni, wee wi wiyɛɛ zɔ̀ngí lè sícilio ní keele cánvɔlɔ? Ki n yɛlɛ wi gi tɛ̀ɛn wi nàʔajǎnmi báriga ni, gee bee n jo, gee myɛ wi kpéʔele lè, wi a ra gi kpéʔele ní màama, ní sícilimɛ ní.

1 Pyɛri 1:7

Kagbanyi bee nyúngo i nyɛ bi yele tágali sɛʔɛ wéle, loro lee li nyɔɔ n sɔ̀lɔ lè tɛ́ɛw na wi nyɛ lè yakwɔʔɔ, pe si i wi sɛʔɛ ni wéle ní náagi ní, kánmi bee na fwɔɔ yele tágali í sɛʔɛ wéle koro ga pye yele si sòololo, ní nìjanra, ní kpɔɔmɔ taa Zyezu Kirisi làridɛ̀ɛ́nni ni.

1 Pyɛri 5:4

Lǎli ni bànaʔabèle Kàfɔlɔ ga baa wiyɛɛ dɛ̀ɛn lè, wi a bàngwɔɔ nìjangbɔɔrɔ taʔa yele na, ti pye yele ma kpɔʔɔrɔ.

1 Samyɛli 2:30

Awá mii maa tɔ̀nɔ n gi joo níì jo mɔ kpáagi wòolo ní mɔ tóow kpaʔa wòolo a kòro mii fáliw na làla o làla.› Yawe wi lè Isirayɛli Kolocɔlɔw, woro wi jo nya. ‹Kàjáa tɔ́ɔliw ni koro a ní kpéʔele í.› Yawe wi jo nya. ‹Níì cán bele be mii kpɔ́ʔɔgi lè, mii a bele bee kpɔ́ʔɔ, bele si be mii faari lè, pe a faʔa.