Wɔrɔmi ye 2:1 - Cebaara Bible 2010

¹ Gee bee na mɔ syɔ́ɔnwee faala mi miyɛɛ gbéʔele bele kútiijooo lè, mɔ a kɔ́ joo tànʔa i nyɛ mɔ ma í, níì cán mɔ wee mi miyɛɛ bye lè bele kútiijooo ní wɔ́ɔ i kérigèle bee wonijangéle kpéʔele, mi gi cán mɔ tiimaa wɔ́ɔ i kútiiw cáan miyɛɛ na.

Wɔrɔmi ye 2:1 Iomraidhean Croise

Luki 12:14

A Zyezu wi pye: «Ni tàannyɛnnɛ, wìí wi mii télege mii í pye yele kútiijoow, wàlá yele kɔ́rigi lɛɛfɔlɔ?»

Luki 19:22

A fànʔafɔw wi pye: ‹Mɔ i nyɛ falipyepeeo, mii a kútiiw kúun mɔ na mɔ tiimaa nyɔ́ɔgi syɛ́ɛnrɛ báriga ni. Mɔ da gi cán lè ncan mii n tanʔa n caanri, yárigee gi nyɛ lè mii ga gi tɛ́ʔɛ í, mii i gee bee lée, ní yaliiree di nyɛ lè mii ga di lùgu í, mii i dee bee lée,

Luki 6:37

«Ki ga yɛlɛ yele í da kútiiw kúunri syɔɔn na í, jàngó Kolocɔlɔɔ a wɔ́ɔ kɔ́ kútiiw kúun yele na í, ki ga wɔ́ɔ̀ yɛlɛ yele í da kolomɔ kaangi syɔɔn ma í, jàngó Kolocɔlɔɔ a wɔ́ɔ kɔ́ kolomɔ kaan yele ma í, yaa syɛ́ɛnbèle kùsulugo syoo, koro ga pye Kolocɔlɔɔ a wɔ́ɔ ra yele kùsulugi syoo.

Wɔrɔmi ye 14:22

Tágalee li nyɛ mɔ ma lè kéeli bee na, lee bee yaʔa li kòro mɔ ní Kolocɔlɔɔ níngi ni. Syɔɔn ga keelaa córo kacànna níì li kpéʔele, wi fúngi si o wi kábala kéeli bee na níì jo li n pee í, syɔ́ɔnw bee i nyɛ dùba pyà!

Wɔrɔmi ye 2:2

Wolo n gi cán bele be kérigèle bee félege kpéʔele lè, kútiiwee Kolocɔlɔɔ nyuu bele bee kéele na lè, wi i nyɛ kányɛʔɛ be na.

Wɔrɔmi ye 2:3

Bele be kérigèle bee kpéʔele lè, mɔ syɔ́ɔnwee mi miyɛɛ bye lè bele bee kútiijooo, bi gi taa mɔ wɔ́ɔ i kérigèle bee wonijangéle kpéʔele, a mɔ i sɔ̀ngí lé mɔ a syɔɔ Kolocɔlɔɔ kútiiw ma?

Wɔrɔmi ye 3:9

Ki ga pye nya, wolo bele wo nyɛ lè Zyefubèle, a gee bee joo lé wolo n sɔ̀lɔ syɛɛnsanbèle na? Eʔe, wolo ga sɔ̀lɔ be na í. Níì cán wolo n gi fílige n joo n kwɔ́ɔ níì jo Zyefubèle ní syɛɛnfeleyi wozanya myɛ i nyɛ kapeebyeri kɔ́yɔ ni,

Wɔrɔmi ye 9:20

Ee syɔɔn, mɔ wi nyɛ wìí ní si i Kolocɔlɔɔ kábala nya? A yafanʔa a gbǎn gi faanfɔlɔ yíbe lé si jo: «Nyàʔá na mɔ mii faan kánmi naa na?»

1 Korɛnti ye 4:5

Koro na yele a kɔ́ kútii kúun wàa na sáni lǎli í nan lè í, gee bee n jo sáni Kàfɔw í pan lè í, woro wi a ba yébilimi yárira myɛ yirige gbɛ̀ɛ́nmi na, si syɛ́ɛnbèle fúnyo sɔngurɔ tɛ̀ɛn kàfugi na. Lǎli bee ni syɛ́ɛnbèle myɛ nibin nibin a pe kpɔ́ʔɔri taa Kolocɔlɔɔ ma.

1 Korɛnti ye 7:16

Cɔlɔɔ, mɛ̀ɛ́ mɔ gi cán n sɛ́ɛ kapye mɔ a ba pye sábabu mɔ nanw na wi syɔɔ í? Koro ga jáa, nàɔn, mɛ̀ɛ́ mɔ gi cán n sɛ́ɛ kapye mɔ a ba pye sábabu mɔ céw na wi syɔɔ í?

Zyaki 2:20

Mɔ kanaa-sìnjáɔn, a mɔ i caa lé mii í náa gi joo tɛ̀ɛn mɔ na mɔ í gi cán, tágali ga pye syɔɔn ma kapyegèle fun ni, li i nyɛ gbanzan?

Zyaki 4:11

Ni senyɛ̀nnɛ, ki ga yɛlɛ yele í da syɛɛnpeeri nyuu da wáa yeyɛɛ na í. Syɔ́ɔnwee wi syɛɛnpeeri nyuu ni wáa wi senyɛnwaa na lè, wàlá wi i wi córo wi n kolo, Kolocɔlɔɔ làlwaw na wee bee syɛɛnpeeri nyuu ni wáa ní i wi córo wi n kolo. Mɔ si ga ni làlwaw kologi, mi gi cán gee làlwaw nyuu lè, mɔ o táanri ni yɛlɛgi ní gee bee ní í, fwɔɔ mɔ i wi córo wi n kolo.