Wɔrɔmi ye 16:4 - Cebaara Bible 2010

⁴ poro bele pe da fɔ̀lɔ lè bi be nyúnyi kaan jàngó bi mii syɔɔ kùúw ma. Mii nibin ban wi bariga kaangi be ma í, syɛɛnfeleyi egilizibéle myɛ wɔ́ɔ i bariga kaangi be ma.

Wɔrɔmi ye 16:4 Iomraidhean Croise

2 Samyɛli 22:41

Mɔ n gi yaʔa a mii nigoobèle kàdoʔo kaan ni fé mii na. Bele mi kéeli bɛɛn lè mii a be nyɔ́ɔyi tɔ́n.

Misye 2:3

Gee bee na Yawe syɛ́ɛnri naa joo níì jo: «Wéle, mii i wɔʔɔgɔ tímana narigi bee wòolo kánma na. Yele a gbǎn yele yátiiyi yirige gi ni í. Yele a gbǎn yele nyúnyi yìrige sáā táanri í, níì cán wɔʔɔgɔ lala lii.»

Zyan 15:13

Tàmaga o nyɛ syɔɔn ma bi kpɔ́ʔɔ sɔ̀lɔ gee naa na í, koro gi nyɛ syɔɔn í wiyɛɛ gaan be kpóo wi tàannyɛnbèle nyùnzyɔɔrɔ kéele na.

Kapyegèle 15:26

poro bele be nyɛ lè pe ga be kùúw cée í wolo Kàfɔw Zyezu Kirisi mɛ́ɛgi kéele na lè í.

Kapyegèle 15:41

A be sa ni Sirii ní Silisii tári myɛ nyaari ni egilizibèle dɛ̀ɛmɛ́ pe nìri.

Kapyegèle 16:5

A egilizibèle i nìrí tágali ni, a pèle i taari be na, a be i nɛʔɛgi ni maa canʔa o canʔa.

Kapyegèle 9:31

Lǎli bee ni a Egiliziw yɛɛ̀nyinge taa Zyude tári, ní Galile tári, ní Samarii tári tɛ́ɛyɛ myɛ ni. A kàa i taari be tágali na, a be i táanri Kàfɔw yɛ́ʔɛ fyáara na, ní i nɛʔɛgi gbanʔama Pìicǎnni dɛ̀ɛmɛnɛ báriga ni.

Wɔrɔmi ye 16:3

Ye Pirisii ní Akilasi syáanri, be nyɛ lè mii falipyenyɛnbèle Kirisi Zyezu fáliw ni,

Wɔrɔmi ye 16:5

Ye wɔ́ɔ ye Egiliziw syáanri wee wi wiyɛɛ gbóʔoro lè pe kpáagi ni. Ye mii syɛɛn-nidaanmaw Epayinɛti syáanri, wee wi tága lè wozeliw Kirisi na Azii tári ni.

Wɔrɔmi ye 5:7

Alí wàa ga pye syɛɛnsiɔn, syɔɔn a wári fɔ̀lɔ́ kùu wi kéeli na í. Dɔ̀ʔɔ́ syɔɔnwaa a gbǎn soro yére bi kùu funjàngafɔlɔ kéele na.

1 Korɛnti ye 16:1

Tɔ́ɔliw ni mii a joo yele ma wáliw kpóʔorolo kéele na, wee yele a kaan lè Kolocɔlɔɔ syɛɛncanbèle ma, àmɛɛ mii gi joo lè Galasii tɛ́nɛmi egilizibéle ma, ye wɔ́ɔ yaa gi kpéʔele nya.

1 Korɛnti ye 7:17

Syɔɔn o syɔɔn si n yɛlɛ waa táanri waa yɛlɛgi ní yakaangi ní gee Kàfɔw kaan wi ma lè, ní kánmee na wi da pye lǎli ni Kolocɔlɔɔ wi yeri lè. Anbée mii wɔ́ɔ̀ egilizibèle myɛ pye paa gi kpéʔele.

Filipikaʔa ye 2:30

Níì cán wi maa tɔ̀nɔ n nùuni kùúw na Kirisi fáliw kéele na, wi da wi sìíw córo yarigaa í, jàngó fáliwee kurugo yele da kólogo lè mii kàbangi na, woro í wee bee foro.

1 Tesaloniki ye 2:14

Ni senyɛ̀nnɛ, yele n baa pye Kolocɔlɔɔ Egilizibèle tɛ́ɛlɛfɔɔlɔ bele be nyɛ lè Kirisi Zyezu ni Zyude tári ni, níì cán wɔʔɔlee pe da taa lè Zyefubèle ma, lee bee wonijanna yele wɔ́ɔ̀ taa yele tiimaa felegefɔ-nyɛ́nbèle ma.

Zyozuwe 10:24

Lǎli ni be fànʔafɔbèle bee yirige n pan Zyozuwe ma lè, a Zyozuwe Isirayɛli nǎnbèle myɛ yeri ní baa gi joo kapɛɛnkpumɔnbèle kàfɔɔlɔ ma, bele pe da kári ní wi ní lè, níì be pye: «Ye nùuni naa ye ba yele tɔ́lɔyi taʔala fànʔafɔbèle naa yatiiye na.» A be nùuni yaà n sáà be tɔ́lɔyi taʔala be yátiiyi na.

1 Zyan 3:16

Kánmi naa na wolo tàmagi cán, Zyezu Kirisi n wiyɛɛ gaan kùúw ma wolo kéeli na. Ki si n wɔ́ɔ̀ yɛlɛ wolo í woyɛɛ gaan kùúw ma wolo senyɛnbèle kéele na.

Tɛ̀ɛnnɛ 1:4

Mii Zyan a sɛ́bɛw naa tórigo yele Egilizibèle kɔrɔsiin ma ye nyɛ lè Azii tári ni, ki n yɛlɛ Kolocɔlɔɔ í kpɔ́ʔɔri ní fûnnyingi kaan yele ma, woro wee wi yaà lè, ní woro wee wi da pye yaà lè, ní woro wee wi maa lè, pìígèle kɔrɔsiin í di kaan yele ma, gele ge nyɛ lè wi fàngoli yɛ́ʔɛ ma.