Wɔrɔmi ye 16:2 - Cebaara Bible 2010

² Ki n yɛlɛ ye wi sámaga ye cò Kàfɔw mɛ́ʔɛ na, àmɛɛ gi yɛlɛ kaa kpéʔele Kolocɔlɔɔ syɛɛncanbèle ma lè. Wi màko ga pye yárigee faala na lè, ye wi dɛ̀ɛmɛ gi na, níì cán wi n syɛ̀ɛnnɛ saʔa dɛ̀ɛmɛ, àlí wi n wɔ́ɔ̀ mii tiimaa dɛ̀ɛmɛ.

Wɔrɔmi ye 16:2 Iomraidhean Croise

Matye 25:40

Kàjáa fànʔafɔw a gi joo be ma si be pye: ‹Mii a gi joo yele ma kányɛʔɛ ni, àlí wee wi cɛ́rɛ lè mii senyɛnbèle naa myɛ ni, yele ga gi kpéʔele wee bee ma, mii má yele sèʔê gi kpéʔele.›

Kapyegèle 9:13

A Ananyasi Kàfɔw yari: «Ni Kàfɔlɔ, mii n nǎnw bee kéele lóʔo syɛ̀ɛnnɛ saʔa ma àmɛɛ wi kapeeyi féleye saʔa kpéʔele lè mɔ syɛɛncanbèle na Zyerusalɛmi ni.

Kapyegèle 9:15

A Kàfɔw si wi pye: «Da syée, níì cán mii n nǎnw bee nyɛ́nɛ n wòlo wi pye mii falipye-yariga waa mii mɛ́ɛgi kéele nyuu syɛɛnfeleyi ma, ní fànʔafɔbèle, ní Isirayɛli ye yòdaʔayi myɛ ma.

Kapyegèle 9:36

Pìitamawaa maa pye Zyɔpe ni cɔlɔɔ, pe i wi yiri Tabita, ní si i wi yiri Girɛkiiri ni Dɔrikasi. Wi maa ni kacàngēle saʔa kpéʔele, ní i foomɔfɔbèle dɛ̀ɛmɛ́.

Kapyegèle 9:39

A Pyɛri yìri n kári ní be ní. A wi ga sáà nan yaà, a be wi kɔ́ri n lúgu kpaataʔagi na. A lɔgucebèle myɛ nùuni wi na n ba ni nyaan, ní i be búroyi ní be fànibèle tèé wi na dee Dɔrikasi jɔli n kaan poro ma lè, lǎli ni wi pye ní poro ní lè.

Kapyegèle 9:41

A Pyɛri wi cò kɔ́gi na n yìrige n yérige, ní náà Kolocɔlɔɔ syɛɛncanbèle yeri ní lɔgucebèle ní n baa wi tɛ̀ɛn be na woweeo ní.

Wɔrɔmi ye 15:7

Gee bee na gi yɛlɛ ye yeyɛɛ zámaga ye cò àmɛɛ Kirisi wɔ́ɔ̀ yele sámaga n cò lè gee bee si nìjangbɔɔri taʔa Kolocɔlɔɔ na.

Wɔrɔmi ye 16:15

Ye Filologi ní Zyulii, ní Nere, ní wi senyɛnjew syáanri n fàra Wolɛnpi, ní Kolocɔlɔɔ syɛɛncanbèle myɛ na be yaà ní be ní lè.

Wɔrɔmi ye 16:23

Gayusi n yele syáanri wi lè mii ní Egiliziw myɛ jàtiginaɔn. Erasiti, wee wi kěgi wáli téeri lè, woro ní wolo senyɛnw Karitusi n yele syáanri.

Wɔrɔmi ye 16:6

Ye Marii syáanri yaà, wi n tɔ̀nɔ n fali saʔa kpéʔele yele ma.

Wɔrɔmi ye 16:9

Ye Uribɛn syáanri wi lè wolo falipyenyɛnw Kirisi fáliw ni, yé wɔ́ɔ mii syɛɛn-nidaanmaw Sitasyisi syáanri.

Efɛzi ye 5:3

Kàjáa ceyuugi, ní nànyuugi, ní kanɔnʔɔrɔ syɛ́ɛnraa faala ga yɛlɛ taa nyuu yele níngi ni í, wàlá fungbɔʔɔ syɛ́ɛnrɛ í, gee bee ga yɛlɛ Kolocɔlɔɔ syɛɛncanbèle na í.

Filipikaʔa ye 1:27

Gee nibin gi nyɛ gi ni lè, koro gi nyɛ yaa táanri yaa yɛlɛgi ní Kirisi Syɛɛnjóocǎnri ní, koro ga pye mii ga kári yaà sa yele wéle yoo, a mii náà kòro sìngári ni yaà yoo, mii í yele kéeli lóʔo pe jo yele i yaà n kòro pìle nibin ni, níì pínɛ ni kapɛɛnni kpúmɔn ní fungo nibin ní tágali kéele na li lè Syɛɛnjóocǎnri wólo,

Filipikaʔa ye 2:29

Ye wi sámaga ye cò Kàfɔw mɛ́ʔɛ na ní fundaangbɔɔrɔ ní, yáā syɛ́ɛnbèle bee félege kpɔ́ʔɔgi.

Kɔlɔsi ye 4:10

Mii kàsolenyɛnw Arisitaki ní Barinabasi senyɛnw Mariki n yele syáanri, Mariki ga nan yaà yele na, ye wi sámaga ye cò àmɛɛ tundunri da jo n kwɔ́ɔ yele ma lè wi kéeli na.

1 Timɔte 2:10

fwɔɔ kacànbyeri di yɛlɛ bi pye be fèredi, gee bee gi yɛlɛ cébèle í da kpéʔele, poro bele be jo lè pe i fɛ̀ɛgí Kolocɔlɔɔ na.

2 Timɔte 1:18

Kàfɔw í gi yaʔa Kàfɔw í ba nyinimɛ taa wi na cángi bee. Kérigèle gele myɛ na wi da mii màkow nyɔɔ lè Efɛzi ni, mɔ n ge cán n sɔ̀lɔ wozanbèle na.

Tiiti 2:3

Mí wɔ́ɔ gi joo kàcelɛɛbèle ma paa táanri Kolocɔlɔɔ yɛ́ɛgi fyáara na, ki ga yɛlɛ be pye mɛ́ɛkalagibéle í, koro ga jáa be pye sínmi púlobéle í. Ki n yɛlɛ paa cepiibèle tama kacǎngèle ni,

Filemɔn 1:12

Mii n wi lúrugo n tórigo mɔ ma, ki i nyɛ mɔ a jo mii tiimaa fúngi mii tórigo mɔ ma.

Filemɔn 1:17

Gee bee na, kapye mɔ n mii córo mɔ pínɛnyɛnnɛ, mi wi láa mɔ a jo mii tiimaa wii.

2 Zyan 1:10

Wàa ga pan yele ma, wi si ga pan ní tamani bee ní í, yele wàa a kɔ́ fɔ̀lɔ wee bee na bi wi lége wi kpaʔa ni í, yele a caa kɔ́ wi syáanri í!