Wɔrɔmi ye 15:8 - Cebaara Bible 2010

⁸ Níì cán mii n gi joo níì jo Kirisi n baa pye kɛ́nɛw fɔ̀ɔlɔ falipyeo Kolocɔlɔɔ kányɛɛgi kéele na jàngó bi nyɔɔfaliyi foro yee Kolocɔlɔɔ da kpéʔele lè be toolɛɛbèle ma,

Wɔrɔmi ye 15:8 Iomraidhean Croise

Kàseegèle 8:7

Níì cán mii nyɔ́ɔgi i kányɛɛgi nyuu, péemi i nyɛ mii nyɔ́ɔgi má yanɔnʔɔgɔ,

Misye 7:20

Mɔ a gi tɛ̀ɛn Zyakɔbi na àmɛɛ mɔ nyɛ lè tágala syɔ́ɔn, bi gi tɛ̀ɛn Abirahami na àmɛɛ mɔ nyɛ lè funjàngafɔlɔ, àmɛɛ mɔ da gi joo ní kàliga ní wolo tóolɛɛbèle ma lè booma ni yaà.

Matye 15:24

A wi be yari: «Pe ga mii tun pèle faala ma í, kapye Isirayɛli narigbaagi bàala má ban í, poro bele be pùuni lè.»

Matye 20:28

Kánmi bee na Syɔɔn-pya wɔ́ɔ̀ pan, wi ga pan syɔɔn í ba ra báara wi ma í. Kàjáa wi n pan bi ba ra báara syɛ́ɛnbèle ma si wi sìíw kaan syɛ̀ɛnnɛ saʔa nyunzyɔɔrɔ kéele na.»

Zyan 1:11

Wi maa pan wi tiimaa tári ma. Wi tári wòolo si ga baa fɔ̀lɔ wi na í.

Zyan 10:16

Bǎbèle pèle si ní i yaà mii ma, pe o nyɛ bàkpogi naa wòolo í. Ki n yɛlɛ mii í wɔ́ɔ sa bele bee kɔ́ri pan. Poro a wɔ́ɔ ba mii yákpoli cán, lǎli bee ni pe myɛ a ba pínɛ pye bàtogo nibin, bànaʔaɔ nibin si wɔ́ɔ pye be na.

Kapyegèle 13:46

A Pɔli ní Barinabasi soro n yére n gi joo be ma níì jo: «Ŋàʔanaga ki da pye Kolocɔlɔɔ syɛ́ɛnri í dée séli joo yele ma, kàjáa àmɛɛ yele tɔ̀nɔ n di cée lè níì gi tímana yele fúnyi ni n gi nyaa yele ga yɛlɛ ní sìibangwɔɔw ní í, gee bee na wolo a kári syɛɛnfeleyi wozanya ma.

Wɔrɔmi ye 11:22

Gee bee na mi gi wéle àmɛɛ Kolocɔlɔɔ funjǎngi ní wi fundanʔari nyɛ lè, bele be láʔa n too lè, wi fundanʔari i nyɛ bele bee na, wi si i funjànga kpéʔele mɔ ma, kàjáa ki n yɛlɛ mɔ í kòro wi funjǎngi ni. Kapye koro ban í, wi a wɔ́ɔ mɔ ceri bi láʔa.

Wɔrɔmi ye 11:30

Amɛɛ gi pye lè sélimi na yele da ni lúro Kolocɔlɔɔ ma í, kàjáa tɔ́ɔliw ni Isirayɛli ye sìnloʔomi kéele na Kolocɔlɔɔ baa nyinimɛ taa yele na.

Wɔrɔmi ye 15:16

níì jo mii í pye Kirisi Zyezu falipyeo syɛɛnfeleyi ma. Mii i nyɛ àmɛɛ sáriga-wòloo nyɛ lè ni Kolocɔlɔɔ Syɛɛnjóocǎnri fáli kpéʔele, koro ga pye mii í syɛɛnfeleyi kaan Kolocɔlɔɔ ma sáriga, wee wi Kolocɔlɔɔ dɛ́nɛ lè, àmɛɛ Pìicǎnni a yi jée mùnu bi yaʔa wi ma lè.

Wɔrɔmi ye 3:26

koro ga pye bi woro sínni tɛ̀ɛn tɔ́ɔliw naa ni àmɛɛ woro tiimaa sín lè ní i sínni kaangi bele ma be tági Zyezu na lè.

Wɔrɔmi ye 3:3

Ki ga pye poro pèle o nyɛ tágala syɛɛnnɛ í, a gee bee a gbǎn Kolocɔlɔɔ kàriga lé wi a ní pye tágala syɔ́ɔn í?

Wɔrɔmi ye 4:16

Gee bee na nyɔɔfaligi da kpéʔele tágali kéele na, jàngó gi pye yakaandelege, koro ga pye Abirahami yòdaʔayi myɛ í gi taa, ki si a kɔ́ pye Mowizi làlwaw kôdanʔabéle yagwɔɔlɔ wóʔo í, kàjáa bele má Abirahami tágali félege nyɛ lè, wi nyɛ lè wo myɛ tóow, ki wɔ́ɔ pye bele bee wóʔo,

1 Korɛnti ye 1:12

Koro gi nyɛ yele i gi nyuu yaà yeyɛɛ ma kánmi naa na: «Wàa a jo: ‹Mii i nyɛ Pɔli wóo!› Wee si jo: ‹Mii i nyɛ Apolɔsi wóo!› Wàa si ní jo: ‹Mii i nyɛ Sefasi wóo!› Wee si mɛ̀ɛ́ níì jo: ‹Mii i nyɛ Kirisi wóo!› »

1 Korɛnti ye 10:19

A yele mii syɛ́ɛnri naa tɛɛkáriga cán lé? Yasungo káara i nyɛ lé yarigaa? Ba yasungi tiimaa i nyɛ lé yarigaa? Eʔe.

1 Korɛnti ye 10:29

Syɔ́ɔnw bee fûngabalaga na mii nyɛ, yele wógi na ban mii nyɛ í. Níì cán nyàʔá na syɔɔn fûngabalagi yɛlɛ gi kɔ kútii kúun mii wɔ́rɔdi na?

1 Korɛnti ye 15:50

Ni senyɛ̀nnɛ, mii syɛ́ɛnri naa kɔ́rɔ wi nyɛ céri ní sìsyaanw a gbǎn Kolocɔlɔɔ fǎngi kɔ́rigɔ lìi í, fɔ́nʔɔmi a gbǎn sìnvɔnʔɔmi kɔ́rigɔ lìi í.

2 Korɛnti ye 1:20

Níì cán Kolocɔlɔɔ nyɔɔfaliyi myɛ i nyɛ ɛɛn Zyezu ni. Gee bee na wolo gi nyuu Amiina woro bárigaw ni jàngó bi kpɔʔɔrɔ taʔa Kolocɔlɔɔ na.

Efɛzi ye 2:12

Lǎli bee ni yele da Kirisi cán í, yele lɛɛlɛ da wɔ́ɔ̀ pye Isirayɛli ye wɔ́rɔbiigèle nínge ni í, yele maa pye nibɔɔnnɔ nyɔɔfaligi joogaangéle kabaan na, níì pye dulunyanw ni sɔ̀ngumɔ tɛɛtaʔaga fun, yele da wɔ́ɔ̀ Kolocɔlɔɔ cán í.