Wɔrɔmi ye 15:7 - Cebaara Bible 2010

⁷ Gee bee na gi yɛlɛ ye yeyɛɛ zámaga ye cò àmɛɛ Kirisi wɔ́ɔ̀ yele sámaga n cò lè gee bee si nìjangbɔɔri taʔa Kolocɔlɔɔ na.

Wɔrɔmi ye 15:7 Iomraidhean Croise

Matye 10:40

«Wee wi ga fɔ̀lɔ yele na lè, mii na wi wɔ́ɔ̀ fɔ̀lɔ. Wee si wi fɔ̀lɔ mii na lè, mii Tunvɔw na wi sèʔê fɔ̀lɔ.

Mariki 9:37

«Wee wi ga pìíw naa wàa félege láa lè mii mɛ́ɛgi na, mii tiimaa wi láa. Wee si wi ga mii láa lè, mii ban wi láa í, mii Tunvɔw wi láa.»

Luki 15:2

A Farisibèle ní làlwaw sɛ́bɛwelebéle i wi sànʔá níì jo: «Nǎnw naa i kapeebyebèle sámagi ni có, ní wɔ́ɔ i líi ní be ní.»

Luki 9:48

níì be pye: «Wee wi ga pìíw naa láa lè mii mɛ́ɛgi na, mii wi sèʔê láa. Wee si wi ga mii láa lè, mii Tunvɔw wi wɔ́ɔ̀ láa. Níì cán wee wi ga wiyɛɛ jɛ́rɛ lè yele níngi ni, wee bee wi nyɛ wogbɔɔw.»

Zyan 13:34

Mii a tundunvɔ́nrɔ joo yele ma. Tundunri bee di nyɛ: Ye tàmaga le ní yeyɛɛ ní. Amɛɛ mii tàmagi le ní yele ní lè, ki n yɛlɛ yele í wɔ́ɔ gi le ní yeyɛɛ ní.

Zyan 6:37

Bele Tofɔw kaangi mii ma lè, bele bee myɛ a ra maa mii ma, syɔ́ɔnwee wi ga pan mii ma lè, mii a tée wee bee nɛnɛ yirige kàfugi na í.

Wɔrɔmi ye 15:9

syɛɛnfeleyi wozanya si wɔ́ɔ ra Kolocɔlɔɔ kpɔ̀ʔɔrɔ́ wi nyínimi kéele na, àmɛɛ gi sɛ́bɛ lè níì jo: «Gee bee na mii a ra mɔ kpɔ̀ʔɔrɔ́ syɛɛnfeleyi nínge ni. Sáā kpɔ̀ʔɔrɔli ŋúnuyo ŋúu mɔ mɛ́ɛgi na.»

Wɔrɔmi ye 5:2

Níì cán kpɔ́ʔɔri naa ni wolo nyɛ lè woro wi gi kaan a wolo tɛɛ̀jeʔe taa di ni tágali báriga ni. Wolo si wɔ́ɔ i nyɔ̌ngbɔɔlɔ táanri àmɛɛ wolo wolo sɔ̀ngumi taʔa gi na lè, ncan wolo a lɛɛlɛ taa Kolocɔlɔɔ nìjangbɔɔri ni.

Efɛzi ye 1:12

koro ga pye wolo í pye wi nìjangbɔɔri kpɔ̀ʔɔrɔlɔ kánma na, wolo bele wo sélì wo sɔ̀ngumi taʔa lè Kirisi na.

Efɛzi ye 1:18

Wi wɔ́ɔ yele yaʔa yele í da nyaagi yele fúnyi ni, koro ga pye sɔ̀ngumi tɛɛtaʔaga kéele na wi yele yeri lè, yele í gee bee cán bi fàra wi kɔ́rigi nìjangbɔɔrɔ lɔnɛʔɛrɛ na, gi nyɛ lè wi syɛɛncanbèle,

Kɔlɔsi ye 3:13

Kapye yele wàa i sɔ̀ngí wàa n kapeele pye woro na, ki n yɛlɛ yaa yeyɛɛ kpàracó yáā yeyɛɛ kùsulugi syoo. Kánmee na Kàfɔw yele kùsulugi syɔɔ lè, ki n yɛlɛ ye wɔ́ɔ yaa yeyɛɛ kùsulugi syoo kánmi bee na.