Wɔrɔmi ye 15:6 - Cebaara Bible 2010

⁶ koro ga pye yele myɛ í pye nyɔɔ na sáā Kolocɔlɔɔ kpɔ̀ʔɔrɔ́ ní fungo nibin ní, woro wee wi lè wolo Kàfɔw Zyezu Kirisi Tóow.

Wɔrɔmi ye 15:6 Iomraidhean Croise

Sofonii 3:9

«Lǎli bee ni mii a syɛɛnfeleyi nyɔ́ɔwara jée mùnu koro ga pye pe myɛ í da Yawe mɛ́ɛgi yiri sáā báara wi ma ní fungo nibin ní.

Zakarii 13:9

Mii a tíla-taanri wógi bee le náagi ni, mii a nɔ́nʔɔri yirige be ni àmɛɛ be nɔ́nʔɔrɔ yirigi wálifiio ni lè, mii a be sɛʔɛ wéle àmɛɛ be tɛɛ̀ sɛʔɛ ni wéle lè. Pe a mii mɛ́ɛgi yeri, mii a lóʔo be ma. Mii a gi joo si jo: ‹Poro be nyɛ mii syɛ́ɛnbèle!› Pe a gi joo si jo: ‹Yawe wi nyɛ wolo Kolocɔlɔw!› »

Zyan 20:17

A Zyezu wi yari: «Mɔ a kɔ́ mii cǒ yérige í, níì cán mii ga kɔ́ɔ̀ lúgu n kári Tofɔw ma í. Kàjáa da syée mi sa mii senyɛnbèle pye: Mii a lúgu kári mii Tóow ma, wi lè yele Tóow, woro wee wi lè mii Kolocɔlɔw, ní wɔ́ɔ i nyɛ yele Kolocɔlɔw.»

Kapyegèle 4:24

Amɛɛ be gi lóʔo lè, a pe myɛ pínɛ n nyɛ́ɛri Kolocɔlɔɔ ma ní fungo nibin ní níì jo: «Kàfɔgbɔɔw, mɔ wee wi nyɛ lè nyɛ̀ʔɛni, ní tári, ní sólomi lòkpɔʔɔ, ní di fúnyi yárira myɛ faanfɔlɔ,

Kapyegèle 4:32

Syɛ́ɛnmi pi da tága lè, pi myɛ maa pye fungo nibin na, ní pìle nibin ni. Pe wàa faala da ni woro kɔ́lɔ yáriri córo woro nibin wóro í, níì cán pe maa be yáriri myɛ pye fòrobáa.

2 Korɛnti ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní, wi lè wi Tóow, woro wee wi lè Tofɔw, wee nyínimɛ bi nɛʔɛ lè, ní wɔ́ɔ i nyɛ Kolocɔlɔɔ wee wi syɔɔn kɛɛlɛ kérigèle myɛ ni lè,

2 Korɛnti ye 11:31

Kàfɔw Zyezu Kolocɔlɔw, wi lè wi Tóow, woro wee wi lè dùbanaa-bàngwɔɔw fɔ́lɔ, woro n gi cán mii o finɛ í!

Efɛzi ye 1:17

jàngó wolo Kàfɔw Zyezu Kirisi Kolocɔlɔw, wi lè nìjangbɔɔri Tofɔlɔ, woro í sícilimɛ fúnyo kaan yele ma, sáā wi kérigèle tèé yele na, koro ga pye yele í wi sámaga cán.

Efɛzi ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní wi lè wi Tóow, woro wee wi Pìicǎnni kpɔ́ʔɔrɔ féleye myɛ kaan lè wolo ma nyɛ̀ʔɛni tɛ́ɛyɛ ni àmɛɛ wolo nyɛ lè Kirisi ni.

Kɔlɔsi ye 1:3

Wolo i bariga kaangi Kolocɔlɔɔ ma wi lè wolo Kàfɔw Zyezu Kirisi Tóow, ní i wi nyɛ́ɛri làla o làla yele kéeli na.

1 Pyɛri 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní, wi lè wi Tóow, woro wee wi wolo séli n see lè kavɔn Zyezu Kirisi nyán-yirili báriga ni kúbèle nínge ni n yɛlɛ ní wi nyininɛʔɛmi ní, jàngó wolo í sɔ̀ngumɔ tɛɛtaʔaga woweʔe taa,

Tɛ̀ɛnnɛ 1:6

níì wolo kpéʔele fànnyɔɔgaa, gee ni wolo nyɛ lè wi Tóow Kolocɔlɔɔ sáriga-wòlobēle, woro wee na nìjangbɔɔri ní séekpɔɔw yɛlɛ lè làla o làla kwɔ́ɔmɔ fun! Amiina!