Wɔrɔmi ye 15:5 - Cebaara Bible 2010

⁵ Kolocɔlɔwee má kpàracogi ní kɛɛlɛli myɛ yìrigí lè, ki n yɛlɛ woro í gi yaʔa yele í pye ní yeyɛɛ ní fungo nibin na bi yɛlɛ ní Kirisi Zyezu kínidɛnɛgi ní,

Wɔrɔmi ye 15:5 Iomraidhean Croise

2 Cányi kèlē 30:12

Kolocɔlɔɔ kɔ́gi maa wɔ́ɔ̀ báara Zyuda ni n funnijanga kaan be ma, n gi yaʔa a be gi kpéʔele n yɛlɛ ní gee ní fànʔafɔw ní syɛɛnkpolobèle da joo n gbàn lè n yɛlɛ ní Yawe syɛ́ɛnri ní.

Ŋúnuyi 86:5

Níì cán Kàfɔw mɔ fúngi n nyɔɔ, mɔ i kùsulugi syoo, mɔ nyínimi n tɔ̀nɔ n nɛʔɛ bele myɛ kàbaan na pe mɔ mɛ́ɛgi yiri lè.

Yirile 34:6

A Yawe sɔ̀lɔ wi yɛʔɛ̀ ma níì jo: «Mii Yawe, mii Yawe wi nyɛ nyinidaari Kolocɔlɔɔ, wee wi nyɔɔgi syɔɔn na lè, mii fúngi o wári taanri í. Mii i nyɛ funjàngafɔlɔ ní tágala syɔ́ɔn, dee bee i nyɛ mii ma saʔa,

Zyeremii 32:39

Mii a fun-níjanga kaan be ma, ní tánʔagan-níjanma, koro ga pye paa fɛ̀ɛgí mii na làla o làla pe nyɔɔmi, ní be pìíbèle nyɔɔmɔ kéele na, pe kàdoʔo ma naa.

Ezekyɛli 11:19

Mii a fungo nibin kaan be ma, mii a pìifɔnnɔ le yele ni, mii a kàdɛnɛgi fúngo yirige be céri ni, si cere fúngo kaan be ma.

Kapyegèle 4:32

Syɛ́ɛnmi pi da tága lè, pi myɛ maa pye fungo nibin na, ní pìle nibin ni. Pe wàa faala da ni woro kɔ́lɔ yáriri córo woro nibin wóro í, níì cán pe maa be yáriri myɛ pye fòrobáa.

Wɔrɔmi ye 12:16

Ye pye fungo nibin na ní yeyɛɛ ní. Yele a kɔ́ kpɔ́ɔmi sɔ̀ngurɔ yaʔa di jée yele ni í, fwɔɔ yaa sɔ̀ngí màámi fɔ̀ɔlɔ kéele na. Yele a kɔ́ ra yeyɛɛ jóro sícilimɛ fɔ̀ɔlɔ í.

Wɔrɔmi ye 15:13

Kolocɔlɔwee wi nyɛ lè sɔ̀ngumi tɛɛtaʔaga kaanfɔlɔ, ki n yɛlɛ woro í yele fúnyi nyìn fundaanri myɛ ní fûnnyingi myɛ na tágali kólogo ni, koro ga pye kàa í da taari yele sɔ̀ngumi taʔala na Pìicǎnni fànʔa báriga ni.

Wɔrɔmi ye 15:3

Níì cán Kirisi da ni wi tiimaa kanidaangèle kpéʔele í, fwɔɔ àmɛɛ ki da sɛ́bɛ lè níì jo: «Bele be mɔ teeri lè, pe tɛʔɛlɛyi n too mii na.»

1 Korɛnti ye 1:10

Ni senyɛ̀nnɛ, mii i yele nyɛ́ɛri wolo Kàfɔw Zyezu Kirisi mɛ́ɛgi na níì jo ye bɛ̀ɛ nibin na, yele a kɔ́ ra wálagi yeyɛɛ na í, fwɔɔ ye pínɛ ye pye nibin, funzɔnguri ní syɛɛnjóori na.

2 Korɛnti ye 13:11

Tɔ́ɔliw ni, ni senyɛ̀nnɛ, ye pye fundaanra na, yaa yeyɛɛ zámagi yé sín ye foro, yáā yeyɛɛ kɛɛlɛ, yé pye fungo nibin na, ye wɔ́ɔ pye fûnnyinge na, koro ga pye Kolocɔlɔɔ wi lè tàmagi ní fûnnyingi Kàfɔlɔ, woro a pye ní yele ní.

2 Korɛnti ye 7:6

Kàjáa Kolocɔlɔɔ wi funjurugoyi fɔ̀ɔlɔ kɛɛlɛ lè, wi n wolo kɛɛlɛ Tiiti panni báriga ni.

Efɛzi ye 5:2

yaa táanri tàmagi na àmɛɛ Kirisi wɔ́ɔ̀ tàmaga le ní wolo ní lè níì wiyɛɛ gaan Kolocɔlɔɔ ma yakanʔa ní sáriga, wolo kéeli na àmɛɛ nùndaanna yáriga nyɛ lè.

Filipikaʔa ye 1:27

Gee nibin gi nyɛ gi ni lè, koro gi nyɛ yaa táanri yaa yɛlɛgi ní Kirisi Syɛɛnjóocǎnri ní, koro ga pye mii ga kári yaà sa yele wéle yoo, a mii náà kòro sìngári ni yaà yoo, mii í yele kéeli lóʔo pe jo yele i yaà n kòro pìle nibin ni, níì pínɛ ni kapɛɛnni kpúmɔn ní fungo nibin ní tágali kéele na li lè Syɛɛnjóocǎnri wólo,

Filipikaʔa ye 2:2

ye mii fundaanri yaʔa di foro. Níì cán yele ga bɛ̀ɛ, á tàmanijanga pye yele ni, á yele pye fungo nibin na, á yele sɔ̀nguri wɔ́ɔ̀ pye nibin, kánmi bee na yele a mii fundaanri foro.

Filipikaʔa ye 3:16

Koro ní ki myɛ ní, ki n yɛlɛ wolo í da táanri da yɛlɛgi ní wolo wojángwɔɔri ní.

Filipikaʔa ye 4:2

Mii i Evodii nyɛ́ɛri, ni Sɛntisyi nyɛ́ɛri níì jo pe bɛ̀ɛ nibin na Kàfɔw ni.

1 Pyɛri 3:20

Gee bee n jo booma nicéebèle pìigēle, bele be lè pe da ni lúro Kolocɔlɔɔ ma í, lǎli ni wi da ni be sige lè ní kpàracogo ní Nowe cányi ni, cányee ni wi da ni kɔ́rɔkpɔɔgi sámagi lè, syɛ̀ɛnnɛ cɛɛri pe da jée kɔ́rɔkpɔɔgi bee ni n syɔɔ lǒgi báriga ni, gee bee n jo syɛ̀ɛnnɛ kɔrɔtaanri.

1 Pyɛri 3:8

Koro myɛ kàdoʔo ma ki n yɛlɛ ye myɛ sɔ̀ngurɔ í pye sèjira, yé pye fungo nibin na. Senyɛnnɛgi tàmaga n yɛlɛ gi pye yele ni, yáā nyinimɛ taagi yeyɛɛ na, yáā màama kpéʔele yeyɛɛ ma.

2 Pyɛri 3:15

Ki n yɛlɛ yaa wolo Kàfɔw kpàracogo córo syɔɔli sábabu, àmɛɛ wolo senyɛn-nidaanmaw Pɔli da wɔ́ɔ̀ gi joo yele ma lè wi sɛ́bɛw ni n yɛlɛ ní sícilimi ní, bee Kolocɔlɔɔ kaan wi ma lè.

2 Pyɛri 3:9

Kàfɔw o mɔngi wi nyɔɔfaligi forolo na àmɛɛ pèle gi sɔ̀ngí lè í, kàjáa wi i kpàracogo kpéʔele yele kéeli na. Wi o caa wàa faala í kálagi í, níì cán wi i caa pe myɛ í ba kàdoʔo wáa be kapeegèle ma.