Wɔrɔmi ye 15:4 - Cebaara Bible 2010

⁴ Syɛ́ɛnree myɛ si ti da sɛ́bɛ lè booma ni Kolocɔlɔɔ syɛɛnsɛbɛri ni, dee bee maa sɛ́bɛ wolo tamani kéele na, koro ga pye kpàracogi ní kɛɛlɛli wi syɛɛnsɛbɛri kaangi wolo ma lè, wolo í sɔ̀ngumɔ tɛɛtaʔaga taa dee bee báriga ni.

Wɔrɔmi ye 15:4 Iomraidhean Croise

Ŋúnuyi 102:18

Wi a wi yɛ́ɛgi fíige foomɔfɔw nyɛ́ɛrigɛ ma, wi a tée wi nyɛ́ɛrigi faʔa í.

Ŋúnuyi 119:50

Toro di mii kpɛʔɛlɛ mii wɔʔɔgi làla ni, níì cán mɔ nyɔɔfaligi i sìi kaangi mii ma.

Habakuki 2:2

A Yawe syɛɛnlurugori kaan mii ma níì jo: Yanyaʔa sɛ́bɛ, ki kánʔana mi wòlo kàlagoripiigéle na, jàngó ti kàlama dɛ́nɛ.

Wɔrɔmi ye 12:12

Yaa fundaanra kpéʔele sɔ̀ngumi tɛɛtaʔaga kéele na, yáā kpàracogo kpéʔele wɔʔɔyi fúngo ni, yé kòro yaa nyɛ́ɛri làla o làla.

1 Korɛnti ye 10:11

Kérigèle bee myɛ maa kpéʔele be na jàngó bi pye fɛ̀ɛ wolo ma ní wɔ́ɔ̀ sɛ́bɛ bi wolo sàmi, wolo bele na làrizanni nan lè.

1 Tesaloniki ye 1:3

Wolo i sɔ̀ngí ni taagi yele kéeli na làla o làla wolo Tóow Kolocɔlɔɔ nyɛ́nɛ na, àmɛɛ yele báara lè tágali ní tàmagi báriga ni, ní àmɛɛ yele kpàracogi kpéʔele lè yele sɔ̀ngumi taʔala báriga ni wo Kàfɔw Zyezu Kirisi na.

1 Pyɛri 1:13

Koro na ye nìrimɛ le yeyɛɛ ni, yé yeyɛɛ cǒmi cán, yé wɔ́ɔ yele sɔ̀ngumi myɛ taʔa kpɔ́ʔɔri na, dee yele a ba taa lè Zyezu Kirisi tɛ̀ɛ́nni làla ni.