Wɔrɔmi ye 15:3 - Cebaara Bible 2010

³ Níì cán Kirisi da ni wi tiimaa kanidaangèle kpéʔele í, fwɔɔ àmɛɛ ki da sɛ́bɛ lè níì jo: «Bele be mɔ teeri lè, pe tɛʔɛlɛyi n too mii na.»

Wɔrɔmi ye 15:3 Iomraidhean Croise

Ŋúnuyi 69:20

Mɔ n gi cán kánmee na pe mii teeri lè, ní wɔ́ɔ i fɛ̀ɛ́ri wáa mii na lè, ní i mii cɛ́rɛgi lè. Mɔ nyɛ́nɛ i nyɛ mii kàsiitun-nyɛ́nbèle myɛ na.

Ŋúnuyi 69:9

Mii n baa kàri nibɔɔn mii senyɛnbèle ma, mii laayirinyɛnbèle i mii córo táraa nikwɔɔ syɔ́ɔn.

Matye 10:25

Ki tɛɛ̀yéregi gi nyɛ pìitamaw í pye ní wi tamafɔw ní sèjira, púlow si wɔ́ɔ pye ní wi kàfɔw ní sèjira. A be si gbàn ni narigbaagi wólɛɛɔ yiri Bɛlizebuli yɔ́ɔ̀, n náa kɔ́ɔ̀ yére wi kpaʔa wóbèle na.

Matye 26:39

A wi ga sɛ̀ʔɛrɛ yɛʔɛ̀ ma cɛɛri, a wi too n wi yɛ́ɛgi cíbele ní i nyɛ́ɛri níì jo: «Mii Tóow, kapye ki a gbǎn kpéʔele, ki n yɛlɛ yagbaagi naa í léeli mii na! Kàjáa ki ga yɛlɛ mii nyɛ́nɛ kéeli í kpéʔele í, fwɔɔ mɔ nyɛ́nɛ wóli.»

Matye 26:42

A wi núngo be taana tɔziin wógi na, n sa ni nyɛ́ɛri níì jo: «Mii Tóow, kapye mii a gbǎn kòro yagbaagi naa sìngbaa ni í, ki n yɛlɛ mi mɔ nyɛ́nɛ kéeli yaʔa li foro.»

Matye 27:44

Kàyuu-fànʔafɔbèle bele pe da kóri lè wi taana, a poro wɔ́ɔ i wi teeri.

Zyan 15:10

Yele ga ni mii tundunri kɔngi ní i di kpéʔele, yele a kòro mii tàmagi ni, àmɛɛ mii mii Tóow wóro kɔngi ní i di kpéʔele lè níì kòro wi tàmagi ni.

Zyan 15:24

Kapye mii da ni kérigèle kpéʔele be níngi ni í, gele ge lè syɔɔn ga kɔ́ɔ̀ li làa kpéʔele í, kapeele mǎà dée pye be na í. Kàjáa tɔ́ɔliw ni pe n mii kapyegèle nyaa, á mii ní mii tóow kéele sèʔê be bɛɛn.

Zyan 4:34

A Zyezu be pye: «Gee gi nyɛ lè mii lìíli, koro gi nyɛ mii í da mii Tunvɔw nyɛ́nɛ kèlē kpéʔele sáā wi fáliw forogi.

Zyan 5:30

«Mii a gbǎn yarigaa kpéʔele niyɛɛ bárigaw ni í, mii i kútiiw kúunri ni yɛlɛgi ní mii kaloʔogèle ní. Gee bee na mii kútiiw síngi, níì cán mii o caa bàā mii nyɛ́nɛ kèlē kpéʔele í, fwɔɔ mii Tunvɔw nyɛ́nɛ kèlē.

Zyan 6:38

Níì cán mii ga yìri nyɛ̀ʔɛni na n tìgi naa tári na mii nyɛ́nɛ kéele na í, mii Tunvɔw nyɛ́nɛ kéele na mii tìgi naa.

Zyan 8:29

Mii Tunvɔw i nyɛ ní mii ní, wi ga mii yaʔa mii nibin í, níì cán mii i wi nyɛnɛ kérigèle kpéʔele làla o làla.»

2 Korɛnti ye 8:9

Níì cán yele n wolo Kàfɔw Zyezu Kirisi kpɔ́ʔɔri kéele cán, woro wee wi da pye lè lɔrɔfɔlɔ, á wi baa wiyɛɛ gbéʔele foomɔfɔlɔ yele kéeli na, jàngó yele í ba pye lɔrɔfɔɔlɔ woro fóomi báriga ni.

Filipikaʔa ye 2:5

Sɔ̀nguree ti da pye lè Kirisi Zyezu ni, ki n yɛlɛ sɔ̀nguri bee wonijanra í wɔ́ɔ pye yele ni.

Filipikaʔa ye 2:8

kánmi bee na wi wiyɛɛ jɛ́rɛ, ní i lúro Kolocɔlɔɔ ma fwɔɔ n baa fɔ̀lɔ kùúw na, wi lè tiiparigi kùu.