Wɔrɔmi ye 15:2 - Cebaara Bible 2010

² Ki n yɛlɛ wolo myɛ nibin nibin í da wolo syɛɛnnyɛnbèle kanidaangéle kpéʔele pe nyɔɔmi kéele na jàngó kàa í da fàrá be tágali na.

Wɔrɔmi ye 15:2 Iomraidhean Croise

Wɔrɔmi ye 14:19

Koro na kérigèle ke a gbǎn bɛ̀ɛ́li yaʔa li kòro wolo níngi ni lè, si wɔ́ɔ wolo yaʔa waa woyɛɛ dɛ̀ɛmɛ́ kàa sáā fàrá wolo tágali na lè, waa gele bee caa.

1 Korɛnti ye 10:23

Syɔɔn a gbǎn kérigèle myɛ kpéʔele, koro i nyɛ kányɛʔɛ, kàjáa ye gi cán tɔ̀nɔ o nyɛ ke myɛ ni í. Syɔɔn a gbǎn kérigèle myɛ kpéʔele, ke myɛ si a gbǎn kàa taʔa wi na í.

1 Korɛnti ye 10:24

Wàa faala ga yɛlɛ waa wiyɛɛ nyɔɔmɔ caa í, fwɔɔ wàa nikwɔɔ wómɔ.

1 Korɛnti ye 10:33

Anbée mii tiimaa wɔ́ɔ i syɛ́ɛnbèle myɛ kanidaangéle kpéʔele kérigèle myɛ ni. Mii o niyɛɛ nyɔɔmɔ caa í, fwɔɔ syɛɛnnɛʔɛmɛ wómɔ, koro ga pye be syɔɔ.

1 Korɛnti ye 13:5

ki o kanaa-sìnzinre kpéʔele í, ki o kiyɛɛ nyɔɔmɔ caa í, ki o fundanʔara kpéʔele í, ki o kapeele sɔ̀ngí í,

1 Korɛnti ye 14:26

Ni senyɛ̀nnɛ, nyàʔá si yele yɛlɛ bi kpéʔele? Yele ga yeyɛɛ gbóʔoro lǎlee ni lè, fali i nyɛ yele myɛ nibin nibin ma, ŋúnugo yoo, tamana yoo, kalaragèle tɛ̀ɛnnɛ yoo, syɛɛnfeleri joolo yoo, syɛɛnfeleri kàrigala yoo, gee bee myɛ n yɛlɛ gi kpéʔele bi gbǎn kàa fàra yele tágali na.

1 Korɛnti ye 14:3

Wee si wi kérigèle nyaagi ni nyuu lè, woro màʔá i nyuu ní syɛ́ɛnbèle ní ni kàa taari be tágali na, ní i be tama ní i be kɛɛlɛ.

2 Korɛnti ye 12:19

Nlaa yaà làridɔɔnnɔ ni yele i gi sɔ̀ngí mɔ a jo wolo i tànʔa caa yele ma. Eʔe, mii syɛɛn-nidaanmabèle, Kolocɔlɔɔ yɛ́ʔɛ ma wolo nyuu àmɛɛ wolo nyɛ lè Kirisi ni, koro myɛ si i nyɛ bi kàa taʔa yele na.

2 Korɛnti ye 13:9

Wolo ga pye fànʔa fun lǎlee ni lè, á yele si i nyɛ ní fànʔa ní, fundaanra i nyɛ wolo ma lǎli bee ni, gee si wolo caa lè wolo nyɛ́ɛrigi ni, koro gi nyɛ yele í sín bi foro.

Efɛzi ye 4:12

Wi n koro kpéʔele jàngó bi Kolocɔlɔɔ syɛɛncanbèle nyɔɔ bi foro, koro ga pye poro í da Kolocɔlɔɔ fáliw kpéʔele, kàa sáā taari Kirisi céri na,

Efɛzi ye 4:29

Ki ga yɛlɛ syɛɛnpeeraa faala í kɔ́ yiri yele wàa nyɔ́ɔ ni í, fwɔɔ syɛɛntaanra, dee ti a gbǎn ti lóʔofɔbèle kɛɛlɛ lè, sáā kàa fàrá be na tágali kólogo ni bi yɛlɛ ní be màkonyɔɔri ní.