Wɔrɔmi ye 15:1 - Cebaara Bible 2010

¹ Wolo bele wo nìri lè tágali ni, ki n yɛlɛ wolo í da fànʔa-fùnvɔbèle túgoro tugu woyɛɛ na, ki ga yɛlɛ wolo í da wolo tiimaa kanidaangèle kpéʔele í.

Wɔrɔmi ye 15:1 Iomraidhean Croise

Wɔrɔmi ye 14:1

Syɔ́ɔnwee tágala li cɛ́rɛ lè yele níngi ni, ye wi sámaga ye cò cama, yele a kɔ́ ra wi kábala wi sɔ̀nguri kèlē na í.

Wɔrɔmi ye 14:2

Ye gi wéle, wàa n tága gi na woro a gbǎn ra yáriri myɛ líi, á wàa nikwɔɔ fànʔa si cɛ́rɛ, a woro i yaliifálari yagana líi.

Wɔrɔmi ye 4:20

Sìndagala da pye wi fúngi ni a wi i wiyɛɛ gábala Kolocɔlɔɔ nyɔɔfaligi na í, kàjáa wi maa fànʔa taa tágali báriga ni ní i Kolocɔlɔɔ kpɔ̀ʔɔrɔ́,

1 Korɛnti ye 4:10

Wolo i nyɛ nilabalabéle Kirisi kéeli na, yele si i nyɛ sícilibēle Kirisi ni. Wolo i nyɛ fànʔa fun, yele si i nyɛ ní fànʔa ní. Pe n yele kpɔ́ʔɔ, níì wolo faʔa!

1 Korɛnti ye 9:22

Bele fànʔa gi cɛ́rɛ lè tágali ni, mii ga pye ní bele bee ní, mii n niyɛɛ bye mɔ a jo poro wàa wii, koro ga pye mii í poro pèle taa. Mii n niyɛɛ gàriga féleyi myɛ na syɛɛnfeleyi myɛ ma, koro ga pye mii í poro pèle taa syɔɔ.

2 Korɛnti ye 12:10

Koro na mii i fundaanra kpéʔele mii fànʔa-fǔnmi kèlē na, n náà fàra tɛʔɛlɛyi, ní fɔ̀rɔyi, ní wɔʔɔyi, ní kagbanyi na yi tuun mii na lè Kirisi kéeli na. Níì cán mii fǎngi ga cɛ́rɛ lǎlee ni lè, lǎli bee ni mii nyɛ ní fànʔa ní.

Efɛzi ye 6:10

Gee gi syɛɛnsanri kwɔ́ɔ lè, àmɛɛ yele nyɛ lè Kàfɔw ni, ki n yɛlɛ ye nìrimɛ le yeyɛɛ ni wi séekpɔɔw fànʔa báriga ni.

Filipikaʔa ye 2:4

Ki ga yɛlɛ yele wàa faala í da sɔ̀ngí wi tiimaa kérigèle yagana na í, kàjáa ki n yɛlɛ waa sɔ̀ngí pèle nikwɔɔlɔ kele na wɔ́ɔgēle.

1 Tesaloniki ye 5:14

Ni senyɛ̀nnɛ, wolo i yele nyɛ́ɛri níì jo, yaa sàlagafɔbèle sàmí, yáā fyáarafɔbèle zɔ̀nbēle nìrí, yé wɔ́ɔ yaa fànʔa-fùnvɔbèle tɔʔɔlɔ, yáā syɛ́ɛnbèle myɛ kpàracó.

2 Timɔte 2:1

Gee bee na, ni pyà, ki n yɛlɛ mi nìrimɛ le kpɔ́ʔɔri báriga ni, dee wo taa Kirisi Zyezu ni lè.

1 Zyan 2:14

Yele pìíbèle, mii n sɛ́bɛw naa sɛ́bɛ bi tórigo yele ma, níì cán yele n Tofɔw cán. Yele tofɔbèle, mii n sɛ́bɛw naa sɛ́bɛ bi tórigo yele ma, níì cán wee wi da téè pye yaà lè nlaa gi sélimi na, yele n wee bee cán. Yele nìgɔcaribèle, mii n sɛ́bɛw naa sɛ́bɛ bi tórigo yele ma, níì cán yele n nìri, a Kolocɔlɔɔ syɛ́ɛnri wɔ́ɔ̀ kòro yele ni, a yele wɔ́ɔ̀ Wobeew jáa.