Wɔrɔmi ye 14:3 - Cebaara Bible 2010

³ Wee wi yáriri myɛ líi lè, ki ga yɛlɛ wi yaliifálari yagana lìifɔlɔ faʔa í, ki ga wɔ́ɔ̀ yɛlɛ yaliifálari yagana lìifɔlɔ í yáriri myɛ lìifɔlɔ córo kolomɔfɔlɔ í, níì cán Kolocɔlɔɔ n wi sámaga n cò.

Wɔrɔmi ye 14:3 Iomraidhean Croise

Zakarii 4:10

Koro na wìí wi yapiigèle sélimɛ canʔa faʔa? Syɔɔn ga gûnzin-yárigi nyaa Zorobabɛli kɔ́gi ni, wi a ra fundaanra kpéʔele. Kɔrɔsiinw bee i nyɛ Yawe nyapiigèle, gele ge tári myɛ wéle ni forogi lè.»

Matye 18:10

«Yaa kɔ̀rɔsíi, yele a kɔ́ pìipiigèle naa làa nibin faʔa í, níì cán mii a gi joo yele ma kányɛʔɛ ni, pe nyɛ̀ʔɛni tundunbéle i yaà ni mii Tóow yɛ́ʔɛ nyaagi làla o làla, wi lè nyɛ̀ʔɛni na. [

Matye 9:14

Lǎli bee ni a Zyan pìitamabèle pan Zyezu ma n baa wi yíbe níì jo: «Nyàʔá na wolo ní Farisibèle súnw nii, mɔ piitamabèle si o wi nii í?»

Luki 18:9

Syɛ́ɛnbèle bele pe be sɔ̀ngumi taʔa peyɛɛ na ní i sɔ̀ngí poro n sín lè, pe si o wozanbèle córo yafyɛn í, a Zyezu kàseeli naa wáa bele bee ma níì jo:

Kapyegèle 10:34

Lǎli bee ni a Pyɛri fala n séli ni nyuu be ma níì jo: «Kányɛʔɛ na mii n náà gi cán ncan Kolocɔlɔɔ o syɔɔnwaa yirigi wàa ni í.

Kapyegèle 10:44

N Pyɛri yaʔa syɛ́ɛnri bee joolo na, a Pìicǎnni tìgi wi syɛ́ɛnri lóʔofɔɔlɔ myɛ ma.

Kapyegèle 28:2

A tári bee syɛ̀ɛnnɛ kacàngbɔʔɔ kpéʔele wolo na, gee félege gi taama bɛɛn lè. Níì cán pe maa naakpɔʔɔ le níì wolo myɛ yeri, a wolo sáà yére n gi màʔa àmɛɛ zěgi da ni tuun lè a wéeri kpɔ́ʔɔ gbanʔama.

Wɔrɔmi ye 11:15

Níì cán àmɛɛ Kolocɔlɔɔ be yaʔa lè kɔlɔ̀ na, a gee bee pye sábabu, á dulunyanw syɛ̀ɛnnɛ baa bɛ̀ɛ ní woro ní, wi ga baa fɔ̀lɔ be na lǎlee ni lè, mɛ̀ɛ́ ki a pye be ma? Wi a be nyán yirige kúbèle nínge ni.

Wɔrɔmi ye 14:1

Syɔ́ɔnwee tágala li cɛ́rɛ lè yele níngi ni, ye wi sámaga ye cò cama, yele a kɔ́ ra wi kábala wi sɔ̀nguri kèlē na í.

Wɔrɔmi ye 14:10

Mɛ̀ɛ́ gi nyɛ mɔ si i kolomɔ kaangi mɔ senyɛnw ma? A mɔ, mɛ̀ɛ́ gi nyɛ mɔ si i mɔ senyɛnw faari nya? Mi gi cán wo myɛ a ba yére Kolocɔlɔɔ kútiiceri-tɛ́ɛgi ni.

Wɔrɔmi ye 14:13

Gee bee na ki ga yɛlɛ wolo í ní ra kolomɔ kaangi wolo senyɛnwaa ma í, fwɔɔ waa kɔ̀rɔsíi koro ga pye wolo a kɔ́ pye sábabu wolo senyɛnwaa na wi too í, wàlá wi pùuni í.

Wɔrɔmi ye 14:15

Mɔ yaliiri kéele ga pye sábabu n funbɛɛnrɛ lége mɔ senyɛnw ni, mi gi cán mɔ ní o táanri tàmagi kólogo ni lǎli bee ni í. Wee kéele na Kirisi kùu lè, ki ga yɛlɛ mɔ í kɔ́ mɔ yaliiri kéele yaʔa li pye sábabu bi wi kálagi í.

Wɔrɔmi ye 14:21

Gee gi nyɔɔ lè, koro gi nyɛ mɔ í káari káala ní dùvɛɛnw gbaala yaʔa n náà fàra yáriri myɛ na, dee ti a gbǎn pye lè mɔ senyɛnwaa toolo sábabu.

Wɔrɔmi ye 15:7

Gee bee na gi yɛlɛ ye yeyɛɛ zámaga ye cò àmɛɛ Kirisi wɔ́ɔ̀ yele sámaga n cò lè gee bee si nìjangbɔɔri taʔa Kolocɔlɔɔ na.