Wɔrɔmi ye 13:8 - Cebaara Bible 2010

⁸ Ki ga yɛlɛ syɔɔnwaa faala fwɔ́ɔlɔ í kɔ́ kòro yele na í, kapye bi tàmaga le ní yeyɛɛ ní lè, koro fwɔ́ɔli ban í. Níì cán wee wi tàmaga le ní wi syɛɛnnyɛnnɛ ní lè, wee bee n Mowizi làlwaw foro.

Wɔrɔmi ye 13:8 Iomraidhean Croise

Matye 7:12

Koro na yariga o yariga yele caa syɛ́ɛnbèle í da kpéʔele yele ma lè, ki n wɔ́ɔ̀ yɛlɛ yaa gee bee wonijanga kpéʔele be ma. Níì cán koro gi nyɛ Mowizi làlwaw, ní kanyaajoobèle syɛ́ɛnrɛ kɔ́rɔ.

Zyan 13:34

Mii a tundunvɔ́nrɔ joo yele ma. Tundunri bee di nyɛ: Ye tàmaga le ní yeyɛɛ ní. Amɛɛ mii tàmagi le ní yele ní lè, ki n yɛlɛ yele í wɔ́ɔ gi le ní yeyɛɛ ní.

Wɔrɔmi ye 13:10

Tàmagi levɔlɔ o kapeele kpéʔele wi syɛɛnnyɛnnɛ na í, gee bee na tàmagi i Mowizi làlwaw forogi.

Wɔrɔmi ye 13:7

Gee gi yɛlɛ syɛ́ɛnbèle myɛ ma lè, yaa gee bee kaangi be ma, ki n yɛlɛ yaa nyǔnyi lɔ́rɔ kaangi nyǔnyi lɔ́rɔ syɔɔfɔlɔ ma, yáā céwologi kaangi céwologi syɔɔfɔlɔ ma, wee na yele yɛlɛ bàā fɛ̀ɛgí lè, yaa fɛ̀ɛgí wi na, wee yele yɛlɛ bàā kpɔ́ʔɔgi lè, yaa wi kpɔ́ʔɔgi.

Galasi ye 5:14

Níì cán nyɔɔsyɛɛnkangi naa nibin n Mowizi làlwaw syɛ́ɛnrɛ myɛ foro, gee gi jo lè: «Mɔ syɛɛnnyɛnw kéele yaʔa li mɔ dɛ́nɛ àmɛɛ mɔ miyɛɛ dɛ́nɛ lè.»

Kɔlɔsi ye 3:14

Gee si gi kpɔ́ʔɔ n sɔ̀lɔ lè ki myɛ na, koro gi nyɛ ye tàmaga le ní yeyɛɛ ní, tàmagi ki a yele pwɔɔ yeyɛɛ na bi foro.

1 Timɔte 1:5

Joogbanni naa nyúngo i nyɛ tàmagi, gee gi yìri lè zɔ̀njǎnw, ní funviiri, ní tágadeeli ma.

Zyaki 2:8

Kolocɔlɔɔ fǎngi làlwa syɛ́ɛnrɛ di nyɛ lè wi syɛɛnsɛbɛri ni, dee di joo lè: «Mɔ syɛɛnnyɛnw kéele yaʔa li mɔ dɛ́nɛ àmɛɛ mɔ miyɛɛ dɛ́nɛ lè,» kapye yele i gee bee kpéʔele, gee bee n nyɔɔ.

1 Zyan 3:10

Kánmi naa na Kolocɔlɔɔ pìíbèle ní Dazɔɔnw wòolo i cángi ni láʔala peyɛɛ na. Syɔ́ɔnwee faala wi nyɛ lè wi o kasingéle kpéʔele í, wàlá wee wi nyɛ lè wi ga tàmaga le ní wi senyɛnnɛ ní lè í, wee bee o nyɛ Kolocɔlɔɔ wóo í.