Wɔrɔmi ye 13:7 - Cebaara Bible 2010

⁷ Gee gi yɛlɛ syɛ́ɛnbèle myɛ ma lè, yaa gee bee kaangi be ma, ki n yɛlɛ yaa nyǔnyi lɔ́rɔ kaangi nyǔnyi lɔ́rɔ syɔɔfɔlɔ ma, yáā céwologi kaangi céwologi syɔɔfɔlɔ ma, wee na yele yɛlɛ bàā fɛ̀ɛgí lè, yaa fɛ̀ɛgí wi na, wee yele yɛlɛ bàā kpɔ́ʔɔgi lè, yaa wi kpɔ́ʔɔgi.

Wɔrɔmi ye 13:7 Iomraidhean Croise

1 Fànʔafɔbèle 3:17

A cébèle bee wàa nibin jo: «Ni kàfɔlɔ, kàfári! Mii ní céw naa i nyɛ kpaʔa nibin ni, a mii si baa see wi taana kpáagi ni.

Yirile 20:12

Da mɔ tóow ní mɔ nɔ́ɔw kpɔ̀ʔɔrɔ́, koro ga pye táree mii Yawe mɔ Kolocɔlɔw a kaan mɔ ma lè, mɔ siiw canya í nɛʔɛ di ni.

Kàseegèle 24:21

Ni pyà, da fɛ̀ɛgí Yawe, ní fànʔafɔw na. Mɔ a kɔ́ miyɛɛ nyáʔami syɛ́ɛnbèle bele ni be fíigi ni máari lè í.

Kàseegèle 3:27

Bele na kacànna yɛlɛ li kpéʔele lè, mɔ a kɔ́ cée li kpéʔeleli na í, kapye li kpéʔeleli fànʔa i nyɛ mɔ ni.

Levii ye sáriga-wòlori 19:3

Yele myɛ nibin nibin n yɛlɛ bàā yele nɔ́ɔbèle ní yele tóobèle kpɔ́ʔɔgi, sáā mii cândɛnɛyi yaari, mii wi nyɛ Yawe yele Kolocɔlɔw.

Levii ye sáriga-wòlori 19:32

Da yìrigí maa yèré ǹjoofiiri yɛ́ʔɛ ma, máā nànlɛɛɔ kpɔ́ʔɔgi. Da fɛ̀ɛgí mɔ Kolocɔlɔw na. Mii wi nyɛ Yawe.

Matye 17:25

A wi jo: «Ɛɛn.» A Pyɛri ga jée kpáagi ni, sáni wi yarigaa joo lè, a Zyezu wi pye: «Nyàʔá mɔ sɔ̀ngí, Siimɔn? Bɛ̀lɛ́ má tári fànʔafɔɔlɔ nyǔnyi lɔ́rɔ syoo? Pe jáabèle má láà ba fwɔɔ pe nibɔnbèle ma?»

Matye 22:21

A be jo: «Sezari wii.» A wi be pye: «Koro na gee gi nyɛ lè Sezari wógi, ye gi kaan Sezari ma. Gee si gi nyɛ lè Kolocɔlɔɔ wógi, ye gi kaan Kolocɔlɔɔ ma.»

Mariki 12:17

A wi be pye: «Koro na gee gi nyɛ lè Sezari wógi, ye gi kaan Sezari ma. Gee si gi nyɛ lè Kolocɔlɔɔ wógi, ye gi kaan Kolocɔlɔɔ ma.» A be i káama wi syɛɛnlurugori kéele na.

Luki 20:22

A gi yɛlɛ lé wolo í da nyǔnyi lɔ́rɔ kaangi Sezari ma láà, wàlá ki ga yɛlɛ í?»

Luki 20:25

A wi be pye: «Koro na gee gi nyɛ lè Sezari wógi, ye gi kaan Sezari ma. Gee si gi nyɛ lè Kolocɔlɔɔ wógi, ye gi kaan Kolocɔlɔɔ ma.»

Luki 23:2

n sa ni Pilati sɔ́ɔn wi na níì jo: «Wolo n nǎnw naa nyaa wi i wolo tári syɛ̀ɛnnɛ fáana ni pùuní, wi i be yéregi níì jo pe a kɔ́ ra nyǔnyi lɔ́rɔ kaangi Sezari ma í, ní wɔ́ɔ̀ jo woro tiimaa wi nyɛ Kirisi, ní i nyɛ fànʔafɔlɔ.»

Wɔrɔmi ye 12:10

Ye tàmaga le ní yeyɛɛ ní àmɛɛ yele nyɛ lè senyɛ̀nnɛ. Yaa yeyɛɛ jèʔelé màámi pyele na yeyɛɛ ma.

Wɔrɔmi ye 13:6

Gee bee na yele wɔ́ɔ i nyǔnyi lɔ́rɔ kaangi. Níì cán fáliw be kpéʔele lè làla o làla, Kolocɔlɔɔ wóo be kpéʔele.

Efɛzi ye 5:33

Koro ní ki myɛ ní ki n wɔ́ɔ̀ yɛlɛ yele myɛ nibin nibin í yele tiimaa cébèle kéele yaʔa li yele dɛ́nɛ àmɛɛ yele tiimaa céri yele dɛ́nɛ lè, céw si n yɛlɛ waa wi nǎnw kpɔ́ʔɔgi.

Efɛzi ye 6:5

Púlobèle, bele be nyɛ lè yele kàfɔbèle céri kàbaan na, ki n yɛlɛ yaa lúro be ma. Yaa gee bee kpéʔele ní fyáara, ní cɛ̀lɛlɛ ní, yaa lúro be ma ní funviire ní, àmɛɛ yele lúro lè Kirisi ma.

1 Timɔte 5:13

N fàra gee bee na, pe i sàlagi kèlē tama, ní i kpáayi sɔ̀lɔ́ ni máari. Alí pe ga gi yérige sàlagi yagana na í, pe wɔ́ɔ i nyɛ lóʔonjoobéle, pe i be nyɔ́ɔyi nii syɛ́ɛnbèle kèlē ni, ní i syɛɛnnaa-sìnjoori nyuu.

1 Timɔte 5:17

Wolɛɛbèle be Egiliziw sámagi ni kàragí lè, bele bee n yɛlɛ ní kpɔʔɔdɛɛyɛ siin-ziin ní, bele si be Kolocɔlɔɔ syɛ́ɛnri nyuu ní i syɛ́ɛnbèle tama lè, a poro wógi si tóro.

1 Timɔte 6:1

Bele myɛ be nyɛ lè púlobèle, ki n yɛlɛ paa be tiimaa kàfɔbèle córo bi cán pe n yɛlɛ ní kpɔ́ʔɔri myɛ ní, koro ga pye Kolocɔlɔɔ mɛ́ɛgi ní wi tamani a kɔ́ ba kálagi í.

1 Pyɛri 3:7

Kánmi bee na, yele nǎnbèle, yaa yele cébèle náari ní sícilimɛ ní, yé gi cán pe céri báriga n cɛ́rɛ yele wów na. Ki n yɛlɛ yaa be kpɔ́ʔɔgi, koro ga pye yafyɛn a kɔ́ yele nyɛ́ɛriyi yérige í, kpɔ́ʔɔri ti sìíw kaangi lè, pe wɔ́ɔ i nyɛ ní yele ní ti kɔriliinyɛ̀nnɛ.

1 Samyɛli 12:18

A Samyɛli Yawe nyɛ́ɛri, a Yawe nyɛ̀ʔɛni yaʔa li i tìngí níì zàʔá cáan cángi bee tiimaa na. A syɛ́ɛnbèle myɛ fyáa gbanʔama Yawe ní Samyɛli na.