Wɔrɔmi ye 13:6 - Cebaara Bible 2010

⁶ Gee bee na yele wɔ́ɔ i nyǔnyi lɔ́rɔ kaangi. Níì cán fáliw be kpéʔele lè làla o làla, Kolocɔlɔɔ wóo be kpéʔele.

Wɔrɔmi ye 13:6 Iomraidhean Croise

2 Samyɛli 8:5

A Damasi Sirii ye pan bi ba Hadadezɛɛri dɛ̀ɛmɛ, wi lè Soba fànʔafɔw. A Davidi baa kpóo Sirii ye ni nànbēle sirakama ní selebinnɛ.

1 Cányi kèlē 18:14

A Davidi pye fànʔafɔlɔ Isirayɛli ye myɛ nyúngi na. Wi maa ni wi syɛ́ɛnbèle myɛ kèlē cɔɔnri sínni, ní kányɛɛgi na.

Ɛsidirasi 4:13

Fànʔafɔw si n yɛlɛ bi gi cán, kěgi naa ga níì faan, a gi tǒw níì sámaga pe a ní da nyǔnyi lɔ́rɔ, ní fǎngi wáli, ní céwologi kaangi í. Ki kàdogi si a ba pye fànʔafɔbèle bɔ̀nɔ kéele.

Ɛsidirasi 4:20

Séekpɔɔɔ fanʔafɔɔlɔ n tɛ́ɛn n sɔ̀lɔ fǎngi na Zyerusalɛmi ni, pe maa cábigi jelige tátɛɛyɛ myɛ kùru. A pe i nyǔnyi lɔ́rɔ, ní fǎngi wáli, ní céwologi kaangi be ma.

Ɛsidirasi 6:8

Gee yele a kpéʔele bi Zyefubèle wólɛɛbèle bee dɛ̀ɛmɛ lè Kolocɔlɔɔ kpáagi bee faanna na, gee naa mii a joo gbàn kéeli bee na: Wáli n yɛlɛ bàā wóo fànʔafɔw lɔ́rɔ ni, cábigi jelige woolo nyúnyo lɔ́rɔ ni bàā kaangi nǎnbèle bee ma làla o làla koro ga pye fáliw a kɔ́ yére í.

Nehemii 5:4

Pèle si i gi nyuu níì jo: «Wáli fwɔ́ɔgèle wolo kúun lè jàngó bi nyǔnyi lɔ́rɔ kaan fànʔafɔw ma, wolo séyi, ní wolo ɛrɛzɛn séyi n jée gele bee lariga ni.

Luki 23:2

n sa ni Pilati sɔ́ɔn wi na níì jo: «Wolo n nǎnw naa nyaa wi i wolo tári syɛ̀ɛnnɛ fáana ni pùuní, wi i be yéregi níì jo pe a kɔ́ ra nyǔnyi lɔ́rɔ kaangi Sezari ma í, ní wɔ́ɔ̀ jo woro tiimaa wi nyɛ Kirisi, ní i nyɛ fànʔafɔlɔ.»

Wɔrɔmi ye 12:8

Wee má syɛ́ɛnbèle kɛɛlɛlɛ fundooro nyɛ lè, ki n yɛlɛ waa be kɛɛlɛ. Wee wi wi kɔlɔ̀ yáriri kaangi lè, ki n yɛlɛ wi wi kɔ́gi sánʔa kányɛʔɛ ni. Kapye yɛɛ̀kinidi fundooro i nyɛ wàa ma, ki n yɛlɛ waa gi kpéʔele ní lòmaana ní. Wee wi nyinimɛ taagi lè, ki n yɛlɛ waa gi kpéʔele ní fundaanra ní.

Wɔrɔmi ye 13:5

Koro na gi yɛlɛ mɔ í da lúro fànʔafɔbèle ma mɔ tiimaa fúngi kéele na, ki a kɔ́ pye fyáari yagana kéele na í.

Wɔrɔmi ye 13:7

Gee gi yɛlɛ syɛ́ɛnbèle myɛ ma lè, yaa gee bee kaangi be ma, ki n yɛlɛ yaa nyǔnyi lɔ́rɔ kaangi nyǔnyi lɔ́rɔ syɔɔfɔlɔ ma, yáā céwologi kaangi céwologi syɔɔfɔlɔ ma, wee na yele yɛlɛ bàā fɛ̀ɛgí lè, yaa fɛ̀ɛgí wi na, wee yele yɛlɛ bàā kpɔ́ʔɔgi lè, yaa wi kpɔ́ʔɔgi.