Wɔrɔmi ye 13:4 - Cebaara Bible 2010

⁴ níì cán fànʔafɔlɔ i nyɛ Kolocɔlɔɔ falipyeo mɔ nyɔɔmi kéele na. Mɔ si ga ni kapeegèle kpéʔele, ki n yɛlɛ mɔ í da fɛ̀ɛgí wi na kɛ. Níì cán ŋɔséew o nyɛ wi kɔ́gi ni gbanzan í, wi i nyɛ Kolocɔlɔɔ falipyeo bàā Kolocɔlɔɔ fundanʔari cáan kapeebyebèle na.

Wɔrɔmi ye 13:4 Iomraidhean Croise

1 Fànʔafɔbèle 10:9

Yawe wi lè mɔ Kolocɔlɔw, wi n yɛlɛ waa wi kpɔ̀ʔɔrɔ́, woro wee wi nyɔɔ mɔ na lè níì mɔ télege Isirayɛli fàngoli na. Amɛɛ Isirayɛli ye kéeli Yawe dɛ́nɛ lè làla o làla, koro na wi mɔ télege fànʔafɔlɔ jàngó mɔ í da kányɛɛgi ní sínni kèlē kpéʔele.»

2 Cányi kèlē 19:6

A wi kútiijoobèle pye: «Gee yele a ra kpéʔele lè, ki n yɛlɛ ye yele yákiriw yaʔa gi na. Níì cán syɛ̀ɛnnɛ kéele na ban yele a ra kútiiw nyuu í, fwɔɔ Yawe kéeli na, woro wee wi a pye yele taana lè kútiiw kéele na.

Kàseegèle 16:14

Fànʔafɔw fundanʔagbɔɔrɔ i nyɛ kùúw tundunwaa, kàjáa syɔ́ɔnwee wi nyɛ lè sícilio woro a gbǎn gi télege.

Kàseegèle 20:2

Fànʔafɔw fundanʔara i nyɛ àmɛɛ càaraɔ kaanana nyɛ lè. Wee wi ga wi fúngi tanʔa lè, wee bee n kapeele pye wiyɛɛ na.

Kàseegèle 20:26

Fànʔafɔ-sícilio i syɛɛnpeebèle caragi, ní i lúru ni sɔ̀lɔ́ be na ní sàkogi ní.

Kàseegèle 20:8

N fànʔafɔw yaʔa wodɛ́ɛɔn ní kútiiceri-koli na, wi nyapiiweleli n ni kapeeyi myɛ caragi.

Ezayi 1:17

Ye kacànbyeri tama, yáā kányɛɛgi caa. Wee be wɔʔɔ lè, ye wi dɛ̀ɛmɛ. Ki n yɛlɛ yaa síngi círiw ma. Yaa lɔgucew tánʔa nyuu.

Zyeremii 5:28

Pe n sìnmɛ le, pe yɛ́ɛyi i daragi, pe kapeeyi n sɔ̀lɔ gi tɛɛ̀yéregi na. Pe o kútii nyuu kányɛɛgi na í, pe o círio kútii nyuu kányɛɛgi na jàngó wi tànʔa taa í. Pe o foomɔfɔbèle kútii nyuu kányɛɛgi na í.

Ezekyɛli 22:27

Wi kùndigibèle i nyɛ wi níngi ni àmɛɛ solomikaara nyɛ, dee ti di kaacǒri sulugu lè. Pe i sìsyaanw ŋuu, pe i syɛ́ɛnbèle kúu jàngó bàā be nɔ̀ʔɔrɔgi kèlē forogi.

Ezekyɛli 25:14

Mii a mii syɛ́ɛnbèle Isirayɛli ye kɔ́gi tɛ́ʔɛ bi mii gɔ̀lɔ́w wòlo Edɔmi ye na. Pe a Edɔmi ye cò bi yɛlɛ ní mii fundanʔari, ní mii fundanʔagbɔɔri ní. Pe si a mii gɔ̀lɔ́-wòlori cán, Kàfɔw Yawe wi jo nya.› »

Misye 3:9

Koro na ki n yɛlɛ ye dee naa lóʔo, yele Zyakɔbi kpáagi kùndigibéle, yele Isirayɛli kpáagi fànʔafɔbiigéle, yele bele ye kútiisinw kàragí lè yanɔnʔɔgɔ, yele bele ye námaraw kpéʔele kútiisinw myɛ ni lè.

Wɔrɔmi ye 12:19

Mii syɛɛn-nidaanmabèle, ki ga yɛlɛ yele tiimaa í da yele kapeegèle fwɔ́ɔgéle tɔ́ngi í, fwɔɔ ye Kolocɔlɔɔ fundanʔari yaʔa taa ge tɔ́ngi, níì cán ki n sɛ́bɛ níì jo: «Mii má kapeebyeri fwɔ́ɔtɔnrɔ nyɛ, mii a di fwɔ́ɔli tɔ́n,» Kàfɔw wi gi joo nya.

Wɔrɔmi ye 13:6

Gee bee na yele wɔ́ɔ i nyǔnyi lɔ́rɔ kaangi. Níì cán fáliw be kpéʔele lè làla o làla, Kolocɔlɔɔ wóo be kpéʔele.

1 Tesaloniki ye 4:6

Wàa ga yɛlɛ wi kapeele pye wi senyɛnnɛ na bi wi nɔ̀ʔɔrɔ kéeli bee làa ni í, Kàfɔw wi nyɛ kérigèle bee myɛ kpéʔelefɔɔlɔ wɔʔɔfɔlɔ, àmɛɛ wolo da sélì yele sàmi n kwɔ́ɔ lè, níì gi joo n gbàn yele ma.

Zyozuwe 20:5

Wee wi wi caa bi sìsyaanw wolo gɔlɔ́ wòlo lè, woro ga kári wi kurugo, pe a kɔ́ syɛɛnkpóow le wi kɔ́yi ni í, níì cán wi ga gi kíri níì wi syɛɛnnyɛnw kpóo wii í, wi si da caà pye wi nigoò làlaa faala ni í.

Zyozuwe 20:9

Yoro yi pye kěyi, yee pe da tɛ̀ɛn lè Isirayɛli ye myɛw ní nibɔnw kéele na wi baa tɛ́ɛn ní be ní lè, koro ga pye wee wi ga fòʔo syɔɔn na n kpóo lè, wi fàn bi kári yaà beè, koro ga pye sìsyaanw wolo gɔlɔ́-wòloo kɔ́lɔ a kɔ́ nan wi na bi wi kpóo í, bi gi yaʔa wi ga kɔ́ɔ̀ yére syɛ́ɛnmi yɛ́ʔɛ ma á be wi kútiiw joo í.

1 Pyɛri 2:14

wàlá fànʔafɔbèle wi tungu lè pe sa ra kapeebyebèle yɛ́ɛyɛ wáragi lè sáā kacànbyebèle sòoló lè yoo, ki n yɛlɛ yaa lúro pe myɛ ma.