Wɔrɔmi ye 13:3 - Cebaara Bible 2010

³ Fànʔafɔbèle o nyɛ fyáara yáriya kacànbyebèle ma í, fwɔɔ kapeebyebèle ma. A mɔ i caa lé fǎngi a kɔ́ pye mɔ ma fyáara yáriga í? Ki ga pye nya, maa kacàngēle kpéʔele, koro ga pye ki a ra mɔ kpɔ́ʔɔgi,

Wɔrɔmi ye 13:3 Iomraidhean Croise

Kàseegèle 14:35

Falipyewee wi kérigèle sámagi ni cɔɔnri lè, fànʔafɔw i fɔ̀lɔ́ wee bee na, wee si wi fɛ̀ɛ́ri kèlē kpéʔele lè, wi fúngi a ra taanri wee bee kurugo.

Kàseegèle 20:2

Fànʔafɔw fundanʔara i nyɛ àmɛɛ càaraɔ kaanana nyɛ lè. Wee wi ga wi fúngi tanʔa lè, wee bee n kapeele pye wiyɛɛ na.

Wɔrɔmi ye 13:2

Gee bee na syɔ́ɔnwee wi lè wi o lúro fànʔafɔbèle ma í, wi n Kolocɔlɔɔ yatelegeyi cée, bele be gee bee kpéʔele lè, kútii a ba kúun be na.

Wɔrɔmi ye 13:4

níì cán fànʔafɔlɔ i nyɛ Kolocɔlɔɔ falipyeo mɔ nyɔɔmi kéele na. Mɔ si ga ni kapeegèle kpéʔele, ki n yɛlɛ mɔ í da fɛ̀ɛgí wi na kɛ. Níì cán ŋɔséew o nyɛ wi kɔ́gi ni gbanzan í, wi i nyɛ Kolocɔlɔɔ falipyeo bàā Kolocɔlɔɔ fundanʔari cáan kapeebyebèle na.

Làlwaw Kaanziin 25:1

«Lǎli ni kútii kéele ga pye nǎnbèle pèle ma lè, a be pan n baa yére jàngó poro kútiiw í joo, tàángi a kaan tàángi fɔ́lɔ ma, kolomi si kaan kolomi fɔ́lɔ ma.