Wɔrɔmi ye 13:12 - Cebaara Bible 2010

¹² Yébiligi wonɛʔɛgɛ n sɔ̀lɔ n kwɔ́ɔ, á nyǐndaligi nùuni. Koro na gi yɛlɛ wo yébilimi kapyegèlē yaʔa wó gbɛ̀ɛ́nmi kapɛɛnkpumɔn-yárira le woyɛɛ na.

Wɔrɔmi ye 13:12 Iomraidhean Croise

Ŋúnudaangi 2:17

Sáni cânnyingi káfalala i ba ra funu lè, kànyingèle si kwɔ́ɔ, lúru mi pan! Mii nànnidaanmaw, ki n yɛlɛ mi pye àmɛɛ wogaà wàlá àmɛɛ sɔ̀ɔpile nyɛ lè, nyanbe-wàliyi na.

Ezayi 2:20

Cángi bee na yasunyee syɔɔn sámaga ní wálifiiw, ní tɛ́ɛw ní, ní i tíri ni tuun yi yɛʔɛ̀ ma lè, wi a yee bee wáa tǔbèle, ní kɔɔnɔyi ma.

Ezayi 30:22

Wálifiiw mɔ tɛ́ʔɛ n mɔ yasunyi pɔ̀li lè, ní tɛ́ɛw mɔ tɛ́ʔɛ n ǹdedanyi tɔ́n lè, mɔ a di córo yanɔnʔɔrɔ, mɔ a di wáa àmɛɛ yapeere nyɛ lè, si jo: «Ye yiri nɛɛ naa!»

Wɔrɔmi ye 13:14

Kàjáa ki n yɛlɛ ye Kàfɔw Zyezu Kirisi le yeyɛɛ na burogo ki ga yɛlɛ yele í ní yele sɔ̀ngumi taʔa yele céri laànitaʔa kele na bàā ge kpéʔele í.

1 Korɛnti ye 10:11

Kérigèle bee myɛ maa kpéʔele be na jàngó bi pye fɛ̀ɛ wolo ma ní wɔ́ɔ̀ sɛ́bɛ bi wolo sàmi, wolo bele na làrizanni nan lè.

1 Korɛnti ye 7:29

Ni senyɛ̀nnɛ, syɛ́ɛnri mii joo lè ti kɔ́rɔw wi nyɛ wee naa, lǎli ga níì nɛʔɛ í. Bi láʔa lǎli naa na bele má cébèle nyɛ lè, ki n yɛlɛ be pye mɔ a jo pe i nyɛ càbala fun,

2 Korɛnti ye 10:4

Níì cán wolo kapɛɛnkpumɔn-yáriri o nyɛ àmɛɛ dulunyanw syɛ̀ɛnnɛ wóro nyɛ lè í, kàjáa ti séew n kpɔ́ʔɔ Kolocɔlɔɔ bárigaw ni bi gbǎn fǎnyi jáa. Wolo i kàkabalayi cáan,

2 Korɛnti ye 6:7

ní kányɛɛgi syɛ́ɛnrɛ, ní Kolocɔlɔɔ séew báriga ni n fàra sínni kapɛɛnkpumɔn-yárira na dee ní wolo kapɛɛnni kpúmɔn ni woyɛɛ zyoo nigoobèle ma lè.

Efɛzi ye 4:22

ye gi cán ki n yɛlɛ yele í yele kanlɛɛmi yaʔa, pi da pye lè yele booma tánʔaganmi, kanlɛɛmi bee pi da kálagi lè ki laànitaagi báriga ni gi syɔɔn fáana ni pùuní lè,

Efɛzi ye 5:11

Ki ga yɛlɛ yele lɛɛlɛ í pye yébilimi kapyegèlē ni í, ncan ke i nyɛ tɔ̀nɔ fun, fwɔɔ yaa fúlo ke kpéʔelefɔbèle na.

Efɛzi ye 5:8

Yele maa sélì pye yébilimɛ, kàjáa tɔ́ɔliw ni yele i nyɛ gbɛ̀ɛnmɛ Kàfɔw ni. Ki n yɛlɛ yele í da táanri gbɛ̀ɛ́nmi pìibēle tánʔaganma na.

Heburubèle 10:25

Ki ga yɛlɛ wolo í woyɛɛ gbóʔoroli yaʔa àmɛɛ pèle tàli ni gi kpéʔele lè í, kàjáa àmɛɛ yele cángi nyaa ki i nùuní lè, ki n yɛlɛ waa woyɛɛ kɛɛlɛ gbanʔama bi sɔ̀lɔ.

Heburubèle 12:1

Gee bee na, àmɛɛ séerafɔ-nɛʔɛbèle bee wolo màʔa àmɛɛ fàfanʔa nyɛ lè, ki n yɛlɛ wolo í wɔ́ɔ yáriri myɛ yaʔa, dee ti a gbǎn wolo yérige lè, kapeele o kapeele li tàli wolo na ni wolo yéregi lè, wo wɔ́ɔ lee bee yaʔa, wáā kàfyaali kpéʔele ní kpàracogo ní, lee tɛɛfǎn-zɔ̀lɔgɔ Kolocɔlɔɔ tɛ̀ɛn wolo na lè.

Zyaki 1:21

Gee bee na gi yɛlɛ ye láʔa nɔ́nʔɔri kèlē myɛ na si wɔ́ɔ láʔa kanaa-sìnzinri myɛ na yele kpéʔele lè, syɛ́ɛnree Kolocɔlɔɔ le yele fúnyi ni àmɛɛ lùguro nyɛ lè, ki n yɛlɛ ye dee bee cò ní funjànya ní, toro dee ti a gbǎn yele pìígèle syɔɔ lè.

Zyaki 5:8

Anbée gi wɔ́ɔ̀ yɛlɛ yele í da kpàracogo kpéʔele si nìrimɛ le yeyɛɛ ni, níì cán Kàfɔw làribanna n nùuni.

1 Pyɛri 2:1

Koro na ye funbeeyi féleye myɛ yaʔa, yé wɔ́ɔ ye jànvaaw, ní syɛɛnjóotɛɛyi siin joolo, ní nyabɛɛnni myɛ yaʔa n fàra mɛ́ɛkalagiri myɛ na.

1 Pyɛri 4:7

Yáriri myɛ làrigwɔɔlɔ n nùuni. Koro na gi yɛlɛ ye pye yákirifɔɔlɔ, yé yeyɛɛ cǒmi cán, yáā Kolocɔlɔɔ nyɛ́ɛri.

2 Pyɛri 3:11

Ki si ga pye yáriri bee myɛ a ba kálagi kánmi bee na, mɛ̀ɛ́ yele nàʔaganmi yɛlɛ bi pye? Fwɔɔ yele í da nàʔajànma náari Kolocɔlɔɔ yɛ́ɛgi fyáara na,

2 Pyɛri 3:9

Kàfɔw o mɔngi wi nyɔɔfaligi forolo na àmɛɛ pèle gi sɔ̀ngí lè í, kàjáa wi i kpàracogo kpéʔele yele kéeli na. Wi o caa wàa faala í kálagi í, níì cán wi i caa pe myɛ í ba kàdoʔo wáa be kapeegèle ma.

1 Zyan 2:18

Ni pìibēle, làrizanni n nan. Amɛɛ yele da gi lóʔo lè Kirisi nigoow a pan, Kirisi nigoobèle saʔa i beè n kwɔ́ɔ tɔ́ɔliw naa ni, gee bee na wo gi cán ncan làrizanni n nan.

Tɛ̀ɛnnɛ 1:3

Wee wi kanyaajoori naa syɛ́ɛnrɛ wéle ni nyuu lè, ní bele be di lúro lè ní i di kpéʔele, bele bee i nyɛ dùba pìibēle! Níì cán ti làrivoroli n nùuni.

Tɛ̀ɛnnɛ 22:10

A wi níì mii pye: «Mɔ a kɔ́ fɛ̀ɛ taʔa kanyaajoori naa sɛ́bɛ syɛ́ɛnrɛ na bi di làriga í, níì cán ti làrivoroli n nùuni.