Wɔrɔmi ye 13:11 - Cebaara Bible 2010

¹¹ Bi ní tàa fàra dee naa na, yele n lǎli naa cán, lee ni wo nyɛ lè, lǎli n nan yele í yìri nya ŋúnɔmi na, níì cán lǎlee ni wolo da sélì tága lè, syɔɔli n nùuni wolo na tɔ́ɔliw ni n sɔ̀lɔ lǎli bee na.

Wɔrɔmi ye 13:11 Iomraidhean Croise

Syɛɛnjóow 9:10

Yariga o yariga mɔ kɔ́gi ga taa bàā kpéʔele lè, da gi kpéʔele ní mɔ fangi myɛ ní. Níì cán kapyele, ní katimanana, ní cánna, ní sícilimɛ o yaà kúbèle tɛɛkòrogo ni beè mɔ syée lè í.

Zyonasi 1:6

A bàtow kùndigi nùuni wi na n sáà wi pye: «Nyàʔá na mɔ ŋúnɔ? Yìri maa mɔ kolocɔlɔw yiri! Dɔ̀ʔɔ́ Kolocɔlɔw bee a sɔ̀ngi wolo kéeli na, wolo si a kɔ́ kùu í.»

Matye 16:3

Nyǐngi si ga tali, yele n jo zěgi ní káfalakpɔʔɔ a pan, níì cán nyɛ̀ʔɛni n nyɛ́nɛgɛ, á fàfaanyi li tɔ́n. Amɛɛ si yele nyɛ̀ʔɛni kèlē cán n láʔala keyɛɛ na lè, yele a wɔ́ɔ gbǎn tɔ́ɔliw naa wòʔolo cán bi láʔa keyɛɛ na ì?]

Luki 21:28

Kérigèle bee ga kɔ́ baa séli lǎlee ni lè, ye sámaga ye yére, yé yele nyǔnyi yìrige yaa wéle ǹjoʔo ma, níì cán yele nyùnzyɔɔri n nùuni.»

1 Korɛnti ye 10:11

Kérigèle bee myɛ maa kpéʔele be na jàngó bi pye fɛ̀ɛ wolo ma ní wɔ́ɔ̀ sɛ́bɛ bi wolo sàmi, wolo bele na làrizanni nan lè.

1 Korɛnti ye 15:34

Ye fundeleye le yeyɛɛ ni, yáā kasingéle kpéʔele, yé láʔa kapeegèle na. Níì cán pèle i yaà pe ga Kolocɔlɔɔ cán í, mii n koro joo bi fɛ̀ɛrɛ wáa yele na.

Efɛzi ye 5:14

Níì cán keele o keele li yiri lè gbɛ̀ɛ́nmi na, li n kàri gbɛ̀ɛnmɛ. Gee bee na gi jo: «Yìri, mɔ wi ŋúnɔ lè, mi nyán mi yiri kúbèle nínge ni, koro ga pye Kirisi a gbɛ̀ɛnmɛ yirige mɔ ma.»

Zyaki 5:8

Anbée gi wɔ́ɔ̀ yɛlɛ yele í da kpàracogo kpéʔele si nìrimɛ le yeyɛɛ ni, níì cán Kàfɔw làribanna n nùuni.

1 Pyɛri 4:7

Yáriri myɛ làrigwɔɔlɔ n nùuni. Koro na gi yɛlɛ ye pye yákirifɔɔlɔ, yé yeyɛɛ cǒmi cán, yáā Kolocɔlɔɔ nyɛ́ɛri.

2 Pyɛri 3:11

Ki si ga pye yáriri bee myɛ a ba kálagi kánmi bee na, mɛ̀ɛ́ yele nàʔaganmi yɛlɛ bi pye? Fwɔɔ yele í da nàʔajànma náari Kolocɔlɔɔ yɛ́ɛgi fyáara na,

2 Pyɛri 3:9

Kàfɔw o mɔngi wi nyɔɔfaligi forolo na àmɛɛ pèle gi sɔ̀ngí lè í, kàjáa wi i kpàracogo kpéʔele yele kéeli na. Wi o caa wàa faala í kálagi í, níì cán wi i caa pe myɛ í ba kàdoʔo wáa be kapeegèle ma.

1 Zyan 2:18

Ni pìibēle, làrizanni n nan. Amɛɛ yele da gi lóʔo lè Kirisi nigoow a pan, Kirisi nigoobèle saʔa i beè n kwɔ́ɔ tɔ́ɔliw naa ni, gee bee na wo gi cán ncan làrizanni n nan.

Tɛ̀ɛnnɛ 1:3

Wee wi kanyaajoori naa syɛ́ɛnrɛ wéle ni nyuu lè, ní bele be di lúro lè ní i di kpéʔele, bele bee i nyɛ dùba pìibēle! Níì cán ti làrivoroli n nùuni.

Tɛ̀ɛnnɛ 22:10

A wi níì mii pye: «Mɔ a kɔ́ fɛ̀ɛ taʔa kanyaajoori naa sɛ́bɛ syɛ́ɛnrɛ na bi di làriga í, níì cán ti làrivoroli n nùuni.

Tɛ̀ɛnnɛ 22:12

Wéle, cɛɛri ga pye mii a pan, mii si a pan ní sàraw ní wi nyɛ mii ma lè, bi ba syɛ́ɛnbèle myɛ nibin nibin sàra bi yɛlɛ ní be fáliw ní.

Tɛ̀ɛnnɛ 22:20

Wee wi kérigèle naa séera kpéʔele lè, woro wi gi joo níì jo: «Ɛɛn, cɛɛri ga pye mii a pan.» «Amiina! Da maa Kàfɔw Zyezu!»