Wɔrɔmi ye 13:1 - Cebaara Bible 2010

¹ Ki n yɛlɛ syɔɔn o syɔɔn í da lúro fànʔafɔbèle ma pe lè wo nyúngi na. Níì cán fàngaa faala o beè gee gi lè ki ga yìri Kolocɔlɔɔ ma í, fǎnyi yi nyɛ lè beè, Kolocɔlɔɔ wi yi télege.

Wɔrɔmi ye 13:1 Iomraidhean Croise

Ŋúnuyi 62:11

Yele a kɔ́ yele sɔ̀ngumi taʔa fǎngi gbànna na í, yele a kɔ́ yele sɔ̀ngumi taʔa nɔ̀ʔɔrɔgi yataara na í. Lɔ́ri ga ni nɛʔɛgi, yele a kɔ́ yele sɔ̀ngumi taʔa di na í.

Kàseegèle 24:21

Ni pyà, da fɛ̀ɛgí Yawe, ní fànʔafɔw na. Mɔ a kɔ́ miyɛɛ nyáʔami syɛ́ɛnbèle bele ni be fíigi ni máari lè í.

Danyɛli 2:21

Woro wi làrigèle ní kérigèle kàragí. Wi i fànʔafɔbèle cáan, ní wɔ́ɔ i fànʔafɔbèle télegi. Wi i sícilimɛ kaangi sícilibèle ma ní wɔ́ɔ i cánna kaangi kacánbèle ma.

Danyɛli 4:17

Tíigi mɔ nyaa lè a gi kpɔ́ʔɔ níì nìri, koro gee fínaʔa gi nan lè fwɔɔ nyɛ̀ʔɛni na, ki si i nyaagi tári myɛ ni,

Danyɛli 4:32

Tári syɛ̀ɛnnɛ myɛ o córo yarigaa wi ma í. Gee ki wi dɛ́nɛ lè koro wi kpéʔele nyɛ̀ʔɛni sùlasiibéle na, ní tári syɛ̀ɛnnɛ na, syɔɔn faala si o beè, wee wi a gbǎn yére wi kɔ́gi sige lè í si wi pye: «Nyàʔá mɔ kpéʔele?»

Matye 6:13

Ki ga yɛlɛ mɔ í yarigaa yaʔa gi wolo kárima bi lége kapeele ni í. Ki n yɛlɛ mɔ í wolo syɔɔ Wobeew ma. [Níì cán fǎngi, ní séew, ní nìjangbɔɔri myɛ i nyɛ mɔ wóro làla o làla. Amiina!]›

Zyan 19:11

A Zyezu wi yari: «Mɔ fánʔa mǎà dée taa mii na í, kapye fǎngi bee ga yìri ǹjoʔo ma n baa kaan mɔ ma í. Gee bee na wee wi mii le mɔ kɔ́yi ni lè, woro kapeeli n kpɔ́ʔɔ n sɔ̀lɔ mɔ wóli na.»

Kapyegèle 2:41

Bele be fɔ̀lɔ wi syɛ́ɛnri na lè, a poro batɛmiw kpéʔele. Bele be fàra be na lè cángi bee. Pe maa pye syɛ̀ɛnnɛ selebinnɛ ní saala kagunɔ félege.

Wɔrɔmi ye 12:21

Mɔ a kɔ́ gi yaʔa kapeegèle í fànʔa taa mɔ na í, kàjáa ki n yɛlɛ mɔ í fànʔa taa kapeegèle na kacànbyeri báriga ni.

Wɔrɔmi ye 13:2

Gee bee na syɔ́ɔnwee wi lè wi o lúro fànʔafɔbèle ma í, wi n Kolocɔlɔɔ yatelegeyi cée, bele be gee bee kpéʔele lè, kútii a ba kúun be na.

Efɛzi ye 5:21

Ki n yɛlɛ yaa lúro yeyɛɛ ma Kirisi yɛ́ɛgi fyáara na.

Làlwaw Kaanziin 17:12

Sáriga-wòlowee wi yèré yaà ni Yawe mɔ Kolocɔlɔw fáli kpéʔele lè, nɛ̀ɛgbɔʔɔgɔ syɔ́ɔnwee ga cée lè wi ga fɔ̀lɔ n wee bee syɛ́ɛnrɛ lóʔo í, wàlá wi ga kútiijoow syɛ́ɛnrɛ lóʔo í, pe a syɔ́ɔnw bee kpóo. Kánmi bee na mɔ a kapeegi kwɔ́ɔ yirige Isirayɛli níngi ni.

1 Timɔte 2:2

gee bee í pye fànʔafɔbèle ní syɛɛnkpolobèle myɛ kéele na koro ga pye wolo si kòro ŋɔ́ndaala ní yɛɛ̀nyinge na, sáā fɛ̀ɛgí Kolocɔlɔɔ na, si wɔ́ɔ ra kasingèle myɛ kpéʔele.

Tiiti 3:1

Maa be sɔ̀ngumi tìrigí gi na mí be pye, ki n yɛlɛ be peyɛɛ gaan fànʔafɔbèle ní séekpɔɔw fɔ̀ɔlɔ ma sáā lúro be ma si peyɛɛ zámaga yaʔa bàā kacǎngèle myɛ kpéʔele,

Zyudi 1:8

Kánmi bee wonijanma na nǎnbèle bee wɔ́ɔ i be céri nɔ́ɔnri ŋúnɔyi báriga ni be ŋúnɔ lè, ní i Kàfɔw fànʔa faari, ní i nìjangbɔɔri fɔ̀ɔlɔ teeri.

Tɛ̀ɛnnɛ 1:5

Zyezu Kirisi í wɔ́ɔ di kaan yele ma, wi nyɛ lè séerafɔjǎnw, woro wee wi nyán n yiri kúbèle nínge ni lè wozeliw, ní wɔ́ɔ i nyɛ dulunyanw fànʔafɔɔlɔ Fanʔafɔlɔ! Woro wee wi tàmaga le ní wolo ní lè níì wolo kapeegèle yapwɔɔrɔ sánʔana wolo na wi sìsyaanw wolo báriga ni,

Tɛ̀ɛnnɛ 17:14

Pe a sa kapɛɛnni kpúmɔn ní Bàpili ní, kàjáa Bàpili a be jáa, níì cán loro li nyɛ kàfɔbèle Kàfɔlɔ, ní wɔ́ɔ i nyɛ fànʔafɔbèle Fànʔafɔlɔ. Loro ní li pínɛnyɛnbèle be nyɛ lè Kolocɔlɔɔ syɛɛn-yeribèle, ní wi wonyɛnɛ-wòlobèle, ní tágala syɛ́ɛnbèle, poro a wɔ́ɔ fànʔa taa be na.»

Tɛ̀ɛnnɛ 19:16

Mɛ́ʔɛ maa pye wozɛbɛgɛ ní wi búrogi, ní wi cèsiinyungi na, pe i gi yiri: FANʔAFƆBELE FANʔAFƆLƆ, ní KAFƆBELE KAFƆLƆ.

1 Samyɛli 2:8

Wi i foomɔfɔw yìrigí ni yirigi támiigi ni, ní i fɔ̀ngɔfɔw yìrigí kábogi na, jàngó bi be télege ní mɛ́ɛyi fɔ̀ɔlɔ ní, si nìjanra fàngolo kaan be ma li pye be kɔ́rigi. Níì cán Yawe ma tári gàángéle nyɛ, gele na wi dulunyanw yérige lè.