Wɔrɔmi ye 12:9 - Cebaara Bible 2010

⁹ Tàmagi ga yɛlɛ kaa kpéʔele ní syɛɛnjóotɛɛyɛ siin joolo ní í. Ki n yɛlɛ ye kapeegèle yaʔa ke yele bɛɛn yé tan kacǎngèle na.

Wɔrɔmi ye 12:9 Iomraidhean Croise

Ŋúnuyi 34:14

Da mɔ nyínni kɔ̀rɔsíi kapeeyi na, mí wɔ́ɔ maa mɔ nyɔ́ɔgi kɔ̀rɔsíi jànvaa syɛ́ɛnri joolo na.

1 Pyɛri 4:8

Gee gi kpɔ́ʔɔ n sɔ̀lɔ kérigèle myɛ na lè, koro gi nyɛ yele í tàmaga le ní yeyɛɛ ní gbanʔama, níì cán tàmagi i kapeegèle saʔa tɔ́ngi.

1 Timɔte 1:5

Joogbanni naa nyúngo i nyɛ tàmagi, gee gi yìri lè zɔ̀njǎnw, ní funviiri, ní tágadeeli ma.

1 Pyɛri 1:22

Amɛɛ yele fɔ̀lɔ lè kányɛɛgi na níì yele fúnyi jée n mùnu koro ga pye senyɛnnɛgi tàmadelege í pye yele ni, ki n yɛlɛ ye wɔ́ɔ tàmaga le ní yeyɛɛ ní kányɛʔɛ na ní yele fúnyi myɛ ní.

1 Tesaloniki ye 5:21

Ki si n yɛlɛ yaa kérigèle myɛ sɛʔɛ yaa wéle, gele ge nyɔɔ lè, ye gele bee sámaga ye cò.

Ŋúnuyi 101:3

Mii a tée yapeʔe faala tɛ́ʔɛ niyɛɛ yɛ́ʔɛ ma bàā gi nyaagi í. Syɛɛnnaa-sìnzinbèle kapyere n mii bɛɛn, ti a tée tára mii na í.

Ŋúnuyi 97:10

Yele bele Yawe kéeli dɛ́nɛ lè, ye kapeegi yaʔa ki yele bɛɛn! Wi i wi tágala syɛ́ɛnbèle sìi kpáa wéle, wi i be yirigi syɛɛnpeebèle kɔ́yɔ ni.

Amɔsi 5:15

Ye kapeeyi yaʔa yi yele bɛɛn, kacànbyeri si yele dɛ́nɛ. Yaa kútiisiɔn kúunri kpàánweeli na, dɔ̀ʔɔ́ Yawe Kolocɔlɔɔ wi lè Nyɛ̀ʔɛni Sùlasiibéle Kafɔlɔ, woro a nyinimɛ taa Zyozɛfu wóbèle na be kòro lè.

Heburubèle 12:14

Ki n yɛlɛ ye ŋàʔana ye pye bɛ̀ɛlɛ na ní syɛ́ɛnbèle myɛ ní, yé wɔ́ɔ pye funviire na, níì cán syɔɔn faala a gbǎn Kàfɔw nyaa funviiri kàdoʔo ma í.

2 Korɛnti ye 8:8

Mii ga koro joo bi yele kàriga fànʔa na í, kàjáa pèle lòmaana kéele mii tɛ̀ɛn yele na, jàngó bi yele tàmagi sɛʔɛ wéle bi gi kacánmi cán.

1 Tesaloniki ye 5:15

Yaa kɔ̀rɔsíi koro ga pye yele wàa faala a kɔ́ kapeelaa tɛ́ʔɛ bi làa fwɔ́ɔlɔ tɔ́n wàa ma í. Fwɔɔ ye kòro yaa kacàngēle kpéʔele làla o làla yeyɛɛ na yé wɔ́ɔ yaa ge kpéʔele syɛ́ɛnbèle myɛ na.

2 Korɛnti ye 6:6

A wolo funjǎnyi, ní wolo cánni, ní wolo fûnnyinyi, ní wolo kapyejǎngèle wɔ́ɔ i gi tèé wolo i nyɛ Kolocɔlɔɔ falipyejànbēle, Pìicǎnni, ní wolo tàmadelegi,

Heburubèle 1:9

Sínni n mɔ dɛ́nɛ, á kolomi mɔ bɛɛn. Koro na ee Kolocɔlɔɔ, mɔ Kolocɔlɔw n fundaanra sìnmɛ wo mɔ na n mɔ kpɔ́ʔɔ n sɔ̀lɔ mɔ pínɛnyɛnbèle na.»

Ŋúnuyi 119:104

Mɔ kajoogèle i sícilimɛ kaangi mii ma koro na jànvaa kólogaa faala kéele ga mii dɛ́nɛ í.

Ezekyɛli 33:31

Pe i kpóʔoro ni maa mɔ ma syɛɛnnɛʔɛmɛ, mii syɛ́ɛnbèle i tɛ̀ɛ́n mɔ yɛ́ʔɛ ma. Pe i mɔ syɛ́ɛnri lúro, kàjáa pe o táanri di na í, pe i gi kpéʔele ní syɛɛntaanra ní pe nyɔ́ɔyi na, á tɔ̀nɔpeew kári ní be fúnyi ní.

Kàseegèle 8:13

Kapeʔe parala i nyɛ Yawe yɛ́ɛgi fyáara. Kpɔ́ɔmi, ní nɛ̀ɛnyɛnɛgi, ní péemi kólogo, ní námara nyɔ́ɔgi, wéle, kérigèle bee n tɔ̀nɔ n mii bɛɛn.

Ŋúnuyi 119:163

Jànvaaw kéele n mii bɛɛn, wi i nyɛ mii ma yapeʔe, kàjáa mɔ lalwaw kéele n mii dɛ́nɛ.

Kàseegèle 26:25

Wi ga wi nyɔɔsyɛɛnri tɛ́nɛ, mɔ a kɔ́ tága wi na í, níì cán yanɔnʔɔyɔ kɔrɔsiin i nyɛ wi fúngi ni.

Ŋúnuyi 55:21

Wi ní bele pe da pye lè bɛ̀ɛlɛ na, wi n kɔ́yi yìrige bele bee kánma na, wi n wi joogaanni kálagi.

Ŋúnuyi 36:4

Wi nyɔɔsyɛɛnri i nyɛ námara ní fáanaga, wi n láʔa sícilimi ní kacànbyeri na.

1 Tesaloniki ye 2:3

Níì cán kɛɛlɛli syɛ́ɛnrɛ wolo da sa ni nyuu yele ma lè, tɛɛpùunugo da pye di ni í, ti da pye syɛɛnnɔnʔɔrɔ í, ti da wɔ́ɔ̀ pye gbánama syɛ́ɛnrɛ í.

Kapyegèle 11:23

Lǎli ni wi nan yaà lè, níì gi nyaa àmɛɛ Kolocɔlɔɔ kpɔ́ʔɔri kpéʔele be ma lè, a fundaanra pye wi ni, a wi pe myɛ kɛɛlɛ níì be pye be tan Kàfɔw na ní be fúnyi myɛ ní.

Zyan 12:6

Foomɔfɔbèle kéele na ban wi da ni sɔ̀ngí níì dee bee joo í, níì cán wi maa pye kàyuuo ní i wáliw yalege có, gee ni syɛ́ɛnbèle da ni kpɔ́ʔɔri nii lè, a wi i wàa làrá ni yirigi gi ni.

Ŋúnuyi 45:7

Ee Kolocɔlɔɔ, mɔ fangoli a kòro beè làla o làla kwɔ́ɔmɔ fun. Sínni kàgbeele li nyɛ mɔ fangi kàgbeele.

Matye 26:49

A wi fala n nùuni Zyezu na níì wi pye: «Mɔ o faana, Tamafɔw.» Níì wi syɔɔnri syɔɔnri.

Zyaki 3:17

Kàjáa sícilimi bi yìrigí lè nyɛ̀ʔɛni na, wozeligi gi nyɛ pi i nyɛ tɛɛlɛ fun, gee gi taʔa lè gee bee na, koro gi nyɛ yɛɛ̀nyingi kéele n bi dɛ́nɛ, fûnnyingi si wɔ́ɔ i nyɛ bi ni, pi o jáma í, pi i nyinimɛ ní kacàngēle kpéʔele làrigèle myɛ ni, syɛɛnjóotɛɛyɛ siin joolo o nyɛ bi ni í, pi i nyɛ funviire na.