Wɔrɔmi ye 12:8 - Cebaara Bible 2010

⁸ Wee má syɛ́ɛnbèle kɛɛlɛlɛ fundooro nyɛ lè, ki n yɛlɛ waa be kɛɛlɛ. Wee wi wi kɔlɔ̀ yáriri kaangi lè, ki n yɛlɛ wi wi kɔ́gi sánʔa kányɛʔɛ ni. Kapye yɛɛ̀kinidi fundooro i nyɛ wàa ma, ki n yɛlɛ waa gi kpéʔele ní lòmaana ní. Wee wi nyinimɛ taagi lè, ki n yɛlɛ waa gi kpéʔele ní fundaanra ní.

Wɔrɔmi ye 12:8 Iomraidhean Croise

Sélimɛ 18:19

Níì cán mii n wi nyɛ́nɛ n wòlo koro ga pye wi gi joo wi gbàn wi kàdoʔomaw ma, pe lè wi pìíbèle ní wi yòdaʔayi, si be pye pe Yawe kólogi sámaga be cò, páā síngi, sáā kérigèle cɔɔnri kányɛɛgi na, koro ga pye gee mii Yawe joo Abirahami kéeli na lè níì jo mii a gi kpéʔele wi ma lè, mii í gi foro.»

Ŋúnuyi 112:9

Wi i kaangi saʔa, wi i kaangi foomɔfɔbèle ma. Wi sínni a kòro beè làla o làla. Wi nyúngi a ba yìri ǹjoʔo ma ní nìjanra ní.

Ŋúnuyi 37:21

Syɛɛnpeew i fwɔ́ɔgèle kúunri, wi si o ge tɔ́ngi í, syɛɛnsinw si i nyinimɛ taagi ní i kaangi.

Kàseegèle 22:9

Wee wi funjànga kpéʔele lè wi a dùba taa, níì cán wi i wi yaliiraa kaangi foomɔfɔw ma.

Syɛɛnjóow 11:6

Da mɔ luguri lúru nyǐngi nyɔ́ɔ na, cângwɔɔgi nyɔ́ɔ na, mɔ a kɔ́ mɔ kɔ́gi yaʔa ki ŋɔ́n daa í. Níì cán dee ti a ba nyɔɔ lè, nyǐngi nyɔ́ɔ wóro yoo, cângwɔɔgi nyɔ́ɔ wóro yoo, mɔ ga di cán í, wàlá kapye ti myɛ siinw a ba nyɔɔ.

Syɛɛnjóow 9:10

Yariga o yariga mɔ kɔ́gi ga taa bàā kpéʔele lè, da gi kpéʔele ní mɔ fangi myɛ ní. Níì cán kapyele, ní katimanana, ní cánna, ní sícilimɛ o yaà kúbèle tɛɛkòrogo ni beè mɔ syée lè í.

Ezayi 32:5

Pe a ní mɛ́ɛkpɔʔɔ taʔa nilabalaw na í, námarafɔw a ní da yiri syɛɛnkpɔɔɔ í.

Ezayi 32:8

Kàjáa syɛɛncaɔn i kanjànma tímana, ní i kòró wi kanjǎnmi kpéʔelele na.

Ezayi 64:5

Wolo myɛ n baa pye àmɛɛ yanɔnʔɔrɔ nyɛ lè, a wolo sínni kapyere myɛ pye àmɛɛ cècoo-nɔ́nʔɔrɔ nyɛ lè. Wolo myɛ n fána àmɛɛ waga nyɛ lè, wolo kolomi kèlē si i wolo lée ni syée àmɛɛ káfalaga nyɛ lè.

Matye 25:40

Kàjáa fànʔafɔw a gi joo be ma si be pye: ‹Mii a gi joo yele ma kányɛʔɛ ni, àlí wee wi cɛ́rɛ lè mii senyɛnbèle naa myɛ ni, yele ga gi kpéʔele wee bee ma, mii má yele sèʔê gi kpéʔele.›

Kapyegèle 11:23

Lǎli ni wi nan yaà lè, níì gi nyaa àmɛɛ Kolocɔlɔɔ kpɔ́ʔɔri kpéʔele be ma lè, a fundaanra pye wi ni, a wi pe myɛ kɛɛlɛ níì be pye be tan Kàfɔw na ní be fúnyi myɛ ní.

Kapyegèle 13:12

A fànʔafɔw ga gee bee nyaa, a wi tága, níì tɔ̀nɔ ni káama Kàfɔw tamana na.

Kapyegèle 13:15

Mowizi làlwaw syɛ́ɛnrɛ ní kanyaajoobèle wóro joogwɔɔlɔ kadoʔo ma, a sérikpaagi kàfɔɔlɔ wàa pye wi be yíbe, a wee bee sáà be pye: «Ni senyɛ̀nnɛ, syɛɛnraa ga pye yele ma bi syɛ́ɛnbèle kɛɛlɛ, ye di joo.»

Kapyegèle 15:32

Zyudi ní Silasi maa wɔ́ɔ̀ pye kanyaajoobèle pèle, a poro kɛɛlɛlɛ syɛ́ɛnrɛ saʔa joo senyɛnbèle ma n nìrimɛ le be ni.

Kapyegèle 20:2

A wi sáà tári bee myɛ nyaari n foro n pìitamabèle kɛɛlɛ ní syɛɛnrɛ saʔa ní, koro kàdoʔo ma a wi kári Girɛsi ma.

Kapyegèle 20:28

Yaa yeyɛɛ kɔ̀rɔsíi, ye wɔ́ɔ yaa bǎbèle myɛ kɔ̀rɔsíi, bele yɛ́ʔɛ na Pìicǎnni yele kínige lè, jàngó yele í pye Kolocɔlɔɔ Egiliziw nàʔafɔɔlɔ, wee wi syɔɔ lè wi tiimaa sìsyaanw báriga ni.

Kapyegèle 4:36

Nànwaa maa pye yaà pe i wi yiri Zyozɛfu, pìitunbèle si i wi yiri Barinabasi, ki kɔ́rɔw wi nyɛ kɛɛlɛli pyà, wi maa pye Levii ye wówaa, táree ni si be wi see lè pe i di yiri Syipiri.

Wɔrɔmi ye 12:13

Yaa Kolocɔlɔɔ syɛɛncanbèle màko nyɔɔgi, yé pye nibɔndirigebéle.

Wɔrɔmi ye 13:6

Gee bee na yele wɔ́ɔ i nyǔnyi lɔ́rɔ kaangi. Níì cán fáliw be kpéʔele lè làla o làla, Kolocɔlɔɔ wóo be kpéʔele.

1 Korɛnti ye 12:28

Kolocɔlɔɔ n pèle télege Egiliziw ni, wozelibèle be nyɛ pìitunbèle, siin wóbèle si i nyɛ kanyaajoobèle, taanri wóbèle si i nyɛ tamafɔbèle. Bele be taʔa lè poro be nyɛ kakpoloyi kpéʔelefɔɔlɔ, ní yaabɔʔɔbèle, ní dɛ̀ɛmɛfɔbèle, ní kakarigabèle, ní syɛɛnfeleraa joofɔɔlɔ ní.

1 Korɛnti ye 14:3

Wee si wi kérigèle nyaagi ni nyuu lè, woro màʔá i nyuu ní syɛ́ɛnbèle ní ni kàa taari be tágali na, ní i be tama ní i be kɛɛlɛ.

2 Korɛnti ye 1:12

Gee gi nyɛ lè wolo kpɔ́ɔmi nyúngo, koro gi nyɛ àmɛɛ wolo fúnyi gi fílige n tɛ̀ɛn wolo na lè ncan wolo i táanri dulunyanw ni funjànya ní funviire na Kolocɔlɔɔ yɛ́ʔɛ ma, àlí tánʔaganmi bee na wolo da ni táanri yele níngi ni, syɔɔn sícilimɛ báriga ni ban wolo táanri í, Kolocɔlɔɔ kpɔ́ʔɔri báriga ni wolo táanri.

2 Korɛnti ye 11:3

Kánmee na wàbigi da Ɛvi fáana ní gi sícilibeemi ní lè, mii i fɛ̀ɛgí níì jo dɔ̀ʔɔ́ yele yákiriw a wɔ́ɔ kɔ́ kàri kánmi bee na yele í láʔa funviiri ní funjǎnyi na Kirisi kàbangi na.

2 Korɛnti ye 8:12

Kapye ki i nyɛ syɔɔnwaa fúngo ni bàā kaangi, Kolocɔlɔɔ a fɔ̀lɔ syɔ́ɔnw bee yakanʔa na bi yɛlɛ ní wi taaganmi ní, dee di lè ti o nyɛ wi ma í, toro kéele o gi ni í.

2 Korɛnti ye 9:11

Wi a ra lɔ́ri féleye myɛ kaangi yele ma, jàngó yele í da kpɔ́ʔɔri kaangi saʔa. Koro si gi kaan syɛ̀ɛnnɛ saʔa í da bariga kaangi Kolocɔlɔɔ ma wolo fáliw báriga ni.

2 Korɛnti ye 9:13

Dɛ̀ɛmɛni naa a pye sábabu jàngó paa Kolocɔlɔɔ kpɔ̀ʔɔrɔ́ lǎli ni pe ga baa gi nyaa lè yele n fɔ̀lɔ n yeyɛɛ gaan Kirisi Syɛɛnjóocǎnri ma, níì poro kpɔ́ʔɔ gbanʔama n fàra syɛ́ɛnbèle myɛ na.

2 Korɛnti ye 9:7

Gee syɔɔn o syɔɔn tímana lè wi fúngi ni, ki n yɛlɛ waa kaangi bi yɛlɛ ní gee bee ní, ki ga yɛlɛ waa kaangi ní funbɛɛnrɛ ní í, koro ga jáa mɔ a jo ŋàʔanaga kéele lii í. Níì cán wee wi kaangi lè ní fundaanra ní, wee bee kéele n Kolocɔlɔɔ dɛ́nɛ.

Efɛzi ye 6:5

Púlobèle, bele be nyɛ lè yele kàfɔbèle céri kàbaan na, ki n yɛlɛ yaa lúro be ma. Yaa gee bee kpéʔele ní fyáara, ní cɛ̀lɛlɛ ní, yaa lúro be ma ní funviire ní, àmɛɛ yele lúro lè Kirisi ma.

Làlwaw Kaanziin 15:14

Mɔ a tàa wòlo mɔ yaweeyiligèle, ní mɔ kasyɔɔgi, ní mɔ ɛrɛzɛnw tɛɛnùgugo ni bi kaan wi ma kpɔʔɔrɔ. Mɔ a wi kaan bi yɛlɛ ní gi ní kánmee na Yawe mɔ Kolocɔlɔw dùbaw taʔa mɔ na lè.

Làlwaw Kaanziin 16:11

Mɔ a ra fundaanra kpéʔele Yawe mɔ Kolocɔlɔw yɛ́ʔɛ ma tɛ́ɛgi ni, gee Yawe mɔ Kolocɔlɔw a nyɛ́nɛ wòlo lè bi wi mɛ́ɛgi yaʔa gi pye beè, mɔ ní mɔ nanbili, ní mɔ calipili, ní mɔ pulonǎnw, ní mɔ pulocew, ní Levii ye wówee wi nyɛ wodɛ́ɛɔn ní ní mɔ ní lè n fàra nibɔnw, ní círiw, ní lɔgucew na pe a pye yele níngi ni lè.

Kɔlɔsi ye 3:22

Púlobèle, bele be nyɛ lè yele kàfɔbèle céri kàbaan na, ki n yɛlɛ yaa lúro be ma kérigèle myɛ ni, ki ga yɛlɛ yele í da báara pe nyaani yagana kéele na í, ki pye mɔ a jo syɛ́ɛnbèle kanidaangéle yele kpéʔele í, fwɔɔ yaa lúro be ma ní funviire ní, àmɛɛ yele fɛ̀ɛgí lè Kàfɔw na.

1 Tesaloniki ye 2:3

Níì cán kɛɛlɛli syɛ́ɛnrɛ wolo da sa ni nyuu yele ma lè, tɛɛpùunugo da pye di ni í, ti da pye syɛɛnnɔnʔɔrɔ í, ti da wɔ́ɔ̀ pye gbánama syɛ́ɛnrɛ í.

1 Tesaloniki ye 2:8

Amɛɛ yele kéeli wolo dɛ́nɛ lè, a wolo gi nyaa wolo ga yɛlɛ bi Kolocɔlɔɔ Syɛɛnjóocǎnri yagana kaan yele ma í, fwɔɔ wolo í wɔ́ɔ woyɛɛ gaan yele ma kányɛʔɛ ni, níì cán yele kéeli maa kpɔ́ʔɔ wolo fúnyi ni gbanʔama.

1 Timɔte 4:13

Mi kòro Kolocɔlɔɔ syɛ́ɛnri wélejoolo na, ní syɛ́ɛnbèle kɛɛlɛlɛ, ní be tamani na, sáni mii í nan yaà lè.

1 Timɔte 5:17

Wolɛɛbèle be Egiliziw sámagi ni kàragí lè, bele bee n yɛlɛ ní kpɔʔɔdɛɛyɛ siin-ziin ní, bele si be Kolocɔlɔɔ syɛ́ɛnri nyuu ní i syɛ́ɛnbèle tama lè, a poro wógi si tóro.

1 Timɔte 6:18

Ki n yɛlɛ paa kacàngēle kpéʔele, pe a náa pye lɔrɔfɔɔlɔ kapyejǎngèle báriga ni, ki n yɛlɛ paa syɛ́ɛnbèle kaangi ŋàʔanaga fun, ní funjànya ní,

Heburubèle 10:25

Ki ga yɛlɛ wolo í woyɛɛ gbóʔoroli yaʔa àmɛɛ pèle tàli ni gi kpéʔele lè í, kàjáa àmɛɛ yele cángi nyaa ki i nùuní lè, ki n yɛlɛ waa woyɛɛ kɛɛlɛ gbanʔama bi sɔ̀lɔ.

Heburubèle 13:17

Ki n yɛlɛ yaa lúro yele yɛɛ̀kinibèle ma, yé yeyɛɛ gaan be ma. Níì cán pe i nyɛ yele pìígèle kɔ̀rɔsiifɔɔlɔ, poro Kolocɔlɔɔ a kɔ́ ba yíbe ge kéeli na. Ki n yɛlɛ yaa lúro be ma jàngó paa be fáliw kpéʔele ní fundaanra ní, ki ga yɛlɛ paa wi kpéʔele ní funbɛɛnrɛ ní í, gee bee a pye tɔ̀nɔ fun yele ma.

Heburubèle 13:22

Mii si i yele nyɛ́ɛri ni senyɛ̀nnɛ, syɛ́ɛnri naa ní mii yele kɛɛlɛ lè, ye di kpàraco. Níì cán syɛɛnkperire mii sɛ́bɛ n tórigo yele ma.

Heburubèle 13:24

Ki n yɛlɛ ye yele yɛɛ̀kinibèle myɛ syáanri yaà, n fàra Kolocɔlɔɔ syɛɛncanbèle myɛ na. Italii tári tágafɔɔlɔ n yele syáanri.

Heburubèle 13:7

Ki n yɛlɛ yaa sɔ̀ngí yaa taagi yele yɛɛ̀kini-zélibèle kéele na, poro bele pe da ni Kolocɔlɔɔ syɛ́ɛnri nyuu yele ma lè. Yaa sɔ̀ngí be tánʔaganmi kéele na, ní àmɛɛ be kwɔ́ɔmi baa pye lè, yáā be tágali tɛ́ɛlɛ.