Wɔrɔmi ye 12:5 - Cebaara Bible 2010

⁵ kánmi bee na wolo nɛʔɛ, ní si i nyɛ cere nibin Kirisi ni, wolo myɛ nibin nibin i nyɛ woyɛɛ céri tɛ́ɛyaa.

Wɔrɔmi ye 12:5 Iomraidhean Croise

Zyan 17:11

Mii a ní pye naa dulunyanw ni í, poro si i naa dulunyanw ni, mii si i syée mɔ ma. Mii Tofɔjǎnw, maa be kpáaw wéle mɔ mɛ́ɛgi báriga ni, gee mɔ le mii na lè, jàngó be pye nibin àmɛɛ wolo nyɛ lè nibin.

Wɔrɔmi ye 12:4

Níì cán àmɛɛ wolo céri nyɛ lè nibin á di tɛ́ɛyi nɛʔɛ, tɛ́ɛyi bee myɛ si o falinijaɔn kpéʔele í,

1 Korɛnti ye 10:17

Amɛɛ búruw nyɛ lè nibin, gee bee na wolo bele wo wírè nɛʔɛ lè, wolo n baa pínɛ n pye cere nibin. Níì cán wo myɛ n wo lɛɛgéle taa búruw bee nibin ni.

1 Korɛnti ye 10:33

Anbée mii tiimaa wɔ́ɔ i syɛ́ɛnbèle myɛ kanidaangéle kpéʔele kérigèle myɛ ni. Mii o niyɛɛ nyɔɔmɔ caa í, fwɔɔ syɛɛnnɛʔɛmɛ wómɔ, koro ga pye be syɔɔ.

1 Korɛnti ye 12:20

Kányɛʔɛ ni céri tɛ́ɛyɛ n nɛʔɛ, kàjáa ti i nyɛ nibin.

1 Korɛnti ye 6:15

Yele ga gi cán ncan yele céri i nyɛ Kirisi céri tɛ́ɛyaa ì? A gi si yɛlɛ lé mii í Kirisi céri tɛ́ɛgaa láa bi pínɛ ní nànjaacew wóro ní? Koro ga yɛlɛ gi pye nyáana í.

Efɛzi ye 1:23

Egiliziw i nyɛ Kirisi céri. Woro wee wi yáriri myɛ foro lè kánmi myɛ na, Egiliziw wi nyɛ woro foroli.

Efɛzi ye 4:12

Wi n koro kpéʔele jàngó bi Kolocɔlɔɔ syɛɛncanbèle nyɔɔ bi foro, koro ga pye poro í da Kolocɔlɔɔ fáliw kpéʔele, kàa sáā taari Kirisi céri na,

Efɛzi ye 4:25

Gee bee na gi yɛlɛ yele í jànvaaw yaʔa, syɔɔn o syɔɔn n yɛlɛ yele ni waa kányɛʔɛ nyuu wi syɛɛnnyɛnnɛ ma. Níì cán wolo i nyɛ woyɛɛ céri tɛ́ɛyɛ.

Efɛzi ye 5:23

Níì cán nǎnw wi nyɛ céw nyúngo, àmɛɛ Kirisi nyɛ lè Egiliziw nyúngo wi lè wi céri, woro tiimaa si i nyɛ wi Syɔɔfɔw.

Efɛzi ye 5:30

Níì cán wolo i nyɛ wi céri tɛ́ɛyɛ.

Kɔlɔsi ye 1:24

Mii i fundaanra kpéʔele tɔ́ɔliw ni àmɛɛ mii fɔ̀rɔgí lè yele kéeli na, àmɛɛ Kirisi da ni wɔʔɔ lè, gee gi sèʔê fɔ̀n lè wɔʔɔyi bee ni, mii i gee bee forogi wi céri kéele na di lè Egiliziw, àmɛɛ mii fɔ̀rɔgí lè mii céri ni.

Kɔlɔsi ye 2:19

Wi ga Kirisi cò gbanʔama í, wi lè nyǔngi, gee gi céri tɛ́ɛyɛ myɛ màko nyɔɔgi lè, níì yi sogi yiyɛɛ na yi tɛɛsogiyi ní kapanyi báriga ni, jàngó céri í da kpɔ́ʔɔgi bàā yɛlɛgi ní Kolocɔlɔɔ kínidɛnɛgi ní.