Wɔrɔmi ye 12:2 - Cebaara Bible 2010

² Ki ga yɛlɛ yele í ní da dulunyanw naa syɛ̀ɛnnɛ tɛ́ɛlɛ í, kàjáa ki n yɛlɛ yele í yele fúnyi kàriga si fàli, koro ga pye yele í Kolocɔlɔɔ nyɛ́nɛ kéeli sámaga cán, lee li nyɔɔ n foro lè, níì Kolocɔlɔɔ dɛ́nɛ.

Wɔrɔmi ye 12:2 Iomraidhean Croise

Ɛsidirasi 10:11

Tɔ́ɔliw ni ki n yɛlɛ ye yére yele kapeegèle ni Yawe yele tóolɛɛbèle Kolocɔlɔɔ yɛ́ʔɛ ma, ye wi nyɛnɛ kéeli kpéʔele. Ye yeyɛɛ wàli ye láʔa tári syɛɛnfeleye, ní syɛɛnfeleyi càbala na.»

Ŋúnuyi 119:103

Mɔ syɛ́ɛnri n tɔ́ɔ̀ tɛ́nɛ mii nyɔ́ɔgi na, ti n tɛ́nɛ mii nyɔ́ɔgi na n sɔ̀lɔ sárigā na!

Ŋúnuyi 119:128

Koro na mii i mɔ kajoogèle myɛ córo ke n sín, jànvaa kóloyi myɛ kéele n mii bɛɛn.

Ŋúnuyi 119:174

Mɔ syɔɔli láa n gbàn mii na, ee Yawe! Mɔ lalwaw si i nyɛ mii fundaanri.

Ŋúnuyi 119:72

Mɔ nyɔ́ɔgi syɛ́ɛnrɛ n mii dɛ́nɛ n sɔ̀lɔ tɛ́ɛw, ní wálifiiw yárira saala kagunɔ kagunɔbèlē saʔa na.

Ŋúnuyi 119:97

Mɔ lalwaw kéele n tɔ̀nɔ n mii dɛ́nɛ! Mii i wi kéeli sɔ̀ngí canbogi myɛ ni.

Ŋúnuyi 34:8

Yawe nyɛ̀ʔɛni tunduɔn n tɛ́ɛn bele taana be fɛ̀ɛgí wi na lè n be màʔa ní i be syoo.

Ŋúnuyi 51:10

Ki yaʔa mii í mugurumɔ, ní fundaanra kéele lóʔo, koro ga pye kaceleyi mɔ kabagi lè, yoro a ra muguri.

Yirile 23:2

Mɔ a kɔ́ taʔa syɛɛnnɛʔɛmi na si kapeʔe kpéʔele í. Mɔ a kɔ́ mɔ séeraw fàli syɛɛnnɛʔɛmi kéele na bi kútiiw kálagi í.

Ezekyɛli 18:31

Ye kapeeyi myɛ láʔa yeyɛɛ na ye wáa léelige, yee yele kpéʔele mii na lè, ye funvɔnyɔ ní pìifɔngéle le yeyɛɛ ni. Nyàʔá na gi yɛlɛ yele í kɔ́ kùu, Isirayɛli kpáagi wòolo?

Ezekyɛli 36:26

Mii a funvɔngɔ kaan yele ma, mii a pìifɔnnɔ le yele ni. Mii a kàdɛnɛgi fúngo yirige yele céri ni, si cere fúngo kaan yele ma.

Matye 13:22

Dee si di too lè wúuri tɛ́ʔɛ ni, koro gi nyɛ wee wi syɛ́ɛnri lóʔo lè, á dulunyanw naa kasɔngugēle ní lɔ́ri fáanaga baa yìri wi ma n syɛ́ɛnri tɔ́n, a di kòro wi ma tɔ̀nɔ fun.

Mariki 4:19

á dulunyanw naa kasɔngugēle pan ní lɔ́ri fáanaga ní n fàra ki laànitaagi yárira na, dee bee n baa syɛ́ɛnri tɔ́n, koro n gi kaan ti n kòro tɔ̀nɔ fun.

Zyan 14:30

Mii a ní joo ní yele ní kèlē saʔa na í, níì cán dulunyanw fànʔafɔlɔ i yaà ni maa. Wi fanʔa si o nyɛ mii na í.

Zyan 15:19

Yele ga maa pye dulunyanw wòolo, yele kéeli mǎà dée dulunyanw syɛ̀ɛnnɛ dɛ́nɛ àmɛɛ yele nyɛ lè dulunyanw wòolo. Kàjáa yele ní o nyɛ dulunyanw wòolo í, níì cán mii n yele nyɛ́nɛ n wòlo n yirige dulunyanw ni. Gee bee na yele kéeli dulunyanw syɛ̀ɛnnɛ bɛɛn.

Zyan 17:14

Mii n mɔ syɛ́ɛnri joo be ma, a be kéeli dulunyanw syɛ̀ɛnnɛ bɛɛn níì cán pe o nyɛ dulunyanw wòolo í, àmɛɛ mii nyɛ lè mii o nyɛ dulunyanw wóo í.

Zyan 7:7

Yele kéeli a gbǎn dulunyanw syɛ̀ɛnnɛ bɛɛn í. Kàjáa mii kéeli si n tɔ́ɔ̀ be bɛɛn níì cán mii i be kɔ́rɔw nyuu níì jo be kapyegèle ga nyɔɔ í.

Wɔrɔmi ye 12:1

Ni senyɛ̀nnɛ, mii i yele nyɛ́ɛri Kolocɔlɔɔ nyínimi báriga ni, ye yele céri kaan Kolocɔlɔɔ ma ti pye sárigaweeo, wee wi nyɛ lè wojaɔn ní, níì Kolocɔlɔɔ dɛ́nɛ, koro ki a pye yele ma Kolocɔlɔɔ kpɔ̀ʔɔrɔli wodeele.

Wɔrɔmi ye 13:14

Kàjáa ki n yɛlɛ ye Kàfɔw Zyezu Kirisi le yeyɛɛ na burogo ki ga yɛlɛ yele í ní yele sɔ̀ngumi taʔa yele céri laànitaʔa kele na bàā ge kpéʔele í.

Wɔrɔmi ye 7:12

Mowizi làlwaw i nyɛ tɛɛlɛ fun, a wi tundunri wɔ́ɔ i nyɛ tɛɛlɛ fun, ti n sín níì nyɔɔ.

Wɔrɔmi ye 7:14

Wolo n gi cán Mowizi làlwaw n nyɔɔ syɔɔn pili ma. A mii céri láanitaʔa kele si mii kíle n pára kapeebyeri ma.

Wɔrɔmi ye 7:22

Koro ní ki myɛ ní Kolocɔlɔɔ làlwaw kéele n mii dɛ́nɛ mii fúngi ni gbanʔama.

1 Korɛnti ye 3:19

Níì cán dulunyanw naa sícilimɛ i nyɛ labalama Kolocɔlɔɔ nyɛ́nɛ na. Koro gi wɔ́ɔ̀ sɛ́bɛ níì jo: «Wi i sícilibèle có be sícilibeegi na.»

2 Korɛnti ye 4:4

Dulunyanw naa kolocɔlɔɔ n sìndagabèle sɔ̀ngurɔ tɔ́n, koro ga pye pe a kɔ́ Syɛɛnjóocǎnri gbɛ̀ɛnmɛ nyaa í, bee bi Kirisi nìjangbɔɔri tèé lè, woro wee wi nyɛ lè Kolocɔlɔɔ niwiriw.

2 Korɛnti ye 5:17

Gee bee na ní syɔ́ɔnwee ga pye lè Kirisi ni, Kolocɔlɔɔ n wee bee faan kavɔn. Wéle, yalɛɛri n sɔ̀lɔ n kwɔ́ɔ, á di kàri wovɔnrɔ.

Galasi ye 1:4

Kirisi tiimaa n wiyɛɛ gaan wolo kapeegèle kéele na koro ga pye bi wolo syɔɔ dulunyanbeew naa ma, n yɛlɛ ní wolo Tóow Kolocɔlɔɔ nyɛ́nɛ kéeli ní,

Efɛzi ye 1:18

Wi wɔ́ɔ yele yaʔa yele í da nyaagi yele fúnyi ni, koro ga pye sɔ̀ngumi tɛɛtaʔaga kéele na wi yele yeri lè, yele í gee bee cán bi fàra wi kɔ́rigi nìjangbɔɔrɔ lɔnɛʔɛrɛ na, gi nyɛ lè wi syɛɛncanbèle,

Efɛzi ye 2:2

ànbée yele da ni táanri booma ni ni yɛlɛgi ní dulunyanw naa nàʔama ní, n wɔ́ɔ ni yɛlɛgi ní káfalagi fànʔa kàfɔlɔ ní, wi lè pìipeeli, lee li báara lè Kolocɔlɔɔ syɛ́ɛnri céefɔɔlɔ fúnyo ni.

Efɛzi ye 5:17

Gee bee na ki ga yɛlɛ yele í pye kanaa-sìnjánbéle í, kàjáa ki n yɛlɛ yele í da Kàfɔw nyɛ́nɛ kèlē cángi.

Kɔlɔsi ye 1:9

Gee bee na nlaa cángee na wolo yele kéeli lóʔo lè, a wolo wɔ́ɔ̀ kòro ni Kolocɔlɔɔ nyɛ́ɛri yele kéeli na sìnlaʔa ni, wolo i wi nyɛ́ɛri koro ga pye Pìicǎnni sícilimɛ ní li kérigèle cánna myɛ í yele fúnyi nyìn, jàngó yele í Kolocɔlɔɔ nyɛ́nɛ kéeli fílige cán.

Kɔlɔsi ye 3:10

níì kanvɔnmi le yeyɛɛ na, kàa i fàrá kanvɔnmi bee na làla o làla ni yɛlɛgi ní bi faanfɔw kánma ní, koro ga pye yele í ba kérigèle myɛ cán.

Kɔlɔsi ye 4:12

Epafirasi n yele syáanri wi nyɛ lè yele wówaa ní i nyɛ Kirisi Zyezu púlo, wi i nyɛ́ɛri ní lòmaana ní yele kéeli na làla o làla, koro ga pye yele í sámaga yére kòro wozinvorobéle ní si Kolocɔlɔɔ nyɛ́nɛ kéeli sámaga cán bi foro.

1 Tesaloniki ye 4:3

Gee Kolocɔlɔɔ caa lè, koro gi nyɛ wi i caa yele fúnyi í fílige. Wi i caa yele í láʔa kanɔnʔɔri na.

Tiiti 3:5

a wi wolo syɔɔ, wolo kasinbyeri kéele si na ban wi gee bee kpéʔele í, wi nyínimi báriga ni wi wolo syɔɔ, wi n wolo séli n see kavɔn àmɛɛ wi wolo fúnyi jée n mùnu lè, níì yi sámaga wovɔnyɔ ní Pìicǎnni báriga ni lè.

Zyaki 1:27

Wee wi Kolocɔlɔɔ kólogi táanri ni síngi lè kolomɔ fun wolo Tóow Kolocɔlɔɔ ma, woro wi nyɛ wee wi syée lè n sa ni círibèle ní lɔgucebèle wéle ní i be dɛ̀ɛmɛ́ pe fɔ̀rɔyi kèlē na, ní wɔ́ɔ i wiyɛɛ kɔ̀rɔsíi péemi kèlē na ge nyɛ lè dulunyanw ni.

Zyaki 4:4

Yele kanɔnʔɔbyebèle! Yele ga gi cán ncan wee wi ga tàmaga le ní dulunyanw ní lè, wee bee i nyɛ Kolocɔlɔɔ nígoo ì? Syɔ́ɔnwee faala wi caa bi pye tàmaga na ní dulunyanw ní lè, wee bee n wiyɛɛ gbéʔele Kolocɔlɔɔ nígoo.

1 Pyɛri 1:14

Ki n yɛlɛ yele í pye àmɛɛ pìiloʔobéle nyɛ lè, ki ga yɛlɛ yele í da táanri da yɛlɛgi ní yele booma ki laànitaagi kèlē ní í, gele yele da ni kpéʔele lè yele kanaa-sìnjánmi làla ni.

1 Pyɛri 1:18

Níì cán yele n gi cán àmɛɛ wi yele syɔɔ lè yele gbanzan tánʔaganmi ma, bee yele taa lè yele tóolɛɛbèle ma, wi ga yele syɔɔ ní yakwɔɔrɔ ní í, àmɛɛ wálifiiw ní tɛ́ɛw nyɛ lè.

1 Pyɛri 2:3

àmɛɛ yele gi laala n wéle lè níì gi cán Kàfɔw n nyɔɔ.

1 Pyɛri 4:2

koro ga pye lǎlee li kòro wi kwɔ́ɔ lè sìi na dulunyanw ni, wi a ní kɔ́ kòro bàā syɛ́ɛnbèle ki laànitaʔa kele kpéʔele lǎli bee ni í, fwɔɔ Kolocɔlɔɔ nyɛ́nɛ kérigèle.

2 Pyɛri 1:4

Wi nìjangbɔɔri bee ní wi nyɔɔ-mí-foroli báriga ni wi nyɔɔfaliyi kaan wolo ma, yee yi nyɔɔ lè níì kpólo gbanʔama, wi n nyɔɔfaliyi bee kaan koro ga pye yele í syɔɔ yi bárigaw ni dulunyanw kálagima ma, bee bi naa lè ki laànitaagi kèlē báriga ni, yele si wɔ́ɔ lɛɛlɛ taa kolocɔlɔmi ni.

2 Pyɛri 2:20

Bele be Zyezu Kirisi sámaga n cán lè, wi lè Kàfɔw ní Syɔɔfɔw, níì taa n syɔɔ dulunyanw nɔ́nʔɔrɔ ma cánni bee báriga ni lè, kapye nɔ́nʔɔri bee n níì fànʔa taa be na n be cò n yérige kavɔn, gee bee kàdoʔo a náa ba pee bi sɔ̀lɔ wozeligi na bele bee ma.

1 Zyan 3:13

Ni senyɛ̀nnɛ, yele kéeli ga dulunyanw syɛ̀ɛnnɛ bɛɛn yele a kɔ́ gi yaʔa gi yele fúnyi wɔ́ɔ í.

1 Zyan 5:19

Wolo n gi cán ncan wolo i nyɛ Kolocɔlɔɔ wòolo, dulunyanw myɛ si i nyɛ Wobeew kɔ́yɔ ni.

Tɛ̀ɛnnɛ 12:9

A be yacobeekpɔɔgi cò n wáa kàfugi na, gi lè wàbilɛɛgi, be yiri lè Dàzɔɔnw, ní Sutanaw, woro wee wi dulunyanw syɛ̀ɛnnɛ myɛ fáana ni pùuní lè. A be wi yirige n wáa tári na ní wi tundunbèle ní.

Tɛ̀ɛnnɛ 13:8

Bele myɛ be nyɛ lè tári na, gee bee n jo syɔɔn o syɔɔn mɛ́ʔɛ gi nyɛ lè sìnzɛbɛ ni nlaa yaà dulunyanw sélimɛ na sìíw sɛ́bɛ ni wi nyɛ lè Bàpili ma, lee pe da kpóo lè, bele bee a ra yaweegi kpɔ̀ʔɔrɔ́.