Wɔrɔmi ye 12:1 - Cebaara Bible 2010

¹ Ni senyɛ̀nnɛ, mii i yele nyɛ́ɛri Kolocɔlɔɔ nyínimi báriga ni, ye yele céri kaan Kolocɔlɔɔ ma ti pye sárigaweeo, wee wi nyɛ lè wojaɔn ní, níì Kolocɔlɔɔ dɛ́nɛ, koro ki a pye yele ma Kolocɔlɔɔ kpɔ̀ʔɔrɔli wodeele.

Wɔrɔmi ye 12:1 Iomraidhean Croise

Ŋúnuyi 116:12

Nyàʔá mii a lúrugo Yawe ma wi kacǎnyi myɛ kéele na, yee wi kpéʔele mii na lè?

Ŋúnuyi 19:14

Mi wɔ́ɔ mɔ falipyew syɔɔ niyɛɛ dɔriri kapeegéle ma, jàngó ke a kɔ́ tɛ́ɛn mii nyúngi na í! Lǎli bee ni mii a pye syɛɛnsinvoroo, si pye tɛɛlɛ fun kapeekpɔʔɔ kàbaan na.

Ezayi 56:7

mii a pan ní bele bee ní mii nyanbejǎngi ma, mii a ba fundaanra kaan be ma mii nyɛ́ɛrigi kpaʔa ni. Mii a ra fɔ̀lɔ́ be sáriga-sórigow, ní be sárigaw na be wóo mii sáriga-wòlo-yafaangi na lè. Níì cán pe a ra mii kpáagi yiri Kolocɔlɔɔ nyɛ́ɛrigɛ kpaʔa, gee ki a pye lè syɛɛnfeleyi myɛ wóʔo.»

Zyeremii 6:20

Nyàʔá mii a pye ní nùndanʔa yárigi ní gi yìrigí Saba ma lè, ní táleelire nundanʔa nyàákanga ní? Yele sáriga-sórigow ga mii dɛ́nɛ í, yele sárigaw o nyɛ mii yanidaanmaga í.»

Oze sɛ́bɛw 14:2

Isirayɛli, lúru mi pan Yawe mɔ Kolocɔlɔw ma, níì cán mɔ n kpírige n too mɔ kolomi kéele na.

Córolo 7:21

ní náapebile nibin, ní bàpɔlɔ nibin, ní yɛɛlɛ nibin bàpɔbile nibin, toro í pye sáriga-sórigoo,

Luki 7:47

Gee bee na mii a gi joo mɔ ma, wee naa tàmaga n kpɔ́ʔɔ wi kapeenɛʔɛgèle kùsulugo syɔɔlɔ báriga ni. Kàjáa syɔ́ɔnwee má kapeegèlē cɛɛri kusulugo syɔɔ lè, wee bee tàmaga n cɛ́rɛ.»

Wɔrɔmi ye 12:2

Ki ga yɛlɛ yele í ní da dulunyanw naa syɛ̀ɛnnɛ tɛ́ɛlɛ í, kàjáa ki n yɛlɛ yele í yele fúnyi kàriga si fàli, koro ga pye yele í Kolocɔlɔɔ nyɛ́nɛ kéeli sámaga cán, lee li nyɔɔ n foro lè, níì Kolocɔlɔɔ dɛ́nɛ.

Wɔrɔmi ye 15:16

níì jo mii í pye Kirisi Zyezu falipyeo syɛɛnfeleyi ma. Mii i nyɛ àmɛɛ sáriga-wòloo nyɛ lè ni Kolocɔlɔɔ Syɛɛnjóocǎnri fáli kpéʔele, koro ga pye mii í syɛɛnfeleyi kaan Kolocɔlɔɔ ma sáriga, wee wi Kolocɔlɔɔ dɛ́nɛ lè, àmɛɛ Pìicǎnni a yi jée mùnu bi yaʔa wi ma lè.

Wɔrɔmi ye 15:30

Ni senyɛ̀nnɛ, mii i yele nyɛ́ɛri wolo Kàfɔw Zyezu Kirisi bárigaw ni ní Pìicǎnni tàmaga báriga ni, ye pínɛ ní mii ní waa nyɛ́ɛri ní lòmaana ní Kolocɔlɔɔ ma mii kéeli na,

Wɔrɔmi ye 2:4

Wàlá àmɛɛ Kolocɔlɔɔ fúngi tɔ̀nɔ n nyɔɔ lè gbanʔama, á wi nyínimi ní wi kpàracogi wɔ́ɔ̀ nɛʔɛ lè, a koro jo lé mɔ o gee bee córo wii í láà? Mɔ ga gi cán ncan wi funjǎngi a gbǎn mɔ kàriga mɔ í kàdoʔo wáa mɔ kapeegèle ma ì?

Wɔrɔmi ye 6:13

Ki ga wɔ́ɔ̀ yɛlɛ yele í ní yele céri tɛ́ɛyɛ yaʔa kapeebyeri kɔ́yɔ ni bi yi kpéʔele kakolobyeri falipye-yarira í. Kàjáa ki n yɛlɛ ye yeyɛɛ gaan Kolocɔlɔɔ ma bi pye àmɛɛ syɛ́ɛnbèle pèle nyɛ lè, bele be nyán n yiri kúbèle nínge ni lè n pye sìi na, yé yele céri tɛ́ɛyɛ kaan Kolocɔlɔɔ ma yi pye sínni falipye-yarira.

Wɔrɔmi ye 6:16

Yele ga gi cán ncan yele ga yeyɛɛ gaan kàfɔwee ma lè n pye wi pulobèlē ni lúro wi ma, woro wee má yele lúro lè, yele i nyɛ wee bee púlobéle ì? Kapye kapeebyeri má yele lúro, gee bee kàdoʔo i nyɛ kùúw, ki si ga pye Kolocɔlɔɔ má yele lúro, gee bee kàdoʔo i nyɛ sínni.

Wɔrɔmi ye 6:19

Mii i nyuu yele ma syɛ́ɛnbèle jooganma na yele céri báriga fùnmɔ kéele na. Amɛɛ yele da yele céri tɛ́ɛyɛ kaan lè a yi pye kanɔnʔɔri ní kolomi púloro ni ni kakolobyeri kpéʔele kánmee na lè, kánmi bee na tɔ́ɔliw ni, ye yele céri tɛ́ɛyɛ kaan yi pye sínni púloro ni bàā kasingèle kpéʔele.

Wɔrɔmi ye 9:23

Bele na wi da nyinimɛ taa lè níì be sámaga n yaʔa nìjangbɔɔri kánma na, wi maa wɔ́ɔ ni caa bi gi tɛ̀ɛn àmɛɛ woro nìjangbɔɔri lɔ́rɔ nɛʔɛ be ma lè.

1 Korɛnti ye 1:10

Ni senyɛ̀nnɛ, mii i yele nyɛ́ɛri wolo Kàfɔw Zyezu Kirisi mɛ́ɛgi na níì jo ye bɛ̀ɛ nibin na, yele a kɔ́ ra wálagi yeyɛɛ na í, fwɔɔ ye pínɛ ye pye nibin, funzɔnguri ní syɛɛnjóori na.

2 Korɛnti ye 10:1

Mii Pɔli tiimaa i yele nyɛ́ɛri Kirisi fûnnyingi ní wi funjǎngi kéele na, mii wee wi màámi kpéʔele lè yele nyɛ́nɛ na lǎlee ni mii ga pye yaà lè yele níngi ni, mii si ga núngo yele taana, mii n soro.

2 Korɛnti ye 4:1

Amɛɛ Kolocɔlɔɔ nyinimɛ taa wolo na lè níì fáliw naa kaan wolo ma, koro na fɔ̀rɔyi o wolo fǎngi kwóo í.

2 Korɛnti ye 4:16

Koro na fɔ̀rɔyi o wolo fǎngi kwóo í. Alí kàa ga ni yirigi wolo céri fànʔa ni, kàa si tɔ́ɔ i taari wolo pìígèle wóʔo na canʔa o canʔa.

2 Korɛnti ye 5:20

Koro na wolo nyɛ Kirisi tundunbéle, á Kolocɔlɔɔ si i syɛ́ɛnbèle yiri wolo jooli báriga ni. Wolo si i yele nyɛ́ɛri Kirisi mɛ́ɛgi na níì jo ye bɛ̀ɛ ní Kolocɔlɔɔ ní!

2 Korɛnti ye 6:1

Amɛɛ wolo nyɛ lè Kolocɔlɔɔ falipyenyɛ̀nnɛ, wolo i yele nyɛ́ɛri níì jo kpɔ́ʔɔri yele taa wi ma lè, yele a kɔ́ dee bee yaʔa di pye yele ma gbanzan í.

Efɛzi ye 4:1

Gee bee na mii i yele nyɛ́ɛri, mii wi lè Kàfɔw kàsoleo, níì jo kéelee na Kolocɔlɔɔ yele yeri lè, yele í da táanri da yɛlɛgi ní lee bee ní.

Efɛzi ye 5:10

Ki n yɛlɛ yaa kérigèle sɛʔɛ bàā Kàfɔw kanidaangéle cángi.

Làlwaw Kaanziin 14:2

Níì cán mɔ i nyɛ syɛɛnfelegaa, gee gi yaʔa kɔlɔ̀ na Yawe mɔ Kolocɔlɔw ma lè, á Yawe mɔ nyɛ́nɛ n wòlo mɔ í pye syɛɛnfelegaa, gee ki a pye lè woro tiimaa wóʔo syɛɛnfeleyi myɛ nínge ni yi nyɛ lè tásaligi na.

Filipikaʔa ye 1:20

N yɛlɛ ní gee ní mii sige lè ní fundaanra ní, ní gee gi nyɛ lè mii sɔ̀ngumi tɛɛtaʔaga, fɛ̀ɛrɛ a tɔ̀nɔ́ ba mii taa keelaa faala na í. Kàjáa mii ga pye sìi na yoo, a mii náà kùu yoo, mii i nànzorodo kpéʔele koro ga pye Kirisi í kpɔʔɔrɔ taa mii céri ni tɔ́ɔliw ni àmɛɛ ki da tée ni kpéʔele lè làrigèle myɛ ni.

Filipikaʔa ye 2:17

Alí pe ga mii wòlo sáriga Kolocɔlɔɔ ma n taʔa yele tágali báara ní li sárigaw na, mii a ra fundaanra kpéʔele sáā di kpéʔele ní yele myɛ ní.

Filipikaʔa ye 4:18

Mii si n yáriri myɛ taa, a di nɛʔɛ naa mii ma n sɔ̀lɔ. Yáriree yele da kaan Epafuroditi ma níì jo wi ba di kaan mii ma lè, mii n di taa, yáriri bee n mii tín, ti i nyɛ nùndaanna yárira, ní i nyɛ sárigacàɔn, wee wi Kolocɔlɔɔ dɛ́nɛ lè.

1 Tesaloniki ye 4:1

Ni senyɛ̀nnɛ, dee wolo a ní joo lè toro di nyɛ dee naa, tánʔaganmee na yele yɛlɛ bàā táanri lè yele kéeli si Kolocɔlɔɔ dɛ́nɛ, yele n tánʔaganmi bee tama wolo ma. Kánmi bee na si yele wɔ́ɔ̄ táanri. Wolo si sèʔé i yele nyɛ́ɛri ní i yele kɛɛlɛ Kàfɔw Zyezu mɛ́ɛgi na níì jo, ye ní yaa kàa fàrá gee bee na.

1 Tesaloniki ye 4:10

Kánmi bee na si yele wɔ́ɔ i gi kpéʔele senyɛnbèle myɛ ma Maseduwani tári myɛ ni. Kàjáa, ni senyɛ̀nnɛ, wolo sèʔé i yele nyɛ́ɛri níì jo yele í da gi kpéʔele bi ní sɔ̀lɔ wozeligi na,

1 Tesaloniki ye 5:12

Ni senyɛ̀nnɛ, bele be báara yele níngi ni lè be nyɛ lè yele yɛɛ̀kinibèle ní yele sàmifɔbèle Kàfɔw kólogo ni, wolo i yele nyɛ́ɛri níì jo, yaa lúro be ma.

1 Timɔte 2:3

Gee bee n nyɔɔ wolo Syɔɔfɔw Kolocɔlɔɔ ma, níì wi dɛ́nɛ.

1 Timɔte 5:4

Pìibēle si ga pye pe wàa ma, koro ga jáa wi pìíbèle pìibēle yoo, ki n yɛlɛ bele bee í da Kolocɔlɔɔ yɛ́ɛgi fyáara kele tama pe tiimaa narigbaagi wólɛɛbéle kabaan na, níì cán pe ga ni pe seefɔbèle gɔ̀lɔbéle wóo be ma, gee bee gi Kolocɔlɔɔ dɛ́nɛ.

Filemɔn 1:10

mii i mɔ nyɛ́ɛri mii pìíw kéele na, wee mii see naa lè kàsow ni, woro wi nyɛ Onɛziimi,

Filemɔn 1:9

koro ní ki myɛ ní tàmagi kéele na mii mɔ nyɛ́ɛri. Mii Pɔli wi lè nànlɛɛɔ, ní wɔ́ɔ i nyɛ kàsow ni tɔ́ɔliw ni n yɛlɛ ní Kirisi Zyezu kínidɛnɛgi ní,

Heburubèle 13:22

Mii si i yele nyɛ́ɛri ni senyɛ̀nnɛ, syɛ́ɛnri naa ní mii yele kɛɛlɛ lè, ye di kpàraco. Níì cán syɛɛnkperire mii sɛ́bɛ n tórigo yele ma.

1 Pyɛri 2:20

Pe ga ni yele kpúmɔn yele kapeebyeri kéele na, á yele gi kpàraco, wìí wi a yele sòolo gee bee na? Kàjáa yele ga ni wɔʔɔ yele kapyejǎngèle kéele na ní i gi kpàracó, gee bee gi nyɔɔ Kolocɔlɔɔ nyɛ́nɛ na.

1 Pyɛri 2:5

yele tiimaa si wɔ́ɔ i nyɛ mɔ a jo kàdɛnɛweeye yii, ye gi yaʔa waa yele téeri waa Pìicǎnni kpaʔa faanri, gee ni yele a pye lè sáriga-wòlocànbēle kabigaa bàā sárigaw wóo pǐli kàbaan na, sárigawee wi Kolocɔlɔɔ dɛ́nɛ lè, Zyezu Kirisi bárigaw ni.