Wɔrɔmi ye 11:8 - Cebaara Bible 2010

⁸ Amɛɛ gi sɛ́bɛ lè níì jo: «Kolocɔlɔɔ n be fúnyi tɔ́n, ní wɔ́ɔ̀ nyapiigèlē kaan be ma, gele ge lè pe o nyaagi ge ni í, níì líiweegéle kaan be ma, gele ge lè pe o lúro ge ni í, fwɔɔ n baa nan níjanʔa na.»

Wɔrɔmi ye 11:8 Iomraidhean Croise

2 Fànʔafɔbèle 17:34

Pe i be kanzelimi kpéʔele fwɔɔ n baa nan níjanʔa na. Pe o Yawe kpɔ́ʔɔgi í, pe si wɔ́ɔ o be làlwaw kèlē wàlá be kalɛɛgèle kpéʔele í, wàlá làlwaw ní kajoodɛɛngèle Yawe kaan lè Zyakɔbi yòdaʔayi ma, woro wee na wi mɛ́ɛgi le lè ni wi yiri Isirayɛli.

2 Fànʔafɔbèle 17:41

Syɛɛnfeleyi bee maa ni Yawe kpɔ́ʔɔgi ní wɔ́ɔ i báara be yasunyi ma. A be pìíbèle, ní be pìíbèle pìibēle kòro ni gi kpéʔele ni syée nya n yɛlɛ ní be toolɛɛbèle kapyere ní fwɔɔ n baa nan níjanʔa na.

Ezayi 29:10

Níì cán Yawe n ŋúnɔgbɔɔmɔ tìrige n tɔ́n yele na, wi n yele nyapiigèle tɔ́n, koro ge nyɛ kanyaajoobèle, wi n yele nyúnyi tɔ́n, yoro yi nyɛ kanyaabèle.

Ezayi 6:9

A wi mii pye: «Da syée mi sa syɛ́ɛnbèle bee pye: ‹Ye kòro yaa lúro, yele si a gi kɔ́rɔw cán í! Ye kòro yaa wéle, yele si a ra yafyɛn cángi da láʔala í.›

Zyeremii 5:21

Ye gee naa lóʔo, syɛɛnfele-labalaga, ní funvɔ̀nbēle! Nyapiigèlē i be na, pe si o nyaagi í, líiweegéle i be na pe si o lúro í.

Ezekyɛli 12:2

«Syɔɔn-pya, mɔ i nyɛ wodɛ́ɛɔn ní niceebéle narigbaʔa nínge ni, bele na nyapiigèlē nyɛ lè paa nyaagi, pe si o nyaagi í, bele na líiweegéle nyɛ lè paa lúro, pe si o lúro í. Níì cán niceebéle narigbaʔa gii.

Ezekyɛli 20:26

A mii gi yaʔa be peyɛɛ nɔ́nʔɔ pe yakaanyi báriga ni, yi lè pe pìiselibèle myɛ pe wóo lè sáriga, náagi ni. Mii maa ni caa bi be lége wɔʔɔgi ni kánmi bee na koro ga pye pe gi cán bi cán mii wi nyɛ Yawe.›

Luki 8:10

A wi be pye: «Ki n kaan yele ma yele í Kolocɔlɔɔ fǎngi kalaragēle cán. Kàjáa ki ga yére wozanbèle na, ki i nyuu poro ma kàseegéle ni. ‹Koro ga pye paa gi wéle, pe si a kɔ́ gi nyaa í. Pe wɔ́ɔ ra gi lúro, pe si a kɔ́ gi kɔ́rɔw cán í.›

Kapyegèle 28:26

‹Da syée syɛ́ɛnbèle yaa ma mi sa be pye: Yele a kɔ́ ba ra gi lúro, yele si a ra gi kɔ́rɔw cángi í, yele a kɔ́ ba ra wéle, yele si a ra nyaagi í.

Làlwaw Kaanziin 29:4

Mii n yele yɛ́ɛgi kíni fìími tára ni yɛ̀ʔɛlɛ togoye siin fúngo ni. Yele búroyi ga lɛɛ n sulugu n láʔa yele na í, taʔalayi yi nyɛ yele tɔ́lɔyi na lè, yi ga kálagi í.