Wɔrɔmi ye 11:7 - Cebaara Bible 2010

⁷ Mɛ̀ɛ́ si gi nyɛ? Gee Isirayɛli ye da ni caa lè, pe ga gi taa í, á Kolocɔlɔɔ wonyɛnɛ-wòlobèle si gi taa, á wozanbèle fúnyo tɔ́n be na.

Wɔrɔmi ye 11:7 Iomraidhean Croise

Kàseegèle 1:28

lǎli bee ni pe a ra mii yiri, mii si a syɔɔ í. Pe a ra mii caa, pe si a mii nyaa í.

Ezayi 44:18

Pe o yarigaa cángi í, pe o keele cángi ni láʔala í. Níì cán pe n nyapiigèle tɔ́n be na, koro ga pye pe a kɔ́ ra nyaagi í, ní be fúnyi, koro ga pye pe a kɔ́ keele kɔ́rɔ cán í.

Ezayi 6:10

Ki n yɛlɛ mi syɛ́ɛnbèle naa fúnyo gbàn, pe líiweegèle pɛɛn, mí be nyapiigèle tɔ́n, jàngó pe a kɔ́ ra nyaagi pe nyapiigèle ni í, pe a kɔ́ ra lúro pe líiweegèle ni í, pe a kɔ́ ra kérigèle cángi be fúnyi ni í, pe a kɔ́ kàri si pɔʔɔ í.»

Mariki 6:52

Níì cán pe da kɔ́ɔ̀ búruw kakpɔʔɔ kɔ́rɔ cán í, ncan be fúnyi maa tɔ́n.

Luki 13:24

«Mii a gi joo yele ma ki n yɛlɛ ye ŋàʔana kányɛʔɛ ni ye jée tɛɛ̀jeepili ni. Níì cán syɛ̀ɛnnɛ saʔa a ba ra kanmaa caa si jo poro a jée, pe fanʔa si a taa í.

Zyan 12:40

«Wi n be kpéʔele fúunbéle, ní wɔ́ɔ̀ be fúnyi tɔ́n be na, koro ga pye pe a kɔ́ ra nyaagi nyapiigèle ni í, pe a wɔ́ɔ kɔ́ yarigaa cán be fúnyi ni í, si kɔ́ kàri woro si be syɔɔ í.»

Wɔrɔmi ye 10:3

Pe ga Kolocɔlɔɔ sínni cán í, ní i ŋàʔaná bi peyɛɛ gbéʔele syɛɛnsinbéle, gee bee na pe ga fɔ̀lɔ n peyɛɛ gaan Kolocɔlɔɔ ma wi poro sín í.

Wɔrɔmi ye 11:25

Ni senyɛ̀nnɛ, mii o caa yele í kòro kalarali naa sìnján ni í, kapye koro ban í, yele a kɔ́ ra yeyɛɛ jóro sícilibēle, kalarali bee li nyɛ ncan Kolocɔlɔɔ n Isirayɛli syɛ́ɛnbèle pèle fúnyo tɔ́n bi taa syɛɛnfeleyi wozanya nyɔ́ɔ í ba foro yee yi yɛlɛ bi syɔɔ lè.

Wɔrɔmi ye 11:5

Anbée gi wɔ́ɔ i nyɛ tɔ́ɔliw ni, Kolocɔlɔɔ n pèle nyɛ́nɛ n wòlo n yɛlɛ ní wi kpɔ́ʔɔri ní.

Wɔrɔmi ye 3:9

Ki ga pye nya, wolo bele wo nyɛ lè Zyefubèle, a gee bee joo lé wolo n sɔ̀lɔ syɛɛnsanbèle na? Eʔe, wolo ga sɔ̀lɔ be na í. Níì cán wolo n gi fílige n joo n kwɔ́ɔ níì jo Zyefubèle ní syɛɛnfeleyi wozanya myɛ i nyɛ kapeebyeri kɔ́yɔ ni,

Wɔrɔmi ye 6:15

Ki ga pye nya, àmɛɛ gi nyɛ lè wolo o nyɛ Mowizi làlwaw fànʔa ni í, fwɔɔ kpɔ́ʔɔri fànʔa ni, a gee bee jo lé ki n yɛlɛ wolo í da kapeegèle kpéʔele? Eʔe dɛ!

Wɔrɔmi ye 9:18

Gee bee na wee na wi ga ni caa bi nyinimɛ taa lè, wi n bi taa wi na, wi ga wɔ́ɔ ni caa bi wee zɔ̀n gbàn lè, wi n wi gbàn.

Wɔrɔmi ye 9:23

Bele na wi da nyinimɛ taa lè níì be sámaga n yaʔa nìjangbɔɔri kánma na, wi maa wɔ́ɔ ni caa bi gi tɛ̀ɛn àmɛɛ woro nìjangbɔɔri lɔ́rɔ nɛʔɛ be ma lè.

1 Korɛnti ye 10:19

A yele mii syɛ́ɛnri naa tɛɛkáriga cán lé? Yasungo káara i nyɛ lé yarigaa? Ba yasungi tiimaa i nyɛ lé yarigaa? Eʔe.

2 Korɛnti ye 3:14

Kàjáa pe sɔ̀nguri maa pye yébilimɛ. Alí nlaa fwɔɔ n baa nan níjanʔa na, pe ga ni joogaanlɛɛli syɛ́ɛnrɛ wéle ni nyuu lǎlee ni lè, fàniw bee wonijaɔn n kòro yaà wodɔɔn ní. Wi ga láʔa í, níì cán Kirisi bárigaw ni wi a gbǎn láʔa.

2 Korɛnti ye 4:4

Dulunyanw naa kolocɔlɔɔ n sìndagabèle sɔ̀ngurɔ tɔ́n, koro ga pye pe a kɔ́ Syɛɛnjóocǎnri gbɛ̀ɛnmɛ nyaa í, bee bi Kirisi nìjangbɔɔri tèé lè, woro wee wi nyɛ lè Kolocɔlɔɔ niwiriw.

Efɛzi ye 1:4

Níì cán sáni dulunyanw í séli lè, wi maa wolo nyɛ́nɛ n wòlo wolo í pye Kirisi ni, jàngó wolo í sín, si pye tɛɛlɛ fun woro nyɛ́nɛ na. Tàmagi báriga ni

Efɛzi ye 4:18

Pe fúnyi i nyɛ yébilimɛ, pe kanaa-sìnjánmi ní be zɔ̀nniribèle báriga ni be kòro nibɔɔnnɔ sìíw kàbaan na, wee Kolocɔlɔɔ kaangi lè.

Filipikaʔa ye 1:18

Gee bee si i nyɛ nyàʔá? Kanma o kanma na pe Kirisi kéeli nyuu lè, àlí ti jooli nyúngo ga pye pèle ma jànvaa yoo, ní si i nyɛ pèle ma kányɛʔɛ yoo, mii i fundaanra kpéʔele gee bee na. Mii si a sèʔé ra di kpéʔele làla o làla.

Heburubèle 12:17

Yele n gi cán gee bee kàdoʔo ma wi maa ni caa woro í dùbaw kɔ́rigɔ lìi, a wi tóow cée, àlí wi maa ni gi caa gbanʔama ní nyatinmɛ ní, wi si ga kanmaa taa n wi tóow fúngo kàriga í.

1 Pyɛri 1:2

Tofɔw Kolocɔlɔɔ maa téè yele nyɛ́nɛ n wòlo booma ni n yɛlɛ ní wi kakɔrirɔli ní jàngó Pìicǎnni í yele sámaga yaʔa woro ma, koro ga pye yele í da lúro Zyezu Kirisi ma, wi sìsyaanw nyari-nyarila sáā yele mùú. Ki n yɛlɛ Kolocɔlɔɔ í da kàa fàrá yele ma kpɔ́ʔɔri ní fûnnyingi na.