Wɔrɔmi ye 11:4 - Cebaara Bible 2010

⁴ Kàjáa nyàʔá si Kolocɔlɔɔ da joo wi ma syɛɛnlurugori? Wi maa wi pye: «Mii n nànbēle selebingéle taanri ní saala kagunɔ yaʔa niyɛɛ ma, bele be lè pe ga kpùmɔnɔ Baali taana í.»

Wɔrɔmi ye 11:4 Iomraidhean Croise

1 Fànʔafɔbèle 16:31

N wiyɛɛ gaan Nɛbati jáaw Zyerobowami kapeegèle ma a koro cɛ́rɛ n sɔ̀lɔ wi nyɛnɛ na, a wi Siidɔn ye fànʔafɔw Etibaali jáaw Zyezabɛli láa wi cɔɔ̀ ní i syée n sa ni Baali kpɔ̀ʔɔrɔ́ ní i tíri ni tuun wi yɛʔɛ̀ ma.

1 Fànʔafɔbèle 19:10

A wi jo: «Kayaʔa gi tɔ̀nɔ́ nyɛ mii ni Yawe kéeli na, wi lè Nyɛ̀ʔɛni Kapɛɛnkpumɔnbéle Kolocɔlɔɔ. Níì cán Isirayɛli ye n mɔ joogaanni yaʔa, níì mɔ sáriga-wòlo-yafaanyi jabagi, níì mɔ kanyaajoobèle kpóo ní ŋɔséew ní. Mii nibin wi kòro, pe si ní i caa bi mii sìíw kwɔ́ɔ.»

1 Fànʔafɔbèle 19:18

Kàjáa mii a nànbēle selebingéle taanri ní saala kagunɔ yaʔa Isirayɛli ni poro bele myɛ be nyɛ lè pe ga yégunri cáan Baali yɛ́ʔɛ ma í wàlá n wi syɔɔnri syɔɔnri ní nyɔ́ɔyi ní í.»

Ezayi 4:3

Bele pe ga kòro Siyɔn ni lè, n pye sìi na Zyerusalɛmi ni, pe a ra be yiri wojanbèle, poro bele myɛ mɛ́ɛyɛ yi a sɛ́bɛ sìíw kánma na lè Zyerusalɛmi ni.

Zyeremii 19:5

Pe n sáriga-wòlo-tɛ́ɛyɛ faan Baali ma bàā be jáabèle sórogi náagi ni, sáriga-sórigoo Baali ma, gee gi lè mii da gi kéeli joo n gbàn í, gee gi lè mii da joo gi na í, gee gi lè ki da caà jée mii sɔ̀nguri ni í.

Oze sɛ́bɛw 13:1

Lǎli ni Efirayimi da ni nyuu lè, ki maa pye fyáakpɔɔrɔ, wi maa pye wogbɔɔɔ Isirayɛli ni. Kàjáa wi n Baali kéeli tɛ́ʔɛ n wiyɛɛ kolo, a wi kùu.

Oze sɛ́bɛw 2:8

Gee bee na wéle, mii a wi kólogi tɔ́n ní wúuro tiipiire ní, mii a gi faan sùlu ní gungo ní jàngó wi a ní kɔ́ wi kobiigèle caa nyaa í.

Sofonii 1:4

«Mii a mii kɔ́gi sánʔa bi taʔa Zyuda ní Zyerusalɛmi ye myɛw na. Baali wóbèle be kòro lè mii a be kálagi bi yirige tɛ́ɛgi naa ni, sejeebèle be báara wi ma lè poro mɛ́ɛgi n fàra sáriga-wòbèle na,

Córolo 25:3

A Isirayɛli ye pínɛ ní Baali-Peyɔɔri ní. A Yawe fúngi tanʔa Isirayɛli ye kurugo gbanʔama.

Làlwaw Kaanziin 4:3

Gee Yawe kpéʔele Baali-Peyɔɔri kéeli na lè yele nyapiigèle n gi nyaa. Nǎnbèle pe da peyɛɛ daʔa Baali-Peyɔɔri na lè, Yawe yele Kolocɔlɔw n bele bee myɛ kálagi n yirige yele níngi ni.

Jàbɔbèle 2:13

Pe n Yawe yaʔa ní i Baali ní Asitaritebèle kpɔ̀ʔɔrɔ́.